Ioanes 19:4 - A Nitana Vure

⁴ E Pilato i pagitala tabu, i taki e huriki a Iuda, “Mu mata valai, a habia mua a bakovi iea! Ngane ga vakalongo mua, i uka tara maki hale ge ratea.”

Ioanes 19:4 Iomraidhean Croise

Mateo 27:19

Pali e Pilato tara i mangenge, a vuhuna na tahuna e Isu i pesi na matana, e girihina i talo rike a ngava vona, i ta maea, “Naha ni ratea tara maki na bakovi malamala iea, a vuhuna a bole a nima­dihi dagi mona na tahuna a masia baroko na vuregu.”

Mateo 27:24

E Pilato i matakilala ngane i uka ma ri gi longoa, a vuhuna e huriki ri gao hateka, ri vakatubu ni roro. Lakea i bolea a naru, i vahilolo a limana na matane huriki, i ta maea, “Iau a uka rarenga vona a nimatena bakovi iea. Mu rata virihia vona a maki mu ngarua vona!”

Mateo 27:4

I taki ria, “A rata a naro hale. Ra viri a habia ne mua, a bakovi malamala.” Pali ri koli, ri ta maea, “A maki vomu.”

Mateo 27:54

Na tahuna a ubu turana e huriki ri tagaria e Isu ri hatakia a vuruke, ri matai a maka maki i bele, ri mangenge, i vakulu a tagane ria, ri ta maea, “Muholi hateka, ra bakovi iea a Tuna Vure!”

Lukas 23:4

Lakea e Pilato i taki e huriki a prister dagi, a bakovi a ngatavine i ta maea, “Iau i uka ma a matavisia vona tara rabu hale ge ratea.”

Lukas 23:41

Pali tarua ni vakamadihi na naro hale tu rata. Pali ra bakovi iea i uka ma i ratea tara naro hale.”

Lukas 23:47

Na tahuna a ubu na tara na nugu­maheto i masia a maki i bele, i kavurikea a Vure, i ta maea, “Muholi hateka, a bakovi iea i uka ma i ratea tara naro hale!”

Ioanes 18:33

E Pilato i hamule dili tabu na ruma dagi vona, lakea i galea e Isu, i nanea, “Ra ioe, i muholi ioe a hariki ne huriki a Iuda?”

Ioanes 18:38

Lakea e Pilato i nanea, “I navai a ngava muholi?” Muri e Pilato i pagitala mai e huriki a Iuda, i ta maea, “Iau i uka ma a matavisia vona tara rabu hale ge ratea a bakovi iea.

Ioanes 19:6

Na tahuna e huriki a prister dagi, turane huriki a bolekori, ri masia e Isu, ri gale tala ri ta maea, “O paditatea na kai tavalavala! O paditatea na kai tavalavala!” Pali e Pilato i koli, i ta maea, “Mu bolea, mu paditatea na kai tavalavala! Pali iau i uka ma a puruvisia vona tara maki hale ge ratea ge vurua vona.”

2 Korin 5:21

A Viri i uka liu a naro hale, a Vure i ratea i bole a mapana naro hale ne hita, ne vona ni korimule hita. Lakea e rei a viri i rihi ia, bara i malamala na matana Vure.

Hibru 7:26

E Isu a prister dagi kamumu hateka. I malamala, i uka ma i ratea tara naro hale. I made herehere ne hita e huriki a bakovi na malala. A Vure i vakamadea polomeli liu na hunu.

1 Petrus 1:19

I konamule mua na mapana i dagi hateka, ra darane Kristo. I manga a darana tuna sipsip gavutuvutu.

1 Petrus 2:22

I uka ma i ratea tara naro hale. I uka ma i ratea tara ngava taminga.

1 Petrus 3:18

E Kristo tara i bole a nimadihi. Ia a bakovi malamala, i mate balaka taku na naro hale ne hita, ge korimule e huriki a bakovi hale. I rata mavonga, ge tuli valai hita na Vure. A kakaina ni rabalaki, pali a Vure i vakamahuri mulea.

1 Ioanes 3:5

Mu lohoka vona, e Kristo, i uka liu a naro hale ge ratea. I valai ge puga vuroki a naro hale.