Ioanes 4:1 - A Nitana Vure

^1-3 E Isu i vahilolo e huriki ala kupo. I kupo hateka e huriki ri murimuri vona, ri rangi e huriki a murimuri ne Ioanes. Pali e Isu i uka ma ia a viri i vahilolo ria. E huriki a murimuri vona ri vahilolo ria. Na tahuna e Isu i lohoka vona e huriki a Pariseo ri matai e huriki ala kupo ri ramaia, lakea i pe a tanga e Iudea, i hamule tabu o Galili turana e huriki a murimuri vona.

Ioanes 4:1 Iomraidhean Croise

Lukas 1:76

Ioe, o tugu, bara ni gale ioe a propet na Vure Meli Liu, a vuhuna bara o laho muga ne Bakovi Dagi, o pelekado purua a dalana.

Lukas 19:31

A viri tara ge nana marua, ge ta maea, ‘I navai muru pugea a donki iea?’ Muru takia muru ta maea, ‘E Bakovi Dagi i tahoka a leho vona.’”

Lukas 19:34

Lakea a murimuri nga ru koli, ru ta maea, “E Bakovi Dagi i tahoka a leho vona.”

Lukas 2:11

a vuhuna mona na vuhutanga ne Davit, a viri ge korimule mua ni poda. Ia e Kristo e Bakovi Dagi.

Lukas 7:13

Na tahuna e Bakovi Dagi i masia a havuri, i dodoa, lakea i takia, “Naha ni tangi.”

Lukas 7:19

Lakea e Ioanes i rudu a vinuru vona ala rua ru gu masia e Bakovi Dagi, ru gu nanea, “Ioe kunana a viri a Vure i taki ge rudu vilia, o mi gi davea a viri tara?”

Ioanes 3:22

Muri e Isu i lakea na tabeke i ngeki ne Iudea turane huriki a murimuri vona, i made turane ria vonga, i vahilolo e huriki.

Ioanes 3:26

Ri lakea ne Ioanes ri takia ri ta maea, “Mari ni tovo, ra bakovi i turamu rira na gagana naru e Iordan, ra viri o vakalongo e huriki vona. Ngane i vahilolo e huriki, pali ngane e huriki lobo ri lokovonga vona.”

Apostolo 10:36

Mu lohoka vona a ngava a Vure i taki mia e huriki a Israel vona, i vakalongo a Velenga Kamumu ne huriki bara ri made na nivalemu turana Vure na tahuna ri luhoi torea e Isu Kristo, a Bakovi Dagi ne huriki lobo.

1 Korin 1:17

E Kristo i rudu iau, i uka ma ga vahilolo e huriki. I rudu iau ga vara e huriki na Velenga Kamumu. I uka ma i ngaru ga voko e huriki na ngava na lohokanga dagi na malala. Ma ga rata mavonga, ge uka a nitora a kai tavalavala ne Kristo.

1 Korin 15:47

A bakovi muga, a bakovi na malala, ni ratarike na habulo. Pali a bakovi i muri, a bakovi na hunu.

1 Korin 2:8

E huriki a matakari na malala, i uka tara viri ge matakilaka vona a ngava iea. Bara ri matakilaka vona, i uka ma ri gi paditatea na kai tavalavala e Bakovi Dagi, ra i bagetu hateka.

2 Korin 4:5

Iau a vara e huriki, i uka ma a bibi rike mule a ragu. A tovo e huriki vona e Isu Kristo a Bakovi Dagi, pali iau a vora ne mua na ningaru ne Isu.

Iakop 2:1

Mua e huriki a turagu, mu rata a naro ge palupu ne huriki lobo, a vuhuna mu luhoi torea e Isu Kristo a Bakovi Dagi ne hita, i muga ne huriki lobo.

Kapiloho 19:16

Ni here na varakia, na lebona a rana tara, ra i maea, ‘A Hariki ne huriki a hariki, a Bakovi Dagi ne huriki a bakovi dagi.’