Ioanes 13:1 - A Nitana Vure

¹ Kuduvi a Habu na Nipagepolo ge vakatubu. E Isu i lohoka vona a parava i valai pali ge pe a malala, ge hamule sike ne Tamana. I ngaru hateka e huriki a viri vona ri made na malala, ngane ta ge vakasiri muholi ria i ngaru hateka ria.

Ioanes 13:1 Iomraidhean Croise

Mateo 26:45

Muri i hamule lakea na murimuri vona, i taki tou, “Ra matou, moto tabana ni mahita, ni malo? Moto longo valai! A kilala i valai tabukoi pali. A Tuna Bakovi bara ni habi na limane huriki a bakovi hale.

Lukas 22:53

A made turane mua na parava lobo na roho na Vure, pali i uka ma mu lakavu iau. Pali ngane a parava ne mua, a parava na nitora na uvo.

Lukas 9:51

I tabukoi ngane e Isu ge sike na hunu, lakea i luhoi tora ni vakatubu ni havai lakea o Ierusalem.

Ioanes 11:55

Na tahuna a habu ne huriki a Iuda i tabukoi, a Habu na Nipagepolo, e huriki ala kupo na tanga viliha vonga ri sike o Ierusalem, ri gi rata a leho ni rata ria ri gi malamala na matana Vure muga na Habu na Nipagepolo.

Ioanes 12:23

E Isu i koli, i ta maea, “Ngane i tabukoi a Vure ge vakabagetu iau, a Tuna Bakovi.

Ioanes 13:29

I ranga e huriki ri luhoi e Isu i takia e Iudas ge kona a maki na habu, o ge habi a maki ranga ne huriki a matasia, a vuhuna i matakari a tava ne ria.

Ioanes 13:3

E Isu i lohoka vona e Tamana i ru a maki lobo na limana. I lohoka vona ia i valai na Vure, pali ngane ta ge hamule lakea tabu na Vure.

Ioanes 13:34

“A vinara karaba a habi ne mua i maea, mu vangaru, i manga iau a ngaru mua.

Ioanes 14:28

“Mu longo pali iau a ta maea, ‘Iau ga vano, muri ga hamule valai tabu.’ Mua bara mu ngaru iau, bara mu vivi vona a hini iau ga hamule lakea ne Tata, a vuhuna i dagi hateka nau.

Ioanes 14:31

Pali iau a muri mai a ngavane Tata i taki iau ga ratea, lakea e huriki lobo ri gi matakilala iau a ngaru hatekea e Tata. Mu valai ngane, si vano.”

Ioanes 16:28

I muga a pea e Tata a puru valai na malala, pali ngane bara pe a malala, a hamule lakea ne Tata.”

Ioanes 17:1

E Isu i taki lobo a ngava nga, lakea i mata rike na hunu, i vasileki maea, “Tata, a parava i valai pali. O kavurike iau, e Tumu, lakea iau ga kavurike ioe,

Ioanes 17:16

Ria i uka ma ria a bakovi na malala, i manga iau tara i uka ma iau a bakovi na malala.

Ioanes 17:26

A vakasiri ria ne vomu, ioe a bakovi navai. Muri bara vakasiri tabu ioe ne ria, lakea ioe bara o ngaru ria i manga a hini o ngaru iau, lakea iau bara made turane ria.”

Ioanes 17:5

O Tata, ngane o vakabagetu tabu iau na matamu na bagetuanga ne tarua tu tahoka muga na malala ni ratarike.

Ioanes 18:4

E Isu i lohoka vona a maki ta ge bele vona, lakea i pagitala i nana ria, “E rei a viri mu virokanea?”

Ioanes 19:28

Ngane e Isu i lohoka vona a leho vona i lobo pali, lakea i ta maea, “Iau a marohu.” I ta maea ge bele muholi a ngava ni here puru hosi na Hinere.

Ioanes 2:13

Na tahuna a Habu na Nipagepolo ne huriki a Iuda i tabukoi, lakea e Isu i sike o Ierusalem.

Ioanes 6:4

A Habu na Nipagepolo ne huriki a Iuda i tabukoi.

Ioanes 7:30

Na tahuna ri longoa a ngava iea, ri toni ni lakavua, pali i uka tara viri ge nugutatea, a vuhuna a parava vona i uka ma i valai ma.

Ioanes 7:6

Lakea e Isu i taki ria, i ta maea, “A parava nau i uka ma i valai ma. Pali mua, a parava lobo i kamumu.

Ioanes 8:20

I taki e huriki na ngava nga na tahuna i vara na tabeke na roho na Vure, tabukoi na hini ni ru a nihabi vona. Pali i uka tara viri ge lakavua, a vuhuna a parava vona i uka ma i valai ma.

A Raukea e Paulus i Here Lakea ne Huriki a Rom 8:37

A maki hale nga bara ri bele, pali e Kristo i ngaru hateka hita, i rata hita si mulangi.

1 Korin 1:8

Ge tuhori mua, ge vano ge harena na nilobona parava, mu gu malamala na tahuna a Bakovi Dagi ne hita, e Isu Kristo ge hamule valai.

Hibru 3:14

Na tahuna si luhoi tora karabea e Kristo, i gale hita e huriki e turana. I mavonga, si gi pesi tata ni luhoi torea, ge vano, ge harena na parava si mate vona. Bara i uka, i uka ma ge gale tabu hita e huriki e turana.

Hibru 3:6

Pali e Kristo i uka ma ia a vora. Ia a Tuna Vure. I matakari kamumu e huriki a tara na Vure, i manga e Tamana i ngarua ge ratea. Hita bara si pesi tata ni luhoi torea a Vure, ni pasimata vona a maki a Vure ge rata ne hita, bara hita e huriki a tara vona.

Hibru 6:11

A ngaru mua lobo mu gu leho tora mavonga, mu gu lohoka vona i muholi a maki mu pasimata vona, ge vano, ge harena na tahuna mu bolea.

1 Petrus 1:13

I mavonga, mu luhoi kamumu, mu matakari a nilaho ne mua. Mu pasimata vona a naro kamumu a Vure ge rata virihi mua vona na tahuna e Isu Kristo ge hamule valai, ge bele kavakava ne huriki lobo.

1 Ioanes 4:19

Si vangaru a vuhuna a Vure i ngaru muga hita.

Kapiloho 1:5

E Isu Kristo, ra viri i vakalongo hita na maki lobo a Vure i takia ge taki ne hita, ra viri i mahuri mule na matenga muga ne hita lobo, ra matakari ne huriki a matakari lobo na malala, ia tara ge rata kamumu mua, ge habi a nivalemu ne mua. I ngaru hateka hita. Na darana i vakamatukapaga hita na naro hale ne hita.