Ioanes 1:41 - A Nitana Vure

⁴¹ E Andreas i malaviriri kunana i vano, i matavisia e tukana, i vakalongoa, i ta maea, “Miri matavisia e Mesaia” (re Kristo).

Ioanes 1:41 Iomraidhean Croise

Mateo 1:23

“A sirula bara i singou tavula, i podea a koma bakovi, bara ni gale e Emanuel.” A pelegona a ngava e Emanuel i maea, “A Vure i made turane hita.”

Lukas 2:17

Na tahuna ri masia a koma ri vakalongo a ngavana agelo i taki ria vona.

Lukas 2:38

Na tahuna e Simion i tabana ni ta turane tou, e Ana i valai mai ria, i kavurikea a Vure. Muri i vakalongo e huriki na koma iea, re huriki a bakovi a ngatavine ri pasimata na Vure ge korimule e Ierusalem.

Ioanes 1:45

Muri e Pilip i vano ge gosia e Nataniel. Na tahuna i matavisia, i ta maea, “Mete mata­visia ra viri e Moses turana e huriki a propet ri here vona hosi. Ia e Isu, e tune Iosep o Nasaret!”

Ioanes 4:25

Lakea a ngatavine i ta maea, “A lohoka vona a Mesaia (a viri ni gale e Kristo) bara i valai. Na tahuna i valai bara i tuveve polo ne hita a maki lobo.”

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Apostolo 4:27

A ngava nga ri bele muholi na tahuna e Ponsius Pilato e Herod ru vapopo koea na tanga iea turane huriki a Israel, e huriki i uka ma ria a Iuda. Ri vapopo, ri matakana a dala ri gi ratapilea a vora vomu, re Isu, a viri o vulakia.

1 Ioanes 1:3

A maki lobo mi matai, a maki lobo mi longo, ngane mi taki tala ne mua, lakea mua ranga mu gu rihi mia. I muholi, si rihi e Tamana turana e Tuna, re Isu Kristo.