Iosua 1:5 - A Nitana Vure

⁵ O Iosua na tahuna o matakari e huriki a Israel, i uka tara kabu ge rangi mua na vabinga. Iau ga made turamu ge manga a hini a made turane Moses. Iau i uka ma ga pe ioe.

Iosua 1:5 Iomraidhean Croise

A Vuhuna 39:2

E BAKOVI DAGI i matakaria e Iosep, i leho kamumu kunana na ruma e Potipar.

A Nimariu 3:12

Lakea a Vure i ta maea, “Iau a made turamu. Ngane ga habia vomu tara kilakila ge vakasiri ioe, iau a rudu ioe. Ra kilakila iea ge maea, na tahuna o tuli tala e huriki a Israel o Egipto, ri gi valai, mu kavurike iau na lolo iea.”

A Raukea e Paulus i Here Lakea ne Huriki a Rom 8:31

Si lohoka vona, a Vure i pesi turane hita. I mavonga, e rei ge gege hita?

A Raukea e Paulus i Here Lakea ne Huriki a Rom 8:37

A maki hale nga bara ri bele, pali e Kristo i ngaru hateka hita, i rata hita si mulangi.

Vinara 20:1

E Moses i ta tabu i ta maea, “Na tahuna mu vano mu vaubi turane huriki a pile ne mua mu matai a maka karis a hos e huriki a tara na vabinga ri ala kupo hateka, naha ni mangenge ne ria. A vuhuna e BAKOVI DAGI a Vure ne mua i bole tala mua o Egipto, i taparaki valai mua koea, bara i matakari mua.

Vinara 20:4

A Vure ne mua bara i turane mua, i tuhori mua mu mulangi na vabinga.’

Vinara 31:23

E BAKOVI DAGI i takia e Iosua tune Nun, i ta maea, “O pesi tora, naha ni luhoi lege lae. Ioe kunana bara o taparaki e huriki a Israel lakea vona a robo a ta muholi vona ga habia ne ria. Iau kunana bara made turamu vakaroro.”

Vinara 4:31

Ia a Vure na nidodo. I uka ma ge pe mua, o ge rata hale mua, o ge longokaburungia a nita na ngava dagi i ratea ne huriki a gare ne mua hosi.

Vinara 7:24

E huriki a hariki ne ria ranga, bara i ru na limane mua. Mu rabalaki ria, muri e huriki i uka ma ri gi luhoi tabu ria. I uka tara viri ge tangotata mua, bara mu rabalaki lobo ria.

2 Timoti 4:17

Pali e Bakovi Dagi kunana i pesi turagu, i habi a nitora nau, ga vakalongo a Velenga Kamumu lobo koea ne huriki i uka ma ria a Iuda. A Vure i korimule iau na ngina laion.

Hibru 13:5

Naha ni nunu muri mai a mahala. A maki mu tahoka pali, mu vivi vona kunana, a vuhuna a Vure i ta maea, “I uka ma ga ha taro mua. I uka ma ga lohopile mua.”

Iosua 1:17

Mi gi ramai a ngavamu ge manga a hini mi ramai a nitane Moses. E BAKOVI DAGI, a Vure vomu, ge made turamu ge manga a hini i made turane Moses.

Iosua 1:9

A taki ioe pali, o pesi tora, naha ni mangenge, naha ni loho paepae. A vuhuna iau e BAKOVI DAGI a Vure vomu, ga laho turamu na tabeke lobo.”

Iosua 10:8

E BAKOVI DAGI i taki e Iosua i ta maea, “Naha ni mangenge vona e huriki nga. A habi ria pali na limamu. I uka tara viri ge rangi mua.”

Iosua 21:44

E BAKOVI DAGI i habi a nivalemu ne ria, i manga a ngava i ta muholi vona ne huriki a gare ne ria. I tuhori ria i ratapile e huriki a pile, i uka tara pile ge rangi ria.

Iosua 3:7

E BAKOVI DAGI i takia e Iosua i ta maea, “Ngane ga tubu ni rata e huriki a Israel ri gi kavurike a ramu, ri gi lohoka vona iau a made turamu, i manga a hini a laho turane Moses.

Iosua 6:27

I mavonga e BAKOVI DAGI i laho turane Iosua, e huriki lobo na robo iea ri bibi rikea a rana.