Iakop 5:9 - A Nitana Vure

⁹ Mua e huriki a turagu nahea mu gu ta tutu, ma ge pelekado mua a Vure. Mu longo kamumu, a Mari ni pelekado i popote ge valai.

Iakop 5:9 Iomraidhean Croise

A Vuhuna 4:7

Ioe bara o rata a rabu malamala bara ngarua a nihabi vomu. Ioe, i uka ma o rata a rabu malamala, a rabu hale i pesi kalidoga ge rabalaki ioe. O matakari a nilaho vomu, bara i lobo a naro hale vomu.”

E Levi 19:18

“Naha ni koli a naro hale na viri i rata virihi ioe vona, naha ni tepu vakaroroa. O ngaru e huriki a turamu, i manga a hini o ngaru mule ioe. Iau e BAKOVI DAGI a takia a ngava iea.

Mateo 24:33

I mavonga kunana na tahuna mu matai a maki nga ri bele, bara mu lohoka vona a Tuna Bakovi i valai tabukoi hateka pali.

Markus 13:29

I mavonga kunana na tahuna mu matai a maki nga ri bele, bara mu lohoka vona a Tuna Bakovi i valai tabukoi liu pali.

1 Korin 10:11

A vuranga nga ri bele, ge vakasiri e huriki nga i uka ma ri gi rata a naro hale. Ni here puru na hinere, ge tovo hita, ra si made pali na nilobona parava.

1 Korin 4:5

I mavonga, naha ni pelekado muga a naro na viri, muga ne Bakovi Dagi ge valai. Ge valai, ge vakasiri kavakava a naro hale e huriki ri rata kapiloho. Ge vakasiri kavakava a niluhoi kapiloho ne huriki, i navai ri rata a maki ri rata? Muri a Vure ge kavurike hita takutaku.

2 Korin 9:7

Mua takutaku mu luhoi kamumu i riva moni mu gu habi. A viri i koi ni habi, nahea ge habi a moni. Naha ni habi tuhare, a vuhuna a Vure i ngaru e huriki ri habi na hatene ria.

Galesia 5:14

A maka vinara lobo bara o ramai na tahuna o ramai a ngava i taku kunana, ra i maea, “O ngarua e turamu i manga a hini o ngaru mule ioe.”

Galesia 5:26

Nahea si gi bibi rike mule a rane hita. Nahea si gi vakarike a hatena viri si gi vaubi turana. Nahea si gi masigoro a maki na viri tara.

Iakop 4:11

Mua e huriki a turagu, naha ni vapadimomo. A viri i padimomo e turana, i manga i ta hale na vinara na Vure, i pelekadoa. Na tahuna mu pelekadoa a vinara na Vure, i uka ma mu ramaia. I manga mu ngaru ge mua a mari ni pelekado, mu gu pelekado a nitana Vure.

Iakop 4:12

A Vure kikeri kunana i vakabele a nitana, ia kikeri kunana a mari ni pelekado e huriki. Ia kikeri kunana i kara ge korimule a viri, o ge ratapile a viri. Pali mua, mua e rei muholi mu gu pelekado e huriki a turane mua?

Iakop 5:10

Mua e huriki a turagu, mu luhoi e huriki a propet hosi ri vakalongo a ngava na rane Bakovi Dagi. E huriki a pile ri rata hale ria, pali ri pesi tora. Mu ramai a narone ria.

Iakop 5:7

Mua e huriki a turagu, mu hatenono ge harena na tahuna e Bakovi Dagi ge hamule valai tabu. A bakovi i tahoka a hania i dava a maki ni kani ge moro na hania vona. I hatenono, i made madoru i dava a vala a haro ru gu rata taro a leho ne rua, muri bara i bole a maki ni kani.

1 Petrus 4:5

Pali muri ma, bara ri pesi na matana Viri ge pelekado a narone huriki ri mahuri, e huriki ri mate pali, ri takia i navai ri rata a maka naro ri rata.

1 Petrus 4:9

Mu bole dili na ruma ne mua e huriki a turane mua, mu matakari ria, naha ni marikoi.

Kapiloho 3:20

Mu longo! A pesi na logo, a tutulidi. E rei a viri i longo a lohogu, i talea a logo, iau bara dili, a kani turana.