Iosua 1:1 - A Nitana Vure

¹ Muri ne Moses a vora ne BAKOVI DAGI i mate, e BAKOVI DAGI i takia e Iosua, e tune Nun, a bolekori ne Moses i ta maea,

Iosua 1:1 Iomraidhean Croise

A Nimariu 24:13

Muri e Moses i longo maia a nitana, i bolea a vora vona e Iosua ru sike na lolo na Vure.

Ni Gi 11:28

E Iosua, e tune Nun, a bolekori ne Moses, i leho turana na tahuna i riau vona, i valai i harena mona. E Iosua i longo a nitana riau, lakea i takia e Moses i ta maea, “Bakovi dagi nau, o vano o taki rua naha ru gu ta.”

Ni Gi 12:7

Pali a vora nau e Moses i uka ma i manga e huriki a propet ranga. A naro a ratea vona i tebi. A habi lobo vona a maka leho nau, a lohoka vona bara i rata.

Ni Gi 13:16

E Moses i rudu e huriki a bakovi nga, ri vano ri gi kasisi a maka tabeke lobo ne Kenan. E Moses i vunu herea e Hosea e tune Nun, i galea e Iosua.

Ni Gi 13:8

E Hosea e tune Nun, ni bole tala na kabu ne Epraim.

Lukas 16:10

“E rei a viri i matakari kamumu a maki kiroko, bara i matakari kamumu a maki dagi. E rei a viri i tatami na maki kiroko, bara i tatami na maki dagi.

Apostolo 7:45

Muri e huriki e tune ria ri bole vilia na tahuna e Iosua i muga ne ria, ri bole polo a malala ne huriki a kabu ranga. E huriki a kabu nga, a Vure i lili tala ria. Ri vakapesia koea a kape, i valai i harena na tahuna e Davit a hariki i matakari o Israel.

A Raukea e Paulus i Here Lakea ne Huriki a Rom 1:1

Iau e Paulus, a vora ne Isu Kristo. A Vure i vulaki iau ge iau a apostolo vona, i ru iau ga vakalongo a Velenga Kamumu vona.

Vinara 1:38

Pali a viri i pahamuri ioe, e Iosua e tune Nun, ia kunana ge dili. O vakatorea a niluhoi ne Iosua, a vuhuna bara i bole dili e huriki a Israel vona a robo iea.’

Vinara 31:23

E BAKOVI DAGI i takia e Iosua tune Nun, i ta maea, “O pesi tora, naha ni luhoi lege lae. Ioe kunana bara o taparaki e huriki a Israel lakea vona a robo a ta muholi vona ga habia ne ria. Iau kunana bara made turamu vakaroro.”

Vinara 31:3

E BAKOVI DAGI a Vure ne mua ge muga mua, ge ratapile e huriki ri made vona a tabeke iea, muri bara mu bolea a malala ne ria. E Iosua ge matakari mua i manga a ngava e BAKOVI DAGI i taki.

Vinara 33:1

E Moses ra bakovi i vakalongo a nitana Vure, a parava vona ni mate i valai tabukoi, lakea i gamai e huriki a Israel,

Vinara 34:12

I uka ma ri kara ni rata a maka maki dagi ri gi vakamangenge e huriki a bakovi a ngatavine, i manga a hini e Moses i rata na matane huriki a Israel.

Vinara 34:5

Lakea e Moses, a vora ne BAKOVI DAGI, i mate na malala ne huriki a Moab, i manga a ngava e BAKOVI DAGI i takia vona.

Vinara 34:9

Muri ne Moses i mate, a Vure i habi a lohokanga kamumu ne Iosua e tune Nun, a vuhuna e Moses i ru langa a limana vona. E huriki ri longototoa a nitane Iosua ri ramai a maka vinara e BAKOVI DAGI i vakuku e Moses vona.

Titus 1:1

Iau, e Paulus, a herea a raukea iea i lakene vomu, o Titus. Iau a vora na Vure, a apostolo ne Isu Kristo. I rudu iau ga vakatora a niluhoi ne huriki a bakovi a ngatavine a Vure i vulaki ria. A tuveve ne ria a nita muholi, ri gi laho na narona Vure. Lakea bara ri pasimata ni bole a nimahuri vakaroro. Ra nimahuri vakaroro iea, a Vure i ta muholi vona hosi si gi bolea. A Vure i uka ma ia a viri ni tatami. A Vure, ra viri i korimule hita, i puka talea a nita muholi iea na parava i vulakia. Muri i ru na limagu, i vakuku iau ga vakalongo ne huriki. Titus, o manga e tugu muholi, a vuhuna o luhoi torea e Isu i manga iau a luhoi torea. A Vure, e Tamane hita, turane Isu Kristo, a bakovi i korimule hita, ru gu rata kamumu ioe, ru gu habi a nivalemu vomu.

Iakop 1:1

A haro kamumu ne mua lobo. Iau, e Iakop, a vora na Vure, a vora ne Isu Kristo, a Bakovi Dagi ne hita. A herea a raukea iea i lakene ne mua, a kabu ne Israel i ravulu a polona i rua, ra mu pe a tanga ne mua, mu made viliha na tanga lobo na malala.

Iosua 1:15

ge harena na tahuna e BAKOVI DAGI a Vure ne hita, ge habia ne hita a malala, ge made kamumu vona e huriki a viri mua. Muri mu hamule valai na malala e Moses i habi ne mua pali, na tabeke koea ne Iordan na nirikena haro.”

Iosua 1:2

“A vora nau e Moses i mate pali, ngane mu kisi puru a maka maki ne mua. Ioe turane huriki a Israel mu tulu poloa a naru e Iordan, mu vano, mu bele vona a malala ga habia ne mua.

Iosua 12:6

E Moses turane huriki a Israel ri ratapile a hariki nga ala rua na vabinga. Lakea e Moses a vora ne BAKOVI DAGI i habia a malala iea na kabu ne Reuben, na kabu ne Gad, na kalavana kabu ne Manase.

Kapiloho 1:18

Iau a mahuri. Hosi a mate, pali ngane a mahuri vakaroro. Iau a nugua a ki na matenga, a ki na murine huriki ri mate pali.