Iakop 3:1 - A Nitana Vure

¹ Mua e huriki a turagu, nahea ge kupo ne mua ri gi bole a leho ni tovo e huriki na narona Vure, a vuhuna mu lohoka vona mia e huriki mi vara, a Vure bara i matai kamumu a narone mia, i pelekado mia. A nipelekado ne mia bara i dagi na nipelekado ne huriki a bakovi tavula.

Iakop 3:1 Iomraidhean Croise

E Levi 10:3

Muri e Moses i takia e Aron, “E BAKOVI DAGI i ta maea: ‘E huriki ri leho nau, ri gi lohoka kamumu vona iau a kiripiripi. Na matane huriki lobo, bara vakasiri ria vona a nitora dagi, a bagetua nau.’” E Aron i longoa a nita iea, i uka ngavana.

Mateo 10:24

“A murimuri i uka ma ge rangia a viri i tovoa. A ra maki i bele vona a mari ni tovo, bara i bele na murimuri vona. A vora tara, i uka ma i rangia a matakari vona. A ra maki i bele na matakari, bara i bele na vora vona. I mavonga, na tahuna e huriki ri taki iau, a tahona ruma, ta iau e Belsabub, mua ranga, bara ri taki mua a kabu nau, ta mua e Belsabub.

Mateo 23:13

“Mua e huriki a Pariseo, a mari na vinara na lotu mu tabele rua hateka! A Vure bara i ratapile mua! Mu tukari a logo na harikianga na hunu, i uka tara viri ge dili. Mu koi ni dili vona, pali mu hatekakari e huriki ranga ri ngaru ni dili.

Mateo 9:11

Na tahuna e huriki a Pariseo ri masia, ri nana e huriki a murimuri vona, ri ta maea, “I navai a mari ni tovo ne mua i kani turana e huriki a bakovi ni bole a takis, e huriki a bakovi hale?”

Lukas 16:2

Lakea i gale vilia a bolekori i nanea, ‘A ra maki a longoa ta o ratea? O vakalongo iau ngane, o matakari navai a mahala nau, a vuhuna bara o lobo na leho.’

Lukas 6:37

“Naha ni pelekado a viri, lakea a Vure i uka ma ge pelekado mua. Naha ni taki e huriki ranga ri hale, lakea a Vure i uka ma ge taki mua mu hale. Mu lohopile a naro hale ne huriki, a Vure tara bara i lohopile a naro hale ne mua.

Ioanes 3:10

E Isu i koli, i ta maea, “Ioe a mari ni tovo ne Israel, pali i uka ma o longo­kilala a ngava a taki?

Apostolo 13:1

I tahoka e huriki a tara ne Kristo ri made o Antiok. A bakovi ala lima ne ria a propet, a mari ni tovo. A rane ria ra nga: E Barnabas, e Simion a rana kalale vona e Kuli Kato, e Lusius o Sirene, e Manaen re turane Herod a hariki, e Saulus.

1 Korin 12:28

A Vure i ru e huriki ri gi leho pololilo na tara ne Kristo. I ru taro e huriki a apostolo, muri i ru e huriki a propet, muri ru e huriki a mari ni tovo, muri i ru e huriki ri rata a nivakasiri, muri e huriki ri vakamahuri e huriki, e huriki ri moro ni kori, e huriki ri moro ni matakari a leho, e huriki ri ta na tabele tebi legelege.

2 Korin 5:10

a vuhuna hita lobo bara si pesi na matane Kristo, ge pelekado hita. Muri bara si bole a mapane hita takutaku na narone hita koea na malala. E huriki ri rata a naro kamumu bara ri bole a mapane ria. E huriki ri rata a naro hale, ria ranga bara ri bole a mapane ria.

Epesus 4:11

Ia kunana a viri i rata e huriki ranga, ge ria a apostolo, e huriki ranga ge ria a propet, e huriki ranga ri gi vakalongo a Velenga Kamumu, e huriki ranga ri gi matakari e huriki a tara na Vure, e huriki ranga ri gi tovo.

1 Timoti 1:7

Ri ngaru ni tovo e huriki na vinara na Vure, pali i uka ma ri lohoka vona ra ngava ri ta paki paki vona.

1 Timoti 2:7

A Vure i vulaki iau ge iau a apostolo vona, ga vakalongo a ngava nga, ga tovo e huriki a kabu i uka ma ria a Iuda, ri gi luhoi torea e Kristo, ri gi lohoka vona a ngava muholi. Iau a ta muholi, i uka ma a tatami.

2 Timoti 1:11

I vulaki iau ge iau a apostolo, ga tovo, ga vakalongo a Velenga Kamumu iea.

Hibru 13:17

Mu longototo e huriki a matakari ne mua. Mu muri mai a ngava ri taki, a vuhuna ri matakari a hanune mua. Muri ma bara ri pesi na matana Vure, ge nana ria vona ri matakari navai mua. Mu rata kamumu ria, ri gi vivi kunana ni matakari mua. Bara mu rata hale ria, bara ri deke ne mua. I mavonga, mua ranga i uka ma mu gu made kamumu.

Iakop 1:16

Mua e huriki a turagu, a ngaru hateka mua. Naha ni tami mule mua.

Iakop 1:19

Mua e huriki a turagu, a ngaru hateka mua. Mu longo kamumu. Na tahuna a viri i ta, naha ni koli malaviriri a ngava. Mu longo kamumu taro a ngava, mu luhoi kado, muri mu koli. Naha ni hini­hate,

Iakop 3:10

A nita ni kavurike a viri, a nita ni ruduraha a viri, ru bele varago na tabele i taku kunana. Mua e huriki a turagu, ra naro iea i uka ma i kamumu.

1 Petrus 5:3

Naha ni matakari hateka a kabu na Vure. Mu muga ria, mu vakasiri a naro kamumu ne ria, ri gi ramai.