Iosua 1:2 - A Nitana Vure

² “A vora nau e Moses i mate pali, ngane mu kisi puru a maka maki ne mua. Ioe turane huriki a Israel mu tulu poloa a naru e Iordan, mu vano, mu bele vona a malala ga habia ne mua.

Iosua 1:2 Iomraidhean Croise

A Vuhuna 17:8

Ra malala e Kenan, ngane o made manga a mosi vona, ga habia vomu, ge vomu liu. Muri ga habi poloa ne huriki a hamomu. Pali iau, ge iau a Vure ne ria.”

Ni Gi 12:7

Pali a vora nau e Moses i uka ma i manga e huriki a propet ranga. A naro a ratea vona i tebi. A habi lobo vona a maka leho nau, a lohoka vona bara i rata.

Vinara 3:28

O matai kunanea pali a malala. O vakukua e Iosua o vakatorea a niluhoi vona, ge muga e huriki ri gi bole a malala ge ne vone ria.’

Vinara 31:7

Muri e Moses i galea e Iosua i valai vona, na matane huriki a Israel i taki ria, i ta maea, “O pesi tora, naha ni mangenge ge vakulu a tagamu. O muga e huriki, o veru o habi ne ria ra malala e BAKOVI DAGI i ta muholi vona ne huriki a gare ge habia ne mua.

Vinara 34:5

Lakea e Moses, a vora ne BAKOVI DAGI, i mate na malala ne huriki a Moab, i manga a ngava e BAKOVI DAGI i takia vona.

Iosua 1:1

Muri ne Moses a vora ne BAKOVI DAGI i mate, e BAKOVI DAGI i takia e Iosua, e tune Nun, a bolekori ne Moses i ta maea,

Iosua 1:11

“Mu dili na mada, mu taki e huriki ri gi kisi puru a maka maki ni kani, a galesi ne ria. Ge lobo a parava ge tolu, si gi tulu poloa a naru e Iordan, si gi bolea ra malala e BAKOVI DAGI a Vure ne hita ge habi ne hita, ga malala ne hita liu.”