Iosua 10:13 - A Nitana Vure

¹³ Lakea a haro i tabuli mavonga, a keva tara i uka ma i rolo, i harena ne huriki a Israel ri rangi e huriki a pile. A haro i uka ma i rolo malaviriri. I tabuli mavonga na hunu i manga a parava i taku. A nuverei na maki iea ni here na puhu ne Iasar.

Iosua 10:13 Iomraidhean Croise

Ni Gi 21:14

A Puhu na Nuverei na Vabinga ne BAKOVI DAGI i taki a tanga e Vahep na tabeke ne Supa, a maka maloku na naru e Arnon,

Ni Gi 31:2

“O koli a naro e huriki a Midian ri rata virihi e huriki a Israel vona. Muri bara o mate.”

Mateo 24:29

“A nimadihi dagi i lobo, malaviriri kunana a haro bara i maparavunu, a keva tara i uka ma ge para. A maka hada bara ri mapasi, a maka nitora na hunu bara ni polu.

Mateo 5:45

Bara mu rata mavonga, bara ni gale mua e huriki e tune Tamane mua meli na hunu, a vuhuna i ratea a haro i para langa ne huriki lobo: e huriki a bakovi malamala, e huriki a bakovi hale. I habi a vala ne huriki lobo: e huriki a bakovi malamala, e huriki a bakovi hale.

Lukas 18:7

Pali a Vure, i muholi hateka bara i kori e huriki i vulaki ria, re huriki ri galea vakaroro, na hatelanga, na malunga, na rodo.

Apostolo 2:20

A haro bara i paravunu, a keva bara i para vururu, manga a dara muga na parava ne Bakovi Dagi ge valai. A parava iea i dagi hateka.

Iosua 10:11

Na tahuna e huriki a Amor ri ha ramaia a dala na lolo i raga o Bet-Horon, e BAKOVI DAGI i vakaboru a vala-kedo, i padimate e huriki a Amor, i vano i harena o Aseka. E huriki ri mate na vala-kedo i kupo hateka na viri e huriki a Israel ri rabalaki na bainat.

Iosua 10:14

I paru hosi i valai i harena mona i uka tara parava ge manga a parava iea. Ra maki iea i bele, a vuhuna e BAKOVI DAGI i longototoa a bakovi i ala taku, i tuhori e huriki a Israel na vabinga.

Kapiloho 21:23

A tanga iea, i uka ma i ngarua a haro, a keva ru gu paraia, a vuhuna a nipara dagi na Vure i paraia, a Tuna Sipsip i manga a nipara vona.

Kapiloho 6:10

Ra hanune huriki nga ri gale dagi, ri ta maea, “O Bakovi Dagi, ioe o tahoka a nitora lobo. Ioe o kiripiripi. Ioe a vuhuna ngava muholi. Garika go pelekado e huriki na malala, go koli a naro hale ne ria, ri rabalaki mia?”

Kapiloho 6:12

Na tahuna a Tuna Sipsip i lagea a polotarana buluka, a vuruke dagi i bele na malala. A haro i kato manga a gabu. A keva i mapulo i vururu manga a dara.

Kapiloho 8:12

A agelo i va i vakia a tavure vona. Muri a haro, a keva, a maka hada ni ubi, lakea a nipara ne ria i puru. A haro, a rodo, ranga, ni ratapile. Na haro, i uka ma i para a haro na tahuna ranga. Na rodo, a keva a hada i uka ma ri para na tahuna ranga.