Ioanes 4:16 - A Nitana Vure

¹⁶ Lakea e Isu i takia, i ta maea, “O vano o tuli vilia e girihimu.”

Ioanes 4:16 Iomraidhean Croise

Ioanes 1:42

Muri e Andreas i tulia e Simon, ru lakea ne Isu. Na tahuna e Isu i masia, i ta maea, “Ioe e Simon, e tune Ioanes. Ngane a vunu ioe ge ioe e Sipas” (e Sipas na nita Grik i manga e Petrus).

Ioanes 21:17

I balaka tolu ngane e Isu i nanea, “Simon tune Ioanes, ioe o ngaru iau?” Lakea e Petrus i kide tala, a vuhuna e Isu i nana balaka tolu, “Ioe o ngaru iau? Lakea e Petrus i takia e Isu, i ta maea, “Bakovi Dagi, o lohoka vona a maki lobo, o lohoka nau a ngaru ioe.” Lakea e Isu i takia, “O vakani a maka sipsip nau.”

Ioanes 4:15

Lakea a ngatavine i takia, i ta maea, “Bakovi Dagi, o habia nau a naru iea, i uka ma ga marohu tabu, i uka ma ga valai, ga kiru tabu.”

Ioanes 4:17

A ngatavine i koli, i ta maea, “A uka e girihigu.” Lakea e Isu i takia, i ta maea, “O ta muholi, o uka e girihimu.

Ioanes 4:18

Pali i muholi a hini o tahoka e girihimu i lima, pali ra bakovi o made turana ngane i uka ma ia e girihimu. Ra ngava o taki ngane kunana i muholi hateka.”

Hibru 4:13

I uka tara viri ge kapiloho na Vure. A maki lobo si rata, a maki lobo si luhoi, a Vure i lohoka vona. Muri ma hita lobo bara si pesi na matana, ge nana hita vona a naro lobo si rata.

Kapiloho 2:23

Ga rabalaki e huriki e tuna. Na naro iea, e huriki a tara na Vure lobo ri gi lohoka vona, iau a viri a lohoka na niluhoi, na ningaru ne huriki lobo. Ga habi a mapane mua, i muri mai a narone mua.