Iosua 10:20 - A Nitana Vure

²⁰ E Iosua turane huriki a Israel ri valili ne ria, ri rabalaki e huriki ala kupo. Pali i ranga ri ha, ri kapiloho na tanga ne ria.

Iosua 10:20 Iomraidhean Croise

Vinara 20:16

“Na tahuna mu bolea tara tanga i pesi pololilo na malala e BAKOVI DAGI ta ge habia ne mua, mu rabalaki lobo e huriki.

Iosua 10:10

Na tahuna e huriki a Amor ri matai e huriki a tara na nugumaheto ne Israel ri valai, e BAKOVI DAGI i rata ria ri mangenge, i vakaviliha a niluhoi ne ria. Lakea e huriki a Israel ri ratapile e huriki a Amor iea o Gibeon, ri valili puru ne ria na dala tabukoi na tanga e Bet-Horon. Ri ratapile e huriki a Amor i puru lakea, i harena na tanga e Aseka e Makeda.

Iosua 10:19

Pali naha ni made tavula vona a hini nga. Mu ramai e huriki a pile mu vaubi turane ria. Naha ni matataro ria ri gi vano ri gi bele na tanga ne ria, a vuhuna e BAKOVI DAGI a Vure ne hita i taki pali bara si rangi ria.”

Iosua 10:21

Muri e huriki a tara na nugumaheto ri hamule lakea ne Iosua na mada e Makeda. I uka tara ne ria ge bole a vuranga. Muri e huriki a tahotanga o Kenan i uka ma ri ta hale tabu ne huriki a Israel.

Iosua 11:12

E Iosua i nugutata lobo e huriki a hariki i bole a maka tanga ne ria. I rabalaki lobo e huriki a tahona, i manga a ngava i taki e Moses a vora ne BAKOVI DAGI.

Iosua 11:8

E BAKOVI DAGI i tuhori e huriki a Israel ri mulangi na vabinga, ri rangi e huriki a pile. E huriki a Israel ri valili sike ne ria i harena na tanga e Sidon e Misrepot-Maim. Muri ri valili ne ria, ri lakea na tabeke na nirikena haro na maloku ne Mispa. Ri vaubi turane ria, ri vakalobo liu ria.

Iosua 8:24

Na tahuna e huriki a Israel ri rabalaki lobo e huriki a pile, na tabeke i ngeki na hini ni valili lokovonga ria vona, muri ri hamule lakea o Ai ri rabalaki lobo e huriki a tahotanga ri made vonga.