Iosua 1:11 - A Nitana Vure

¹¹ “Mu dili na mada, mu taki e huriki ri gi kisi puru a maka maki ni kani, a galesi ne ria. Ge lobo a parava ge tolu, si gi tulu poloa a naru e Iordan, si gi bolea ra malala e BAKOVI DAGI a Vure ne hita ge habi ne hita, ga malala ne hita liu.”

Iosua 1:11 Iomraidhean Croise

A Nimariu 19:11

Girira na toluna parava ri gi dava iau, ga puru valai na lolo e Sinai, ria lobo ri gi matai iau.

Vinara 11:31

I uka ma ge tabaka bara mu tulu poloa a naru e Iordan, mu vano mu made vona a malala e BAKOVI DAGI a Vure ne hita i ngaru ni habia ne mua. Na tahuna mu bolea mu made vona pali,

Vinara 3:18

“Na tahuna iea, a vakuku mua a ta maea, ‘E BAKOVI DAGI a Vure ne hita, i habia ne mua pali a malala iea i tabuli na nirikena haro na naru e Iordan, mu gu made vona. Ngane e huriki a bakovi ne mua ri gi bole a maki na vabinga, ri gi tulu poloa a naru e Iordan, ri gi tuhori e huriki a Israel ri gi bolea a malala iea.

Vinara 9:1

E Moses i ta tabu i ta maea, “Mua o huriki a Israel mu longo. I tabukoi ngane mu gu tulu poloa a naru e Iordan, bara mu vano mu lili tala e huriki ri gao hateka ne mua, mu bolea a malala ne ria. Ri tahoka a maka tanga, ni tura halui na nure-kedo i padoi a bubu.

Iosua 1:10

Lakea e Iosua i taki e huriki a matakari ne Israel i ta maea,

Iosua 1:2

“A vora nau e Moses i mate pali, ngane mu kisi puru a maka maki ne mua. Ioe turane huriki a Israel mu tulu poloa a naru e Iordan, mu vano, mu bele vona a malala ga habia ne mua.

Iosua 3:2

Muri na parava i tolu e huriki a matakari ri laho pololilo na mada,