Iakop 4:7 - A Nitana Vure

⁷ I mavonga, mu longototoa a Vure. Mu gegea a hanitu, re Satan, lakea bara i pe mua, i ha.

Iakop 4:7 Iomraidhean Croise

Mateo 11:29

Tu gu kalohoa a binole nau, a vuhuna a binole nau i uka ma i mava. O longo ga tovo ioe, a vuhuna iau a bakovi madoru, i uka ma a bakovi ni bibi rike mule iau. Ga habi a nimalo na hanumu.”

Apostolo 26:19

“I mavonga, o Hariki Agripa, iau i uka ma longotaroa a nivakasiri i valai na hunu.

Apostolo 9:6

Pali ngane o pesi rike, o dili na tanga dagi. Ga taki ioe na maki go ratea.”

A Raukea e Paulus i Here Lakea ne Huriki a Rom 10:3

I uka ma ri lohoka vona a Vure i rata navai hita si gi malamala na matana, lakea i uka ma ri luhoi torea a Vure. Ri toni ni ramai a vinara ri gi malamala na matana Vure.

A Raukea e Paulus i Here Lakea ne Huriki a Rom 14:11

A ngava ni here puru na Hinere i ta maea, “A Bakovi Dagi i ta maea, ‘I muholi hateka, e huriki lobo ri gi turume puru na ngalagu. E huriki lobo ri gi taki tala maea iau a Vure.”

Epesus 4:27

Naha ni kado a dala na hanitu.

Epesus 5:21

mu valongototo, a vuhuna mu mangenge ne Kristo.

Epesus 6:13

I mavonga, mu bole rike lobo a maki na vabinga na Vure, lakea na tahuna a pile i valai i buroi mua, bara mu kara ni gegea. Muri, na tahuna i lobo a vabinga, bara mu tabana ni pesi tora.

Hibru 12:9

Hita lobo, e tamane hita ri habi a nimadihi ne hita na tahuna si rata hale. Si togo ria. I mavonga, i kamumu hateka si gi togoa e Tamana a hanune hita na tahuna i habi a nimadihi ne hita, si gi bole a nimahuri vakaroro.

1 Petrus 2:13

Mu longototo a matakari lobo koea na malala, a vuhuna e Bakovi Dagi i ngaru si gi rata mavonga. Mu longototoa a hariki i matakari.

1 Petrus 5:6

I mavonga, mu vakakiroko mua polo­tano na nitora dagi na Vure. Muri, na parava i vulakia, bara i kavurike mua.