Iosua 1:9 - A Nitana Vure

⁹ A taki ioe pali, o pesi tora, naha ni mangenge, naha ni loho paepae. A vuhuna iau e BAKOVI DAGI a Vure vomu, ga laho turamu na tabeke lobo.”

Iosua 1:9 Iomraidhean Croise

A Vuhuna 28:15

Iau ga laho turamu, ga matakari ioe na hini o lakea vona. Muri ga bole mule valai ioe koea na malala iea. I uka ma ga pe ioe ngane, bara rata taro a maka maki a taki ioe vona.”

A Vuhuna 39:2

E BAKOVI DAGI i matakaria e Iosep, i leho kamumu kunana na ruma e Potipar.

A Vuhuna 39:3

E Potipar i masia i kamumu a vilona, a vuhuna e BAKOVI DAGI i laho turana, i matakaria.

Apostolo 4:19

Pali e Petrus, e Ioanes ru koli mule, ru ta maea, “Mu luhoi navai? A Vure ge ngaru miri gi longototo mua, o miri gi longototo ia?

Vinara 1:21

Mu masia a malala iea, e BAKOVI DAGI a Vure ne huriki a gare ne hita i habia ne mua ngane. Mu vano mu made vona, i manga a ngava i taki mua vona pali. Naha ni mangenge, naha ni loho lege lae.’

Vinara 20:1

E Moses i ta tabu i ta maea, “Na tahuna mu vano mu vaubi turane huriki a pile ne mua mu matai a maka karis a hos e huriki a tara na vabinga ri ala kupo hateka, naha ni mangenge ne ria. A vuhuna e BAKOVI DAGI a Vure ne mua i bole tala mua o Egipto, i taparaki valai mua koea, bara i matakari mua.

Vinara 31:23

E BAKOVI DAGI i takia e Iosua tune Nun, i ta maea, “O pesi tora, naha ni luhoi lege lae. Ioe kunana bara o taparaki e huriki a Israel lakea vona a robo a ta muholi vona ga habia ne ria. Iau kunana bara made turamu vakaroro.”

Vinara 31:28

O gale palupu e huriki a matakari a bolekori ne huriki a kabu lobo, ri gi valai tabukoi nau. A ngaru ga habia ne ria a nitana linge iea. Ga gale a hunu a malala, ru gu matai iau a ratea ne mua a nita iea.

Iosua 1:10

Lakea e Iosua i taki e huriki a matakari ne Israel i ta maea,

Iosua 1:17

Mi gi ramai a ngavamu ge manga a hini mi ramai a nitane Moses. E BAKOVI DAGI, a Vure vomu, ge made turamu ge manga a hini i made turane Moses.

Iosua 1:18

A viri i tagege, i longotaro a ngavamu na a ra maki o vakuku ria vona ri gi rata, pali i uka ma ri rata, bara ni rabalaki. Pali ioe o pesi tora, naha ni mangenge.”

Iosua 10:25

Lakea e Iosua i taki e huriki a Israel i ta maea, “Naha ni mangenge, naha ni loho paepae. Mu pesi tora, a vuhuna e BAKOVI DAGI bara i rata maea kunana e huriki a pile ne mua.”

Iosua 10:8

E BAKOVI DAGI i taki e Iosua i ta maea, “Naha ni mangenge vona e huriki nga. A habi ria pali na limamu. I uka tara viri ge rangi mua.”

Iosua 3:7

E BAKOVI DAGI i takia e Iosua i ta maea, “Ngane ga tubu ni rata e huriki a Israel ri gi kavurike a ramu, ri gi lohoka vona iau a made turamu, i manga a hini a laho turane Moses.

Iosua 6:27

I mavonga e BAKOVI DAGI i laho turane Iosua, e huriki lobo na robo iea ri bibi rikea a rana.

Iosua 8:1

E BAKOVI DAGI i takia e Iosua, “Naha ni mangenge, naha ni loho paepae. O bole e huriki a nugumaheto mu vano mu vaubi turane huriki a bakovi o Ai. Ga tuhori ioe go rangia a hariki o Ai. Ga habi vomu e huriki a bakovi, a tanga, a malala vona.