Ioanes 1:51 - A Nitana Vure

⁵¹ Muri i voro­polo, i ta maea, “A taki muholi mua, bara mu masia a hunu i mata ka, mu matai e huriki a agelo na Vure ri rike puru na Tuna Bakovi.”

Ioanes 1:51 Iomraidhean Croise

A Vuhuna 28:12

Na tahuna i mahita i vurena, i masia a nirike ni vakapesi na malala, i padoia a hunu, lakea e huriki a agelo na Vure ri puru rike vona.

Mateo 25:31

Muri e Isu i ta maea, “Na tahuna a Tuna Bakovi ge luve turana nipara dagi, ge valai turana e huriki a agelo vona, bara i made na gula hariki vona.

Mateo 26:24

A Tuna Bakovi bara i mate, i manga a nita ni here puru hosi. Pali ra bakovi i habia na limane huriki a pile, a Vure bara i ratapilea! Bara i kamumu hateka e kinana i uka ma ge podea hosi.”

Mateo 3:16

E Ioanes i vahilolo loboa e Isu, lakea e Isu i malaviriri kunana i pea a naru. A hunu i mata ka, lakea i masia a Hanuna Vure i puru valai manga a balu, i toka langa vona.

Mateo 4:11

Muri a hanitu i ha taroa. I valai ngane e huriki a agelo ri tuhoria.

Mateo 8:20

Lakea e Isu i koli i ta maea, “A kaugara i tahoka a dupina i mahita vona. A kadi­rovo i tahoka a nuna i mahita vona. Pali a Tuna Bakovi i uka ruma ge mahita vona.”

Mateo 9:6

Pali ngane ga vakasiri mua, a Tuna Bakovi i tahoka a nitora koea na malala ni puga vuroki a naro hale.” Muri i takia a vaha mate, i ta maea, “O pesi rike, o bolea a moke vomu, o lakea na tanga.”

Markus 1:10

Na tahuna e Isu i taratavaga rike na naru, i mata rike. Malaviriri kunana i masia a hunu i mata ka. A Hanuna Vure i puru valai vona, i manga balu.

Markus 14:62

Lakea e Isu i koli, i ta maea, “Iau kunana. Muri bara mu masia a Tuna Bakovi, i made na limana kanena Viri i Tuhaka, ge valai turana bubu na hunu.”

Lukas 2:13

E huriki a tara bulolo na agelo ri bele vakaturutu, ri kavurikea a Vure, ri ta maea,

Lukas 2:9

I bele vakaturutu ne ria ngane a agelo ne Bakovi Dagi, lakea a nipara na Vure i parai ria. Ri mangenge, i vakulu a tagane ria.

Lukas 22:43

Muri a agelo tara i bele valai na hunu, i tuhoria.

Lukas 22:69

Pali popote ngane a Tuna Bakovi ge made na limana kanena Vure Tuhaka.”

Lukas 24:4

Ri luhoi viliha lae. A bakovi ala rua ru rodo a varakia i para hidihidi ru bele vakaturutu, ru pesi tabukoi ne ria.

Lukas 3:21

Muga ne Ioanes ni ru dili na bavi, na tahuna i vahilolo e huriki ala kupo, e Isu tara ni vahilolo. Na tahuna e Isu i vasileki, a hunu i mata ka,

Ioanes 1:50

E Isu i takia, “O luhoi tora iau a vuhuna a taki ioe a matai ioe o made na taruna kai a pik. Pali a maka maki dagi hateka bara o matai ma.”

Ioanes 10:1

“A taki muholi mua, a bakovi i uka ma i dili na logo na nure na sipsip, pali i page rike na nure na hini ranga, i dili, ra bakovi iea a panaho, a mari­kau.

Ioanes 10:7

Lakea e Isu i taki tabu ria, i ta maea, “A taki muholi mua, iau a logo na nure na sipsip.

Ioanes 13:16

A taki muholi mua, a vora i uka ma ge muga na matakari vona. A vinuru tara i uka ma ge matakari a viri i rudua.

Ioanes 13:38

Muri e Isu i koli, i ta maea, “Ioe go mate muholi nau? A taki muholi ioe, muga na kureko ge tangi, bara o nana rovi iau balaka tolu!”

Ioanes 14:12

A taki muholi mua, e huriki ri luhoi tora iau bara ri rata a maka maki iau a rata. Bara ri rata a maki dagi hateka na maki a rata pali, a vuhuna iau bara hamule lakea ne Tata.

Ioanes 16:20

A taki muholi mua, mua bara mu tangi, mu dedo na tahuna e huriki a bakovi a ngatavine na malala ri pitei. Bara mu loho lege lae, pali a niloholege ne mua bara i mapulo, i bele a nivivi.

Ioanes 16:23

Na parava iea i uka ma mu gu nana iau vona tara maki. A taki muholi mua, a ra maki mu nana e Tata vona na ragu, bara i habi ne mua.

