Iakop 4:12 - A Nitana Vure

¹² A Vure kikeri kunana i vakabele a nitana, ia kikeri kunana a mari ni pelekado e huriki. Ia kikeri kunana i kara ge korimule a viri, o ge ratapile a viri. Pali mua, mua e rei muholi mu gu pelekado e huriki a turane mua?

Iakop 4:12 Iomraidhean Croise

Mateo 10:28

Naha ni mangenge ne huriki a bakovi. Ria bara ri rabalaki kunana a kakaine mua. Pali a hanune mua, ri keri ni rabalakia. A viri bara mu mangenge vona, a Vure, a vuhuna i kara ia ge ratapile a kakaine mua, a hanune mua na imperno.

Lukas 12:5

Ga vakalongo mua vona e rei a viri mu gu mangenge vona. Mu mangenge vona a viri i tahoka a nitora ni rabalaki mua, i tahoka a nitora ni voro puru a hanune mua na kanono. Muholi hateka, a taki mua, ia a viri bara mu mangenge vona.

A Raukea e Paulus i Here Lakea ne Huriki a Rom 14:13

I mavonga, naha ni vapelekado tabu. A viri i luhoi torea a Vure, naha ni torodoa ge boru na naro hale.

A Raukea e Paulus i Here Lakea ne Huriki a Rom 14:4

Naha ni pelekadoa a vora na bakovi tara. A matakari vona kunana ge masia a leho vona i kamumu o i hale. A vora ne Bakovi Dagi bara i leho kamumu, a vuhuna e Bakovi Dagi i tuhori ia ge leho kamumu.

A Raukea e Paulus i Here Lakea ne Huriki a Rom 2:1

I uka ma i kamumu o pelekado a narone huriki ranga, a vuhuna na tahuna o pelekado ria, o pelekado mule ioe. Ioe tara o rata a maka naro hale manga ria.

A Raukea e Paulus i Here Lakea ne Huriki a Rom 9:20

Pali iau bara koli, ioe e rei ke, go gegea a Vure? A Vure i ratarike ioe. A maki ni pipi i uka ma ge takia a viri i ratea, ‘I navai o rata mavonga iau?’

Hibru 7:25

I mavonga i tahoka a nitora ni korimule e huriki ri luhoi torea, ri valai tabukoi na Vure, a vuhuna i mahuri vakaroro, i takia a Vure ge kori hita.

Iakop 5:9

Mua e huriki a turagu nahea mu gu ta tutu, ma ge pelekado mua a Vure. Mu longo kamumu, a Mari ni pelekado i popote ge valai.