Iosua 1:7 - A Nitana Vure

⁷ O pesi tora kunana, naha ni mangenge, naha ni loho paepae. O matakari, o ramai kamumu a maka vinara e Moses a vora nau i habi vomu. Naha ni longotaro tara. Ioe bara o ramai kamumu a maka vinara nga, e rei a tabeke o lakea vona, i uka ma go bole a vuranga, bara o made kamumu kunana.

Iosua 1:7 Iomraidhean Croise

Ni Gi 27:23

Lakea e Moses i ru langa a limana na gine Iosua i taki ria ne Iosua ge bole a murina. E Moses i rata lobo a maki e BAKOVI DAGI i ngaru ge rata.

Vinara 11:8

“Mu ramai a maka vinara a habi ne mua ngane, lakea bara mu gao, mu tulu poloa a naru iea, mu bolea a malala ra ta mu gu bolea ngane,

Vinara 12:32

“Mu rata lobo a maka maki, ge manga a hini a taki mua vona. Naha ni hudo tala a vinara, naha ni lohopile na vinara.”

Vinara 28:14

Pali a ngaru mua mu gu ramai lobo a maka vinara, naha ni longotaro mu gu ramai a vure ranga, mu gu rata a leho ne ria.

Vinara 29:8

si bolea a malala ne ria, si veru ne huriki a kabu ne Reuben, a kabu ne Gad, a kalavana kabu ne Manase.

Vinara 29:9

I mavonga mu ramaia a nita na ngava dagi iea, a maki mu rata bara ri bele kamumu.

Vinara 31:7

Muri e Moses i galea e Iosua i valai vona, na matane huriki a Israel i taki ria, i ta maea, “O pesi tora, naha ni mangenge ge vakulu a tagamu. O muga e huriki, o veru o habi ne ria ra malala e BAKOVI DAGI i ta muholi vona ne huriki a gare ge habia ne mua.

Vinara 4:2

Naha ni hudo talea na vinara tara ngava karaba, ra maka vinara ne BAKOVI DAGI a Vure ne hita a habi ne mua. Naha ni vurokia tara ne ria. Mu ramai lobo a vinara nga.

Vinara 5:32

Lakea e Moses i vara e huriki a Israel i ta maea, “Mu matadoko, mu ramai lobo a maka vinara ne BAKOVI DAGI a Vure ne hita i habi ne mua. Naha ni longotaroa tara vinara. Naha ni makope lakea na maurine mua o na kanene mua.

Iosua 1:1

Muri ne Moses a vora ne BAKOVI DAGI i mate, e BAKOVI DAGI i takia e Iosua, e tune Nun, a bolekori ne Moses i ta maea,

Iosua 1:8

Naha ni lohopile vona a puhu na vinara. Na haro na rodo o tovo kamumu a maka vinara. O matai kamumu, o ramai muholi a maka nita ri tabuli na vinara. Ioe bara o rata mavonga, a maka maki ranga o rata bara ri bele kamumu.

Iosua 1:9

A taki ioe pali, o pesi tora, naha ni mangenge, naha ni loho paepae. A vuhuna iau e BAKOVI DAGI a Vure vomu, ga laho turamu na tabeke lobo.”

Iosua 11:15

Muga e BAKOVI DAGI i habi a ngava na vora vona e Moses. Muri e Moses i habi ne Iosua a ngava nga, lakea e Iosua i ramai lobo. E Iosua i rata lobo a maki i manga a ngava e BAKOVI DAGI i taki e Moses vona.

Iosua 23:6

“I mavonga, mu matadoko kamumu, mu ramai a ngava lobo na puhu na vinara ne Moses. Naha ni longotaroa tara nitana.