Ra ioe, o luhoi iau na tahuna a taki maria e Tata miri manga a viri ala taku, o i uka? A ngava a taki mua vona i uka ma a ngavagu. A ngavane Tata. E Tata i made turagu, i rata a leho vona.
A habi ne ria a ngava vomu, lakea e huriki a bakovi a ngatavine na malala ri marikoi ne ria, a vuhuna i uka ma ria a viri na malala, i manga iau tara i uka ma iau a viri na malala.
“A viri i valai meli i dagi hateka ne huriki lobo. Pali a viri na malala, a viri na malala kunana, i ta manga a viri na malala kunana. A viri i valai na hunu i dagi hateka ne huriki lobo.
“Iau a keri ni rata kikeri a maki. A pelekado a viri, i muri mai kunana a ngava a longo ne Tata. A rabugu ni pelekado i malamala a vuhuna i uka ma a muri mai a ningaru nau. A muri mai kunana a ningaru ne Tata, ra i rudu iau a valai.
I uka tara viri ge valai nau na ningaru vona kunana. E Tata i rudu iau a valai, lakea bara i tuli e huriki i ngaru, ri gi valai mai iau. Muri na nilobona parava bara vakamahuri mule ria.
Lakea e Isu i ta maea, “Na tahuna mu bole rikea a Tuna Bakovi, bara mu matakilaka vona iau kunana ra viri a takikia. Bara mu matakilala iau i uka ma a ratea tara maki na ningaru nau kunana. A taki polo kunana a maki e Tata i tovo iau vona.
E huriki ri pe a nitovo ne Kristo, ri pagepolo lakea na ngava ranga, e huriki nga, a Vure i uka ma i made turane ria. Pali e huriki ri pesi tora ni muri mai a nitovo iea, e Tamana, e Tuna rua varago ru made turane ria.
Iea ngane a ngava a Vure i vakalongo ne Isu Kristo, ge vakalongo polo ne huriki a vora vona. A ngava na maka maki ge bele malaviriri. I rudua a agelo vona ge vakalongo a ngava nga na vora vona, ra iau, e Ioanes.