Iakop 4:11 - A Nitana Vure

¹¹ Mua e huriki a turagu, naha ni vapadimomo. A viri i padimomo e turana, i manga i ta hale na vinara na Vure, i pelekadoa. Na tahuna mu pelekadoa a vinara na Vure, i uka ma mu ramaia. I manga mu ngaru ge mua a mari ni pelekado, mu gu pelekado a nitana Vure.

Iakop 4:11 Iomraidhean Croise

Lukas 6:37

“Naha ni pelekado a viri, lakea a Vure i uka ma ge pelekado mua. Naha ni taki e huriki ranga ri hale, lakea a Vure i uka ma ge taki mua mu hale. Mu lohopile a naro hale ne huriki, a Vure tara bara i lohopile a naro hale ne mua.

A Raukea e Paulus i Here Lakea ne Huriki a Rom 2:1

I uka ma i kamumu o pelekado a narone huriki ranga, a vuhuna na tahuna o pelekado ria, o pelekado mule ioe. Ioe tara o rata a maka naro hale manga ria.

A Raukea e Paulus i Here Lakea ne Huriki a Rom 2:13

I kamumu a Vure i rata mavonga, a vuhuna a viri i malamala na matana Vure i uka ma ia a viri i lohoka kunana na Vinara na Vure. A viri i malamala na matana Vure a viri i longototo vakaroro a Vinara lobo a Vure i habi ne Moses.

A Raukea e Paulus i Here Lakea ne Huriki a Rom 7:7

A ra si gi takia ngane? A Vinara na Vure i hale? I uka liu! Iau i uka ma ga lohoka na vinara, i uka ma ga lohoka vona a ra naro i kamumu, a ra naro i hale. A vinara tara i ta maea, “Naha ni ngutu na maki na viri tara.” Pali iau i uka ma ga lohoka vona a ngava iea, ra naro ni ngutu, i uka ma ga lohoka vona ge hale.

1 Korin 4:5

I mavonga, naha ni pelekado muga a naro na viri, muga ne Bakovi Dagi ge valai. Ge valai, ge vakasiri kavakava a naro hale e huriki ri rata kapiloho. Ge vakasiri kavakava a niluhoi kapiloho ne huriki, i navai ri rata a maki ri rata? Muri a Vure ge kavurike hita takutaku.

2 Korin 12:20

Iau ga lakene, pali a mangenge, ma ga matai mua mu gu naro tebi na naro a ngaru ta mu gu rata. Lakea mua ranga, bara mu matai iau i mapulo a narogu. A mangenge ga matai mua mu gu vahehe, mu gu vamasigoro, mu gu vatahate, mu gu vapida lae, mu gu vapadimomo, mu gu ta tavulavula, mu gu putu ngingi, mu gu rata viliha.

Epesus 4:31

Mu lobo liu ni vagima, ni hate madihi, ni ngava dagi lae, ni padi kidu. Ge lobo liu a rongova ne mua, mu lobo ni rata a naro hale lobo.

1 Timoti 3:11

E huriki a ngatavine ranga, e huriki ri gi togo ria. Nahea ri gi padimomo. Nahea ri gi ninu a naru vagole, ri gi manga. Ri gi rata kamumu a leho lobo ni habi ne ria.

2 Timoti 3:3

I uka ma ri gi ngaru e huriki. I uka ma ri gi lohopile a naro hale ne turane ria. Bara ri vapadikidu. I uka ma ri gi pahadanu a ningaru hale na kakaine ria. Bara ri ratapile vakaroro e huriki. Bara ri marikoi na naro kamumu.

Titus 2:3

I mavonga kunana, o taki e huriki a gare ngatavine. A nimade ne ria ge vakasiri ria ri togoa a Vure. Nahea ri gi padimomo. Nahea ge vakavora ria a naru vagole. Ri gi vakasiri a naro kamumu.

Iakop 1:16

Mua e huriki a turagu, a ngaru hateka mua. Naha ni tami mule mua.

Iakop 1:19

Mua e huriki a turagu, a ngaru hateka mua. Mu longo kamumu. Na tahuna a viri i ta, naha ni koli malaviriri a ngava. Mu longo kamumu taro a ngava, mu luhoi kado, muri mu koli. Naha ni hini­hate,

Iakop 1:25

Pali a viri i longo kamumu a vinara kamumu na Vure, i ramai a ngava i tabuli vona, i uka ma i longo kaburungia, a Vure bara i rata kamumu ia. Si lohoka vona, a vinara na Vure i vakamatukapaga hita na naro hale.

Iakop 2:8

A vinara na Hariki ne hita, ni here puru na Hinere i ta maea, “O ngaru e huriki lobo i manga a hini o ngaru mule ioe.” Na tahuna mu ramai a vinara iea, mu rata a naro kamumu.

Iakop 5:10

Mua e huriki a turagu, mu luhoi e huriki a propet hosi ri vakalongo a ngava na rane Bakovi Dagi. E huriki a pile ri rata hale ria, pali ri pesi tora. Mu ramai a narone ria.

Iakop 5:7

Mua e huriki a turagu, mu hatenono ge harena na tahuna e Bakovi Dagi ge hamule valai tabu. A bakovi i tahoka a hania i dava a maki ni kani ge moro na hania vona. I hatenono, i made madoru i dava a vala a haro ru gu rata taro a leho ne rua, muri bara i bole a maki ni kani.

Iakop 5:9

Mua e huriki a turagu nahea mu gu ta tutu, ma ge pelekado mua a Vure. Mu longo kamumu, a Mari ni pelekado i popote ge valai.

1 Petrus 2:1

I mavonga, mu lobo liu ni rata a naro hale. Mu lobo ni tatami, mu lobo ni ngava naru, mu lobo ni tahate ne huriki ri tahoka a maki, mu lobo ni vakahale a rana turane mua.