Ioanes 1:13 - A Nitana Vure

¹³ E huriki nga ria a tuna Vure, i uka ma i ramai a darane kinane ria o ne tamane ria, o na ningaru na kakaina viri, o na ningaru na bakovi. A Vure kunana i rata ria ge ria e huriki e tuna.

Ioanes 1:13 Iomraidhean Croise

A Vuhuna 25:22

Na palona i tahoka a koma i rua, ru varata tuhare bala pololilo, lakea e Rebeka i ta maea, “I navai i bele maea nau a hini?” Pali i vano i vasileki ge nana e BAKOVI DAGI vona a naro iea.

A Vuhuna 25:28

E Isak i ngarua e Esau, a vuhuna i bole bala a kania, i kani. E Rebeka i ngarua e Iakop.

A Vuhuna 27:33

E Isak i turutu i vakulu a tagana, lakea i nanea, “E rei a viri i pango muga, i bole valai pali a kania? A kani pali, a gamaia, o valai muri ke. I muholi, ra bakovi iea a gamaia pali!”

A Vuhuna 27:4

Muri o nonoa tara maki ni kani ra a ngarua, i nami kamumu hateka, o bole vilia nau ga kania. Muri ga gamai ioe, ga dava a nimate iau.”

Mateo 3:9

Naha ni luhoi mua, ge mua a hamone Abraham, mu gu malamala pali. Naha ni luhoi mavonga, a vuhuna a Vure i kara ni pulo a kedo nga, ge ria e huriki a hamone Abraham. I vai a kanena narone mua? Mu rata taro a naro kamumu ge vakasiri mua mu pulo muholi a vilone mua.

Ioanes 3:3

E Isu i koli, i ta maea, “A taki muholi ioe, a viri i uka ma ni poda tabu, i uka ma ge dili na harikianga na Vure.”

1 Korin 3:6

I manga iau a varo, e Apolos i kisi, pali a Vure kunana i ratea a hania i gaga, i koru rike.

Pilipai 2:13

a vuhuna a Vure i leho pololilo ne mua, i habi a ningaru ne mua, a nitora ne mua ni rata a maki i vivi vona.

Titus 3:5

lakea i korimule hita. I uka ma i hita a bakovi kamumu, a Vure i korimule hita. I uka. I korimule tavula hita, a vuhuna i dodo hita. I korimule hita na Hanu Kiripiripi, ra viri i vahilolo hita, i habi ne hita a nimahuri karaba, a naro karaba.

Iakop 1:18

Na ningaru vona i vakasiri a nita muholi vona, ge rata hita ge hita e huriki e tuna. I rata mavonga, ge bole tala hita na maki lobo i ratarike, si gi muga ne ria.

1 Petrus 1:23

Mu vangaru a vuhuna mu bole pali a nimahuri karaba. A nimahuri karaba iea i uka ma ge lobo. Bara i tabuli vakaroro. I valai na nita mahuri na Vure. A nita iea bara i tabuli vakaroro.

1 Petrus 1:3

Si gi kavurikea a Vure, e Tamane Isu Kristo, a Bakovi Dagi ne hita! I dodo hateka hita, lakea i habi ne hita a nimahuri karaba. Ngane si pasimata muholi, a vuhuna e Isu Kristo i mahuri mule na matenga.

1 Petrus 2:2

Ge muholi mu hataki pali a naro kamumu ne Bakovi Dagi, mu ngaru hateka a nita na Vure, i manga a koma kiroko, ni poda karaba, i ngaru hateka ni ruru. Muri bara mu korurike, a Vure ge korimule mua.

1 Ioanes 3:9

E rei a viri ni gale a tuna Vure i uka ma ge ramai tabu a naro hale, a vuhuna i bole pali a vilona Vure. Bara i keri ni ramai a naro hale, a vuhuna i bele manga a tuna Vure ngane.

1 Ioanes 4:7

Mua e huriki a turagu, si gi vangaru, a vuhuna a naro ni vangaru, a naro na Vure. E huriki ri ngaru e huriki e turane ria, ria a tuna Vure, ri lohoka na Vure.

1 Ioanes 5:1

E huriki ri takia a Vure i rudu vilia e Isu ge korimule hita, ria a tuna Vure. E huriki ri ngarua e Tamana bara ri ngaru tabu e huriki e tuna.

1 Ioanes 5:18

Si lohoka vona e huriki a tuna Vure i uka ma ri ramai tabu a naro hale. E Satan i keri ni padoi ria, a vuhuna a Tuna Vure i matakari ria.

1 Ioanes 5:4

Hita e huriki a tuna Vure, si rangi a maka nitoni na malala, a vuhuna si luhoi torea a Vure.