Ioanes 3:2 - A Nitana Vure

² I luve ne Isu na rodo, i ta maea, “Mari ni tovo, mi lohoka vona a Vure i rudu valai ioe, go tovo e huriki. A bakovi ra Vure i laho turana kunana, bara i rata a maka nivakasiri, i manga a hini ioe o rata.”

Ioanes 3:2 Iomraidhean Croise

Mateo 22:16

Ri rudu e huriki a murimuri ne ria, turana e huriki a tara ne Herod. Ri lakea vona ri ta maea, “Mari ni tovo, mi lohoka vomu, ioe a bakovi ni ta muholi, o vara muholi na narona Vure. I uka ma o mangenge vona tara viri, a vuhuna e huriki lobo ri palupulupu na matamu.

Mateo 23:7

Ri ngaru hateka e huriki ri gi togo ria, ri gi tagui ria na mada. Ri ngaru hateka e huriki ri gi gale ria ‘a mari ni tovo.’

Mateo 23:8

“Pali mua, nahea tara viri ge gale mua ‘a mari ni tovo,’ a vuhuna a mari ni tovo ne mua i taku kunana. Pali mua e maki turana mai.

Markus 12:14

Na tahuna ri luve, ri nanea, “Mari ni tovo, mi lohoka vomu, ioe a bakovi ni ta muholi, i uka ma o mangenge vona tara bakovi. O rata a naro i palupulupu vona e huriki a bakovi lobo. O vara kunana na naro na Vure i muri mai a ngava muholi. A vinara i taki si gi habi a takis ne Kaiser, o i uka?

Ioanes 1:38

E Isu i matagege i matai rua ru muri vona, lakea i nana rua, “A ra muru ngarua?” Lakea ru nanea, “Rabi, o made vai?”

Ioanes 10:38

Pali bara iau a rata a leho ne Tata, pali mu koi ni luhoi iau, a ngaru mu gu luhoi a maka niva­kasiri a rata. Muri bara mu matakilalea e Tata i made turagu, iau a made turane Tata.”

Ioanes 12:37

E huriki a Iuda ri matai a maka nivakasiri e Isu i rata, pali i uka ma ri luhoi torea,

Ioanes 14:10

Ra ioe, o luhoi iau na tahuna a taki maria e Tata miri manga a viri ala taku, o i uka? A ngava a taki mua vona i uka ma a ngavagu. A ngavane Tata. E Tata i made turagu, i rata a leho vona.

Ioanes 15:24

Iau a made turane ria, a rata a maka maki nga i uka tara viri ge rata ma. Iau i uka ma ga rata a maka leho nga, bara ri uka rarenga vona a naro hale ne ria. Pali ngane ri matai a maka nivakasiri nga, ri tabana ni marikoi maria e Tata.

Ioanes 2:11

Ra nivakasiri iea e Isu i ratea na tanga e Kana, o Galili. Ia a mugana niva­kasiri ne Isu, i vakasiri a bagetua vona, lakea e huriki a murimuri ri luhoi tora ia.

Ioanes 20:16

Lakea e Isu i galea a rana, i ta maea, “Maria.” Lakea e Maria i matanonoa, i gale tala na nita Aram, i ta maea, “Raboni!” I manga a “Mari ni tovo.”

Ioanes 3:26

Ri lakea ne Ioanes ri takia ri ta maea, “Mari ni tovo, ra bakovi i turamu rira na gagana naru e Iordan, ra viri o vakalongo e huriki vona. Ngane i vahilolo e huriki, pali ngane e huriki lobo ri lokovonga vona.”

Ioanes 4:31

I uka ma ri bele ma, e huriki a murimuri vona ri ta maea, “Mari ni tovo, o kani.”

Ioanes 5:36

“Pali iau a tahoka a ngava i kaneka hateka na ngavane Ioanes. A leho e Tata i habia nau ga vakaloboa, ngane a rata. Ra leho iea, i vakasiri e Tata i rudu iau a valai.

Ioanes 6:2

E huriki ri ala kupo ri muri vona a vuhuna ri masia i vaka­mahuri e huriki ri giloa.

Ioanes 7:31

Pali i ranga e huriki ri luhoi tora ia, ri ta maea, “Ra bakovi iea e Kristo. I rata a nivakasiri i kupo hateka.”

Ioanes 9:16

Lakea e huriki a Pariseo ranga ri ta maea, “Ra bakovi i vakamataparea a bakovi iea, i uka ma i valai na Vure, a vuhuna i leho na Parava Nimalo.” Pali i ranga e huriki ri nana maea, “A bakovi hale ge rata navai a nivakasiri?” Lakea ri vahehe lae na ngava.

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Apostolo 2:22

“Mua o huriki a bakovi o Israel, mu longo valai. E Isu o Nasaret, a Vure i rata na limana a maka nivakasiri dagi i kupo na matane mua, i vakasiri mua ne Isu i uka ma i tatami. Mu lohoka vona.

Pilipai 1:14

Lakea i ranga e huriki a turane hita koea, e Bakovi Dagi i rata ria i uka ma ri mangenge ngane, ri taki tala kavakava a nitana Vure, a vuhuna iau ni ru dili na bavi.