Iakop 2:5 - A Nitana Vure

⁵ Mua e huriki a turagu, a ngaru hateka mua, mu longo kamumu. A Vure i vulaki e huriki a matasia na malala ri gi luhoi torea, ri gi tahoka a mahala meli na hunu, ri gi dili na harikianga vona, i manga a hini hosi i ta muholi vona, e huriki ri ngaru hatekea ri gi bole.

Iakop 2:5 Iomraidhean Croise

A Nimariu 20:6

E huriki ri ngaru iau, ri gi ramai a maka vinara nau, bara ngaru vakaroro ria, a ngaru a hamone ria i ravulu rangale (1,000).

Mateo 11:5

E huriki a kepa ri matapara, e huriki a beu ri laho tabu, e huriki ri tahoka a patala ri matapado, e huriki ri vou ri longo mule tabu, e huriki ri mate ri mahuri mule tabu, a Velenga Kamumu ni vakalongo ne huriki a matasia.

Mateo 25:34

Muri a Hariki bara i taki e huriki ri pesi na limana a kanena, ‘Mu valai, mua e huriki e Tata i vakabagetu mua. Mu bolea a harikianga, ra ni rata puru ne mua na tahuna i ratarike a hunu a malala.

Mateo 5:3

“E huriki ri ngaru hateka a Vure ge korimule ria, ri gi vivi, a vuhuna a Vure ge habi ne ria a harikianga na hunu.

Markus 7:14

E Isu i gale valai tabu e huriki, i taki ria, “Mua lobo, mu talangaki valai, mu longokilalea a nitagu.

Lukas 12:21

“E huriki a bakovi na mahala, ri mavonga. Ri ru kadolu a mahala i kupo, pali na matana Vure, ria a matasia.”

Lukas 12:32

“Mua o huriki a kabu kiroko na sipsip nau, naha ni mangenge, a vuhuna e Tamane mua i vivi ni habi ne mua a harikianga vona.

Lukas 16:22

“Na parava tara a matasia iea i mate. E huriki a agelo ri valai, ri bole sikea, ri taparakia ge made turane Abraham. Muri a bakovi na mahala i mate, ni tanu.

Lukas 16:25

“Pali e Abraham i koli, i ta maea, ‘O tugu, o luhoi mule na tahuna o mahuri vona. A maka maki kamumu i bele vomu. Pali a maka maki hale kunana i bele ne Lasarus. Pali ngane ia i made kamumu ieni, o bole a nimadihi iene ke.

Lukas 22:29

Lakea a habia ne mua a harikianga, i manga e Tata i habia nau a harikianga.

Lukas 6:20

E Isu i mata lakea ne huriki a murimuri vona, i ta maea, “Mua o huriki a matasia mu vivi, a vuhuna a Vure bara i habi ne mua a harikianga vona.

Ioanes 7:48

Mu matai mia e huriki a Pariseo, e huriki a matakari. E rei tara ne mia ge luhoi tora ia?

Apostolo 7:2

Lakea e Stepan i koli i ta maea, “Mua o huriki a turagu mai, e tata mai, mu longo valai nau! A Vure na nipara dagi i luve na gare ne hita, e Abraham, na tahuna i made o Mesapotamia. I uka ma i made ma o Haran.

A Raukea e Paulus i Here Lakea ne Huriki a Rom 8:17

Ngane hita e huriki a tuna Vure. I mavonga, bara si bole turane Kristo a bagetua a Vure i ru puru ne huriki e tuna. Ngane si bole a nimadihi turane Kristo, i mavonga muri ma bara si bole a bagetua turane Kristo.

1 Korin 2:9

Ni here hosi maea, “I uka tara viri ge matai, i uka tara viri ge longo, i uka tara viri ge longo visi na hatena a maka bagetua kamumu a Vure i kado puru, ge habi ne huriki ri ngaru hatekea.”

2 Korin 4:15

A kaloho a maregoa nga ne vona ni tuhori mua, lakea a naro kamumu na Vure ge bele ne huriki ala kupo, ge vano vano, bara e huriki ala kupo ri kavurikea a Vure, ri vakabagetua.

2 Korin 6:10

A made dukuduku, pali a vivi vakaroro. A made manga a matasia, pali a rata e huriki ala kupo ri tahoka a mahala. A made manga a uka liu a maki, pali a maki lobo ne nau.

2 Korin 8:9

Mu lohoka vona a naro kamumu ne Isu Kristo a Bakovi Dagi ne hita. Muga ia a bakovi na mahala, i tahoka a maki lobo. Pali i luhoi mua, i taparaki a maki lobo nga, i bele manga a matasia. I rata mavonga, mu gu bele manga a bakovi na mahala, a mahala lobo na Vure ge ne vone mua.

