Iosua 10:4 - A Nitana Vure

⁴ I taki e huriki a hariki nga i ta maea, “Mu valai mu tuhori mia, si gi vaubi turane huriki a Gibeon, a vuhuna ri rata a nivalemu ne Iosua turane huriki a Israel.”

Iosua 10:4 Iomraidhean Croise

Mateo 16:24

Muri e Isu i taki e huriki a muri­muri vona, i ta maea, “E rei a viri i ngaru ni muri nau, ge lohopile a ningaru vona, ge kalohoa a kai tavalavala vona, ge ramai iau.

Ioanes 15:19

Bara i mua a bakovi na malala, e huriki a bakovi na malala bara ri ngaru mua, a vuhuna mua a tara ne ria. Pali mua, i uka ma mua a bakovi na malala. A vulaki tala mua ne huriki a bakovi na malala lakea ri marikoi ne mua.

Apostolo 21:28

Lakea ri gale tala ri ta maea, “Mua o huriki a Israel, mu kori mia! A bakovi iea i lakea na tanga lobo, i vara e huriki ri gi tepu e huriki a kabune hita, a vinara ne Moses, a roho na Vure. Ngane i bole dili na roho na Vure e huriki a Grik, ri kinimutoa!”

2 Timoti 3:12

I muholi hateka, e huriki ri luhoi torea e Isu Kristo, ri laho na narona Vure, bara ni vakamadihi.

Iakop 4:4

Mu ha taroa a Vure i manga a ngatavine i ha taroa e girihina, i vano i ngoi viliha. Mu longo, mu lohoka vona, e huriki ri ngaru a vilo na malala, ria a pile na Vure. I mavonga, e rei a viri ne mua i ngaru ni ramai a naro na malala, ia a pile na Vure.

Iosua 10:1

E Adoni-Sedek, a hariki o Ierusalem, i longo a velengane Iosua i bolea a tanga e Ai, i rabalaki lobo e huriki a tahotanga turana a hariki ne ria, i manga a naro ri rata virihi a tanga e Ieriko turana a hariki vona. I longo e huriki a Gibeon ri rata a ngava dagi, ri made kamumu turane huriki a Israel.

Iosua 10:5

Ra hariki ala lima nga, a hariki o Ierusalem, o Hebron, o Iarmut, o Lakis, o Eklon, ria a kabu ne Amor. Ri vadili palupu a tara na vabinga, ri vano ri pesi haluia a tanga e Gibeon, ri vaubi ne ria.

Iosua 9:15

E Iosua i rata kamumu e huriki a Hivi, i rata a ngava dagi na nivalemu turane ria, i uka ma ge rabalaki ria. E huriki a matakari o Israel ranga ri ta muholi ri gi ramaia a ngava dagi iea.

1 Petrus 4:4

Ri turutu na tahuna mu koi ni turane ria ni rata a naro hale nga, lakea ri harogi mua.

Kapiloho 16:14

A leho na hanitu nga, to go havai, to go rata a nivakasiri, to go tuli valai e huriki a hariki lobo na malala, ri gi vapopo turana maka tara ne ria, ri gi vaubi na parava dagi na Vure i tuhaka hateka ge pelekado e huriki vona.