Iosua 10:41 - A Nitana Vure

⁴¹ E Iosua i bole lobo a maka robo, i tubu o Kades-Barnea na tabeke mule puru i lakea na tanga e Gasa tabukoi na lavu, i tubu na tabeke na malala ne Gosen i lakea na tanga e Gibeon na tabeke mule sike.

Iosua 10:41 Iomraidhean Croise

A Vuhuna 10:19

A vanagi na robo e Kenan i tubu o Sidon, i polo lakea o Gerar, i lokovonga liu o Gasa, muri i kaogo vonga i lakea mai e Sodoma, e Gomora, e Adma, e Seboim, lakea i harena o Lasa.

Ni Gi 13:26

Muri ri hamule valai ne Moses, e Aron, ne huriki a Israel, ri made na tanga e Kades na tabeke i ngeki ne Paran, ri vakalongo ria na maka maki ri matai, ri vakasiri a maka kanena kai ri bole.

Ni Gi 32:8

Hosi e huriki e tamane mua ri rata mavonga, na tahuna mi made na tanga e Kades-Barnea, a rudu tala ria ri gi kasisia a robo e Kenan.

Ni Gi 34:4

Muri i polo tano na bala na lolo e Akrabim, i padi kudua a kurukuruna tabeke ne Sin i vano i harena na tabeke mule puru ne Kades-Barnea. A nagi i kaogo lakea na tanga e Hasar-Adar i harena na tanga e Asmon.

Apostolo 8:26

Ngane a agelo ne Bakovi Dagi i takia e Pilip, i ta maea, “O pesi rike, o vano, o laho na dala i pagitala o Ierusalem i puru lakea na nuli tanga e Gasa.”

Vinara 1:19

“Muri si pe mulea a lolo e Sinai, si laho lakea na malala golea i mata ringangi, si vano si bele na maka lolo ne Amor, i ramaia a nivakuku ne BAKOVI DAGI a Vure ne hita. Na tahuna si bele pali na tanga e Kades-Barnea,

Vinara 2:23

Ri manga kunana e huriki a Kaptor na bodu e Krit ri vakalobo e huriki a Avim, ra ri made tabukoi na dari i vano i harena tano o Gasa. Ri bolea a malala ne huriki a Avim ri made vona).

Vinara 9:23

Hosi mu made o Kades-Barnea i taki mua mu gu vano mu gu made vona a malala i ngaru ge habia ne mua. Pali mu longotaro a nitana, i uka ma mu luhoi tora ia, i uka ma mu ramai a nitana.

Iosua 10:12

Na parava iea e BAKOVI DAGI i tuhori e huriki a Israel ri ratapile e huriki a Amor. E Iosua i vasileki ne BAKOVI DAGI na matane huriki a Israel i ta maea, “Ioe a haro o pesi polomeli ne Gibeon. Ioe a keva o pesi polotano na maloku ne Aialon.”

Iosua 10:2

E huriki a bakovi a ngatavine o Ierusalem ri mangenge hateka, a vuhuna a tanga e Gibeon i manga kunana a maka tanga ri tahoka a hariki. E Gibeon i dagi hateka, i rangia a tanga e Ai. E huriki a bakovi ri gao hateka na vabinga. E huriki a Ierusalem ri mangenge hateka ne ria.

Iosua 11:16

E Iosua turane huriki a nugumaheto vona ri bole loboa a malala iea, i vakatubu meli i harena tano. Ri bole lobo a maka tabeke na lolo a rihuhu, a maka tabeke lobo ne Negev ne Gosen, a maka kupona na tabeke na nirolona haro, a maloku ne Iordan, ra maka bila a kupona ne Israel.

Iosua 11:22

I uka tara Anak ge made o Israel. Pali i tahoka kunana a viri popote ri made na tanga e Gasa, e Gat, e Asdod.

Iosua 15:51

e Gosen, e Holon, e Gilo. A robo iea i tahoka a maka tanga dagi i ravulu a polona i taku, turana a maka tanga kiroko ri pesi tabukoi ne ria.