Iosua 10:1 - A Nitana Vure

¹ E Adoni-Sedek, a hariki o Ierusalem, i longo a velengane Iosua i bolea a tanga e Ai, i rabalaki lobo e huriki a tahotanga turana a hariki ne ria, i manga a naro ri rata virihi a tanga e Ieriko turana a hariki vona. I longo e huriki a Gibeon ri rata a ngava dagi, ri made kamumu turane huriki a Israel.

Iosua 10:1 Iomraidhean Croise

A Vuhuna 14:18

Muri e Melkisadek, a hariki o Salem i bole valai a bret a vain. E Melkisadek ia a prister na Vure Meli Liu.

Hibru 7:1

Hosi, e Melkisadek a hariki na tanga dagi e Salem. Ia a prister dagi na Vure Meli Liu. E Abraham i vaubi turane huriki a hariki ranga, i rabalaki ria. Muri i laho hamule lakea na tanga vona. E Melkisadek i taguia na dala, i vakabagetua.

Iosua 10:3

Lakea e Adoni-Sedek i talo rike a ngava ne Hoham a hariki na tanga e Hebron, ne Piram a hariki na tanga e Iarmut, ne Iapia a hariki na tanga e Lakis, ne Debir a hariki na tanga e Eklon.

Iosua 6:21

Ri rabalaki lobo e huriki a tahotanga na bainat. Ri rabalaki lobo e huriki a bakovi, a ngatavine, a koma, a gare, a maka bulmakau, a sipsip, a donki.

Iosua 8:2

O vakalobo liu a tanga e Ai turana a hariki vona, ge manga a hini o rata virihi a tanga e Ieriko turana a hariki vona. Pali ngane mu bole a maka bulmakau a mahala ne Ai. Mu kisi a maka lebo na vabinga mu vano mu vaubi vona a tanga iea. O rudu muga ranga nugumaheto, ri gi kapiloho na pogi na tanga.”

Iosua 9:3

A kabu ne Hivi i made na tanga e Gibeon, pali na tahuna ri longo a velengana a maka maki e Iosua i rata na tanga e Ieriko e Ai,