Ioanes 2:11 - A Nitana Vure

¹¹ Ra nivakasiri iea e Isu i ratea na tanga e Kana, o Galili. Ia a mugana niva­kasiri ne Isu, i vakasiri a bagetua vona, lakea e huriki a murimuri ri luhoi tora ia.

Ioanes 2:11 Iomraidhean Croise

A Nimariu 14:31

Na tahuna e huriki a Israel ri masia a nitora dagi ne BAKOVI DAGI i rata virihi e huriki a Egipto vona, ri mangenge ne BAKOVI DAGI ri longototoa turana a vora vona e Moses.

A Nimariu 4:9

Pali ra nivakasiri nga i rua ri matai, i uka ma ri luhoi ge muholi o ri gi longo mai ioe. O kirua a naru e Nail o gurua na malala bara i mapulo i manga a dara.”

Ioanes 1:14

A Nita i bele manga a bakovi, i made turane hita. Mi masia a bagetuanga vona, a bagetuanga ne Tuna a Madiva, ra viri i valai ne Tamana. Ia a mari ni dodo, a mari ni ta muholi.

Ioanes 1:17

A Vure i habi polo ne Moses a vinara, i habi ne hita. Pali a naro kamumu, a nita muholi, a Vure i habi polo ne Isu Kristo, i habi ne hita.

Ioanes 1:43

Na parava muri e Isu i ngaru ni lakea o Galili. I pakaraua e Pilip, lakea i turea, i ta maea, “O valai o muri mai iau.”

Ioanes 1:50

E Isu i takia, “O luhoi tora iau a vuhuna a taki ioe a matai ioe o made na taruna kai a pik. Pali a maka maki dagi hateka bara o matai ma.”

Ioanes 10:41

E huriki ri ala kupo ri valai vona ri ta maea, “E Ioanes i uka ma i rata ranga a nivakasiri, pali a ngava i taki virihi a bakovi iea vona i muholi.”

Ioanes 11:15

Iau a luhoi mua, lakea i uka ma a vano ga made turana. A rata mavonga, mu gu luhoi tora iau. Pali ngane si gi lokovonga vona.”

Ioanes 11:47

Muri e huriki a prister dagi, e huriki a Pariseo ri gale palupu e huriki a tara na vaponga, ri vanana, ri ta maea, “A ra si gi ratea ngane? Ra bakovi iea, i rata a maka nivakasiri i kupo.

Ioanes 12:18

E huriki ala kupo ri longoa i rata a nivakasiri iea, ri lokovonga ri tagui ia.

Ioanes 12:37

E huriki a Iuda ri matai a maka nivakasiri e Isu i rata, pali i uka ma ri luhoi torea,

Ioanes 12:41

E Isaia i ratea a ngava iea, a vuhuna i masia a bagetuanga ne Isu, lakea i vakalongo e huriki vona.

Ioanes 14:13

A ra maki mu nana iau vona na ragu, bara rata. Na naro iea kunana, iau a Tuna Vure, ga ratea a rane Tata ge bele dagi.

Ioanes 16:27

E Tata i ngaru mua a vuhuna mu ngaru iau, mu longo mai iau na tahuna a taki mua a valai na Vure.

Ioanes 16:30

Ngane mi matakilala ioe o lohoka vona a maki lobo. Ioe o uka a ningaru vona a ninana ne mia, a vuhuna o lohoka vona pali a ninana ne mia. Ra ngava vomu i rata mia mi luhoi tora ioe o valai na Vure.”

Ioanes 2:1

Muri na parava i rua, a habu na parangia ni rata o Kana na tabeke ne Galili. E kinane Isu i lokovonga ge masia a habu.

Ioanes 2:23

Na tahuna e Isu i made o Ierusalem na Habu na Nipagepolo, e huriki ri matai a maka nivakasiri i rata, lakea ri luhoi torea a rana.

Ioanes 3:2

I luve ne Isu na rodo, i ta maea, “Mari ni tovo, mi lohoka vona a Vure i rudu valai ioe, go tovo e huriki. A bakovi ra Vure i laho turana kunana, bara i rata a maka nivakasiri, i manga a hini ioe o rata.”

Ioanes 4:46

Muri i vano i gosi tabua a tanga e Kana na tabeke ne Galili, ra tanga rira i pulo a naru i lakea na vain vona. Na parava tara, a bolekori na hariki i made o Kapernaum, i giloa e tuna, i popote ge mate. I longoa e Isu i malaga o Iudea, i bele pali o Kana. Lakea i laho lokovonga, i taki torea e Isu ge vakamahuria e tuna.

Ioanes 4:54

Ra nivakasiri iea, a ruana nivakasiri e Isu i ratea muri na tahuna i pea a tanga e Iudea i valai o Galili.

Ioanes 5:23

Lakea, e huriki lobo ri gi togo iau i manga a hini ri togoa e Tata. A viri i uka ma i togo iau, i uka ma i togoa e Tata, ra i rudu iau a valai.

Ioanes 6:14

Na tahuna e huriki ri matakilalea a nivakasiri e Isu i ratea, ri ta maea, “Muholi hateka, ra bakovi iea a propet ni taki ge valai na malala.”

Ioanes 6:2

E huriki ri ala kupo ri muri vona a vuhuna ri masia i vaka­mahuri e huriki ri giloa.

Ioanes 6:26

E Isu i koli, i ta maea, “A taki muholi mua, i uka ma mu ngaru iau na hini a rata a nivakasiri. Mu ngaru iau a vuhuna a habi tavula a bret ne mua, mu kani, mu maru.

Ioanes 6:30

Ri longoa a ngava iea, lakea ri nana tabua, “A ra nivakasiri go ratea, mi gi masia, muri mi gi luhoi torea a viri a Vure i rudua i valai? A ra go ratea?

Ioanes 7:31

Pali i ranga e huriki ri luhoi tora ia, ri ta maea, “Ra bakovi iea e Kristo. I rata a nivakasiri i kupo hateka.”

Ioanes 9:16

Lakea e huriki a Pariseo ranga ri ta maea, “Ra bakovi i vakamataparea a bakovi iea, i uka ma i valai na Vure, a vuhuna i leho na Parava Nimalo.” Pali i ranga e huriki ri nana maea, “A bakovi hale ge rata navai a nivakasiri?” Lakea ri vahehe lae na ngava.

2 Korin 3:18

Lakea hita lobo si matanonoa a bagetuanga ne Bakovi Dagi, a matane hita i uka ma ni kavitagu. I leho ni rata hita si gi manga ia, i rata maea, muri ma bara si manga muholi ia. A naro iea i valai na Hanune Bakovi Dagi.

2 Korin 4:17

A maka maregoa a bole na parava i popote ngane, i uka ma a maki dagi hateka, a vuhuna i rata puru nau a bagetuanga i dagi hateka, ge tabuli vakaroro. A bagetua nga ri rangi hateka a maka maregoa a bole ngane.

2 Korin 4:6

A Vure, ra viri i ta maea, “Ge palala,” ia kunana a Vure i vakapalala a gine hita, si gi lohoka vona a bagetuanga na Vure, ra i para na matane Isu Kristo.

Vinara 5:24

‘E BAKOVI DAGI a Vure ne hita i vakasiri a bagetua a nitora dagi vona na tahuna si longoa i ta tala na kanono. Ngane si lohoka vona na tahuna a Vure i ta turana a bakovi, a bakovi i uka ma ge mate.

1 Ioanes 5:13

Iau a here a ngava nga lakene mua e huriki mu luhoi torea a rana Tuna Vure, mu gu lohoka vona mu tahoka a nimahuri vakaroro.