Iakop 3:9 - A Nitana Vure

⁹ Si kavurikea na tabelene hita e Tamane hita, e Bakovi Dagi. Pali muri si harogi e huriki a turane hita, re huriki a bakovi a ngatavine a Vure i ratarike ria ri gi manga ia kunana.

Iakop 3:9 Iomraidhean Croise

A Vuhuna 5:1

Iea a nitana kabu ne Adam ni here puru: Na tahuna a Vure i rata rike a bakovi, i ratea i manga ia.

A Vuhuna 9:6

E rei a bakovi i rabalakia a viri tara, ia kunana bara i mate na limana bakovi, a vuhuna iau a Vure a rata rikea a bakovi i manga iau.

Mateo 26:74

Pali ngane e Petrus i taba rike na maki hale tara ge ratapilea, i kaba, i ta maea, “Iau i uka ma lohoka vona a bakovi iea!” Malaviriri kunana a kureko i tangi.

Mateo 5:44

Pali iau a taki mua, mu ngaru e huriki a pile ne mua, mu vasileki ne huriki ri vakamadihi vakaroro mua.

Apostolo 2:26

I mavonga a hategu i vivi, a tabelegu i ratea a ngava nivivi. Iau a pasimata ne vomu a Vure nau,

A Raukea e Paulus i Here Lakea ne Huriki a Rom 3:14

“Ri ruduraha, ri biu kato vakaroro e huriki.”

1 Korin 11:7

A bakovi i uka ma ge kavitagua a gina na tahuna i vasileki, a vuhuna a bakovi i manga a hanuna Vure, a bagetuanga na Vure. Pali a ngatavine a bagetua ne girihina,

Epesus 1:3

Si kavurikea a Vure, e Tamane Isu Kristo, a Bakovi Dagi ne hita. I vakabagetu hita a vuhuna si rihi e Kristo. I vakabagetu hita na maki kamumu lobo ri valai na hunu, ri kori a hanune hita.

Iakop 1:27

A naro i malamala na matana Vure, e Tamane hita, i maea: si gi kori e huriki a duku, e huriki a havuri, na tahuna ri bole a maregoa. A maki tara si gi ratea si gi matakari kamumu a nilaho ne hita, i uka ma si gi ramai a rabu na malala, ma si gi katoki na matana Vure.

Iakop 3:10

A nita ni kavurike a viri, a nita ni ruduraha a viri, ru bele varago na tabele i taku kunana. Mua e huriki a turagu, ra naro iea i uka ma i kamumu.

1 Petrus 1:3

Si gi kavurikea a Vure, e Tamane Isu Kristo, a Bakovi Dagi ne hita! I dodo hateka hita, lakea i habi ne hita a nimahuri karaba. Ngane si pasimata muholi, a vuhuna e Isu Kristo i mahuri mule na matenga.