Ioanes 10:3 - A Nitana Vure

³ A tagari i tala purua a logo, lakea a tahona sipsip i dili, i gale a rana maka sipsip, ri longo mai ia. I gale ria na rane ria takutaku, muri i me tala ria.

Ioanes 10:3 Iomraidhean Croise

A Nimariu 33:17

Lakea e BAKOVI DAGI i takia e Moses, “Iau ga rata manga a hini o taki, a vuhuna a ngaru ioe, a lohoka kamumu vomu.”

Ioanes 10:14

“Iau a matakari kamumu na sipsip, a maka sipsip nau ri lohoka nau. Iau tara a lohoka ne ria.

Ioanes 10:16

Iau a tahoka tabu ranga sipsip i uka ma ri dili ma na nure. Ria ranga ga bole dili ria na nure, ri gi longokilalea a lohogu, ge taku kunana a kabuna sipsip. A matakari ne ria tara ge taku kunana.

Ioanes 10:4

Na tahuna i me tala lobo a maka sipsip vona, i muga ria. A maka sipsip ri muri maia, a vuhuna ri longo­kilalea a lohona.

Ioanes 10:9

Iau a logo. E huriki ri dili valai nau bara ri mahuri. Bara ri dili pori na ningaru ne ria. Bara ri matavisi a maki ni kani.

Ioanes 6:37

E huriki a bakovi a ngatavine e Tata i habi nau, bara ri valai nau. E huriki ri valai nau, i uka ma ga tono mule ria,

Ioanes 6:45

Hosi e huriki a propet ri here puru a ngava i maea, ‘A Vure bara i tovo e huriki lobo.’ E rei a viri i longo maia e Tata, i bole a lohokanga vona, bara i valai nau.

A Raukea e Paulus i Here Lakea ne Huriki a Rom 8:30

E huriki a Vure i taki muga ri gi bole a narone Tuna, i gale ria. E huriki a Vure i gale ria, i taki ria ri malamala na matana Vure. E huriki i taki ria ri malamala na matana Vure, i vakabagetu ria.

1 Korin 16:9

a vuhuna a Vure i kado puru pali a dalagu ga rata a leho dagi vona, ga vakabele a kanena dagi. Ri ala kupo hateka ri gege iau koea.

Pilipai 4:3

Pali ioe Sisogos tara, o kori a ngatavine ala rua nga. Rua varago ru leho turagu ni vakalongo a Velenga Kamumu. Mete leho turana e Klemen, e huriki ranga, a rane ria ni here na buk na nimahuri.

Kolosi 4:3

Mu vasileki na Vure ge tuhori maria, ge kado a dala ne maria, miri gi vakalongo tabu a nita kapiloho ne Kristo. Ngane a made na bavi, a vuhuna a vakalongo e huriki na nita iea.

2 Timoti 2:19

Pali a Vure i vunua pali a butu i tora hateka. I uka tara viri ge ulua. A butu iea, a ngava ni here vona, i ta maea, “E Bakovi Dagi i lohoka vona e huriki a tara vona.” A ngava tara tabu ni here i maea: “E huriki ri galea a rane Bakovi Dagi ri gi malele ha na naro hale.”

1 Petrus 1:12

Ni vakalongo ria vona a nita propet ri rata i uka ma ne vona ni korimule ria. A nita propet ri ratea ne vona ni kori mua. A nita propet ne ria i bele muholi na ngava ni vakalongo ne mua pali, na tahuna e huriki ri vara ne mua a Velenga Kamumu na nitora na Hanu Kiripiripi, ra i valai na hunu. E huriki a agelo ranga, ri ngaru ni lohoka vona a ngava nga.

1 Ioanes 4:6

Pali hita si valai na Vure. E huriki ri lohoka na Vure, ri longo mai hita. E huriki i uka ma ri valai na Vure, i uka ma ri longo mai hita. Na naro iea kunana, si matakilaka vona e huriki ri ramai a ngava muholi, e huriki ri ramai a ngava taminga.

3 Ioanes 1:14

A ngaru i uka ma ge tabaka, ga lakene, ga matai ioe, tu gu vata.

Kapiloho 20:15

E rei a viri, a rana i uka ma i tabuli na buk na nimahuri, ni voro puru ria na darilomu na kanono.

Kapiloho 3:20

Mu longo! A pesi na logo, a tutulidi. E rei a viri i longo a lohogu, i talea a logo, iau bara dili, a kani turana.

Kapiloho 7:17

a vuhuna a Tuna Sipsip, ra i pesi na ngalana gula hariki, ge matakari ria manga a matakari na sipsip. Ge tuli ria, ri gi lakea na naru bele, ra naru na nimahuri. A Vure ge ravunu na matane ria a luhane ria, i uka ma ri gi tangi tabu.”