Ioanes 21:18

A taki muholi ioe, na tahuna o riau vona, o vakabagetu mule ioe, o laho lakea vona a hini o ngaru ni lakea vona.” Pali na tahuna o gare, bara o toto rike a limamu, bara ni vakabagetu puru, ni tuli lakea na hini i uka ma o ngaru ni lakea vona.”

Ioanes 3:3

E Isu i koli, i ta maea, “A taki muholi ioe, a viri i uka ma ni poda tabu, i uka ma ge dili na harikianga na Vure.”

Ioanes 3:5

E Isu i koli, i ta maea, “A taki muholi ioe, i uka tara viri ge dili tavula na harikianga na Vure. A viri i ngaru ni dili na harikianga na Vure bara ni poda taro na naru, na Hanu Kiripiripi.

Ioanes 5:19

Lakea e Isu i koli mule ria, i ta maea, “A taki muholi mua, iau, a Tuna Vure, i uka ma ga rata kikeri a maki. Iau a rata kunana a maki a matai e Tata i rata, a vuhuna a maki e Tata i rata, iau tara a rata,

Ioanes 5:27

E Tata i habi a nitora nau ga pelekado e huriki, a vuhuna iau a Tuna Bakovi.

Ioanes 6:26

E Isu i koli, i ta maea, “A taki muholi mua, i uka ma mu ngaru iau na hini a rata a nivakasiri. Mu ngaru iau a vuhuna a habi tavula a bret ne mua, mu kani, mu maru.

Ioanes 6:32

Muri e Isu i taki ria, i ta maea, “A taki muholi mua, e Moses i uka ma a viri i habia ne mua ra bret na hunu, e Tata kunana a viri i habi ne mua a bret muholi na hunu,

Ioanes 6:47

A taki muholi mua, a viri i luhoi tora ia bara i bole a nimahuri vakaroro.

Ioanes 6:53

Lakea e Isu i taki ria, i ta maea, “A taki muholi mua, e rei a viri i uka ma i kani a bobona Tuna Bakovi, i uka ma i ninu a darana, i uka ma ge bole a nimahuri.

Ioanes 8:34

E Isu i koli, i ta maea, “A taki muholi mua, a viri i rata a naro hale ia a vora­kato na naro hale, i made polotano na tuhakanga na rabu hale.

Ioanes 8:51

A taki muholi mua, e rei a viri i muri mai a ngavagu, i uka ma ge mate.”

Ioanes 8:58

E Isu i koli, i ta maea, “A taki muholi mua, muga ne Abraham ni poda, iau kunana ra iau!”

Apostolo 10:11

I masia a hunu i mata ka, i masia a maki tara i manga a lavalava dagi ni vakatavore puru. A maki tara i nugutata a harena i va, ni vakatavore puru na malala.

Apostolo 7:56

Lakea i ta maea, “Mu mata sike! A masia a Hunu i mata ka! A Tuna Bakovi i pesi tabukoi na Vure, na limana a kanena.”

2 Tesalonika 1:9

Re huriki nga, e Isu ge vakamadihi ria, ge ratapile ria vakaroro. Bara ri made basi ne Bakovi Dagi, na bagetuanga na nitora vona.

1 Timoti 3:16

I muholi hateka, a ngava na naro na Vure i kamumu hateka. Ra ngava iea hosi i kapiloho, pali ngane ni taki tala pali ne hita. A ngava iea i maea: E Kristo ni poda, i bele manga a bakovi. A Hanu Kiripiripi i vakasiri a narona i kamumu. E huriki a agelo ri masia. A velengana ni vakalongo na tanga lobo na malala. E huriki ranga koea na malala ri luhoi torea. Ni bole sike na hunu, i bole a bagetuanga.

Hibru 1:14

E huriki a agelo a hanu kunana. A Vure i rudu ria ri gi tuhori e huriki a bakovi a ngatavine a Vure i korimule ria.

Iuda 1:14

E Enok, a hamone Adam, hosi i vakalongo muga ne huriki a bakovi hale maea, i ta maea, “Mu longo! E Bakovi Dagi ge valai turana tara dagi ne huriki a agelo vona.

Kapiloho 19:11

Muri a masia a hunu, i mata ka. A masia hos keakea! A viri i rike vona ni gale a ‘Viri Muholi’, a ‘Viri i Rata Lobo a Leho ni Habi Vona.’ I pelekado e huriki na naro i malamala, i vakatubu a vabinga na naro i malamala.

Kapiloho 4:1

Muri a mata lakea, a masia a logo i mata ka na hunu. Muri, a longo tabu a lohona viri a longo mugea, ra viri i nangi dagi manga a nangina tavure. I taki iau, i ta maea, “O sike valai. Ga vakasiri ioe vona a maki ge bele muri ma.”