Ioanes 3:6 - A Nitana Vure

⁶ E kinane hita i poda hita, si tahoka a nimahuri. Pali a Hanuna Vure kunana i habi a nimahuri na hanune hita.

Ioanes 3:6 Iomraidhean Croise

A Vuhuna 5:3

Na tahuna e Adam i tahoka a pida i 130 i vakabelea e tuna a bakovi i manga ia. I vunua e Set.

A Vuhuna 6:12

A Vure i masia a malala i vonu na maka naro hale, a vuhuna a maka narone ria i hale hateka.

A Vuhuna 6:5

E BAKOVI DAGI i matai a narone huriki na malala i hale liu, a maki ri luhoi kunanea a naro hale.

Ioanes 1:13

E huriki nga ria a tuna Vure, i uka ma i ramai a darane kinane ria o ne tamane ria, o na ningaru na kakaina viri, o na ningaru na bakovi. A Vure kunana i rata ria ge ria e huriki e tuna.

Ioanes 3:7

Naha ni turutu vona a ngava a takia, ‘E huriki ri ngaru ni dili na harikianga na Vure, bara ni poda tabu.’

A Raukea e Paulus i Here Lakea ne Huriki a Rom 7:18

A lohoka vona, i uka tara maki kamumu vona a ningaru hale na kakaigu. A ngaru ni rata a naro kamumu, pali iau a keri.

A Raukea e Paulus i Here Lakea ne Huriki a Rom 7:25

Iau a kavurikea a Vure, a vuhuna e Isu Kristo, a Bakovi Dagi ne hita, i vakamatukapaga hita na ningaru hale na kakaine hita. I mavonga, si muri maia a Vure na niluhoi ne hita. Pali a kakaine hita i muri mai a vilo na ningaru hale na kakaine hita.

A Raukea e Paulus i Here Lakea ne Huriki a Rom 7:5

Hosi si ramai kunana a ningaru hale na kakaine hita. A vinara i vakarike a hatene hita ni rata a naro hale. A naro hale nga ri vakabele ne hita a matenga.

A Raukea e Paulus i Here Lakea ne Huriki a Rom 8:13

E huriki ri muri mai a ningaru hale na kakaine ria bara ri mate. Pali e huriki ri lobo ni ramai a ningaru hale na kakaine ria na nitora na Hanu Kiripiripi, bara ri bole a nimahuri vakaroro.

1 Korin 6:17

Pali a viri i rihi e Bakovi Dagi, a hanune rua ru madoko.

2 Korin 5:17

Na tahuna a viri i rihi e Kristo, a Vure i ratarike karabea, i manga a viri karaba. A rabu hosi vona i lobo. Ngane i ramai a rabu karaba.

Galesia 5:24

E huriki a ngate ne Isu Kristo ri paditata pali na kai tavalavala a ningaru hale na kakaine ria.

Epesus 2:3

Muga hita ranga si ramai a naro hale manga ria, a rongova na Vure i rike ne hita. Si muri mai a ningaru hale, a niluhoi hale na kakaine hita.

Kolosi 2:11

Mu madoko turane Kristo, i puga vuroki a naro hale ne mua, i manga a rabu ni pala a kulina viri.

1 Ioanes 3:9

E rei a viri ni gale a tuna Vure i uka ma ge ramai tabu a naro hale, a vuhuna i bole pali a vilona Vure. Bara i keri ni ramai a naro hale, a vuhuna i bele manga a tuna Vure ngane.