Iakop 2:9 - A Nitana Vure

⁹ Pali na tahuna i uka ma mu rata a naro i taku ne huriki lobo, mu rata a naro hale. Lakea ra vinara iea i vakasiri mua, mua a viri ni longotaro a vinara.

Iakop 2:9 Iomraidhean Croise

E Levi 19:15

“Na tahuna mu varamai na ngava, mu rata a naro kamumu na nipelekado a ngava. Naha ni tuhori a matasia, o go mangenge na bakovi na mahala. A ngava mu rata ge malamala kunana.

Ioanes 16:8

Na tahuna i valai, bara i vakasiri e huriki, ri matakilala a rabu hale ne ria, ri matakilala iau a malamala hateka, ri matakilaka vona e Tata ge pelekado e huriki.

Ioanes 8:46

E rei tara ne mua ge vakasiri, iau a rata a naro hale? Iau a ta muholi, pali i navai i uka ma mu luhoi tora iau?

Ioanes 8:9

Ri longoa a ngava iea, lakea ri malaga gosi­gosi tala, ri vano. E huriki a gare ri vano muga. Ri vano lobo ria, e Isu kikeri i made turana ngatavine iea.

Apostolo 10:34

Muri e Petrus i ta rike, i ta maea, “Iau ngane a matakilaka vona, a Vure i rata a naro i palupulupu ne huriki a kabu lobo: e huriki a Iuda, e huriki i uka ma ria a Iuda.

A Raukea e Paulus i Here Lakea ne Huriki a Rom 3:20

I uka tara viri ge ramai a vinara lobo, lakea a Vure ge takia, ta ia a bakovi malamala. A leho na vinara, i rata hita si gi matakilaka vona a naro hale ne hita.

1 Korin 14:24

Pali e huriki lobo ri gi rata a nita propet, lakea a viri polovavo, o a viri i uka ma i luhoi torea e Kristo i dili, bara i longo a nita propet ne huriki, bara i padia a hatena.

Galesia 2:19

A vinara i rata iau a mate pali, a matukapaga na nitora vona. I bele mavonga, ga muri mai kunanea a Vure. I manga iau ni paditata na kai tavalavala turane Kristo.

Vinara 1:17

Mu pelekado e huriki lobo na naro ge taku. Naha ni togo a bakovi dagi o a matasia. Naha ni mangenge vona tara viri, a vuhuna a Vure kunana bara i vakapalalea a niluhoi ne mua na tahuna mu vapelekado. A maka maregoa dagi hateka, i uka ma mu kara ni vakamahoto, mu bole valai nau ga pelekado.’

1 Ioanes 3:4

A viri i rata vakaroro a naro hale, i putu puru vakaroro a vinara. A naro ni putu puru a vinara ni gale a naro hale.

Iuda 1:15

Ge valai, e huriki lobo ri gi pesi na matana, ge pelekado ria, ge ratapile e huriki a bakovi a ngatavine ri marikoi a Vure. Ge ratapile ria vona a maka naro hale ri rata, na naro i vakasiri ri marikoi vona. Ge ratapile ria vona a maka ngava hale ri taki virihia vona e huriki ri marikoi vona.”