Epesus 1:18

A nanea ge rata mua mu gu longokilalea a nitana, lakea mu gu lohoka vona a maka mahala kamumu i bagetu hateka, i ngaru ni habi ne mua, lakea mu gu pasimata ni bole a maki nga, a vuhuna i gale mua ge mua e huriki a ngate vona.

Epesus 3:8

I habia nau a leho iea, pali iau, ne huriki lobo na tara na Vure, iau a bakovi tavula liu. Pali i rata kamumu iau, i habi a leho nau ga vara e huriki i uka ma ria a Iuda, ga taki ria na maka mahala i kupo hateka ge ne ria na tahuna ri rihi e Kristo. A mahala nga ri dagi hateka, si keri ni matakilala.

1 Tesalonika 2:12

Mete vara mua, mete luke mua, mete vakuku mua mu gu laho kamumu, ge vivi ne mua a Vure, ra Vure i gale mua mu gu dili na harikia vona, mu gu vaveru vona a bagetuanga vona.

2 Tesalonika 1:5

Na tahuna mu pesi tora mavonga, i vakasiri hita na Vure i pelekado kamumu e huriki. I mavonga, a Vure ge taki mua, mua a viri kamumu, mu gu made na harikia vona, ra ngane mu bole a nimadihi a vuhuna mu ngaru ni dili vona.

1 Timoti 6:18

O taki ria ge ria a mari ni rata a naro kamumu, ni tuhori e huriki, ri gi hatebalala.

2 Timoti 4:18

E Bakovi Dagi bara i korimule iau na naro hale legelege, i bole iau a dili na harikia vona na hunu. Si gi kavurike vakaroroa. I muholi.

2 Timoti 4:8

I mavonga, e Bakovi Dagi, ra viri i pelekado malamala e huriki, i kisi puru a mapa kamumu nau, i manga a viri i mulangi na rihiva i bole a tama. Bara i habia nau na parava i pelekado e huriki. Bara i habia nau a mapa kamumu, a vuhuna i matai iau a malamala na matana. I uka ma ge habi nau kunana. Bara i habi ne huriki lobo ri pasimata vona ge hamule valai.

Hibru 11:26

E Moses i luhoi maea, i kamumu e huriki ri gi biu ia, a vuhuna i luhoi torea e Kristo. Pali bara i hale i uka ma ge luhoi tora, pali ge bole a mahala i kupo o Egipto.

Iakop 1:12

A viri i pesi tora na tahuna a nitoni i bele ge vivi, a vuhuna a Vure bara i habi a mapana, ge bole a nimahuri vaka­roro, i manga a viri i mulangi na rihiva i bole a tama. A Vure i taki muga pali ge habi a mapa ne huriki ri ngarua a Vure.

Iakop 1:16

Mua e huriki a turagu, a ngaru hateka mua. Naha ni tami mule mua.

Iakop 1:19

Mua e huriki a turagu, a ngaru hateka mua. Mu longo kamumu. Na tahuna a viri i ta, naha ni koli malaviriri a ngava. Mu longo kamumu taro a ngava, mu luhoi kado, muri mu koli. Naha ni hini­hate,

Iakop 1:9

E huriki a turane hita ri matasia, ri gi vivi na tahuna a Vure ge kavurike ria.

1 Petrus 1:4

Si pasimata vona a maki ni kado puru ne hita meli na hunu. A maki nga, ri gi tabuli vakaroro. I uka ma ri gi hale, i uka ma ri gi lobo.

2 Petrus 1:11

Mu ramai a maka naro nga, muri a Vure bara i vivi hateka ni tagui mua na tahuna mu dili na harikianga ne Isu Kristo, a Bakovi Dagi ne hita, a Viri i Korimule hita. A harikianga vona i uka nilobona.

Kapiloho 2:9

Iau a lohoka vona, mua ni vakamarego, mu bala a maki na malala, pali mu tahoka a mahala. A lohoka ne huriki ri taki ta ria a Iuda muholi, pali ria a tara ne Satan, ri padi a kidune mua.

Kapiloho 21:7

E huriki ri mulangi, ga habi a maki nga ne ria. Ge iau a Vure ne ria, ge ria e huriki e tugu.

Kapiloho 3:18

Ngane a taki mua, a gol nau ni gutu na kanono i maga hateka. Mu konea, mu gu tahoka a mahala. Mu kona nau a varakia keakea, mu gu kavitagu mua vona, i uka ma mu gu kabobo, i uka ma mu gu maruhu tabu. Mu kona nau a marasin na matane mua, mu gu matai tabu.