Iakop 2:1 - A Nitana Vure

¹ Mua e huriki a turagu, mu rata a naro ge palupu ne huriki lobo, a vuhuna mu luhoi torea e Isu Kristo a Bakovi Dagi ne hita, i muga ne huriki lobo.

Iakop 2:1 Iomraidhean Croise

E Levi 19:15

“Na tahuna mu varamai na ngava, mu rata a naro kamumu na nipelekado a ngava. Naha ni tuhori a matasia, o go mangenge na bakovi na mahala. A ngava mu rata ge malamala kunana.

Mateo 22:16

Ri rudu e huriki a murimuri ne ria, turana e huriki a tara ne Herod. Ri lakea vona ri ta maea, “Mari ni tovo, mi lohoka vomu, ioe a bakovi ni ta muholi, o vara muholi na narona Vure. I uka ma o mangenge vona tara viri, a vuhuna e huriki lobo ri palupulupu na matamu.

Apostolo 10:34

Muri e Petrus i ta rike, i ta maea, “Iau ngane a matakilaka vona, a Vure i rata a naro i palupulupu ne huriki a kabu lobo: e huriki a Iuda, e huriki i uka ma ria a Iuda.

Apostolo 20:21

A taki tora e huriki a Iuda, e huriki a Grik, ri gi pulo a vilone ria, ri gi ramaia a Vure, ri gi luhoi torea a Bakovi Dagi ne hita, e Isu Kristo.

Apostolo 24:24

Muri na parava ranga e Peliks i valai turana e girihina, e Drusila, a ngatavine o Iuda. I rudu a ngava ni gi turari valai vona e Paulus, ge longo vona ranga ngava na niluhoi ne Isu Kristo.

Apostolo 7:2

Lakea e Stepan i koli i ta maea, “Mua o huriki a turagu mai, e tata mai, mu longo valai nau! A Vure na nipara dagi i luve na gare ne hita, e Abraham, na tahuna i made o Mesapotamia. I uka ma i made ma o Haran.

A Raukea e Paulus i Here Lakea ne Huriki a Rom 1:11

A ngaru hateka ni matai mua a vuhuna a ngaru ni habi tavula ne mua ranga maki ri valai na Hanuna Vure.

1 Korin 2:8

E huriki a matakari na malala, i uka tara viri ge matakilaka vona a ngava iea. Bara ri matakilaka vona, i uka ma ri gi paditatea na kai tavalavala e Bakovi Dagi, ra i bagetu hateka.

Vinara 1:17

Mu pelekado e huriki lobo na naro ge taku. Naha ni togo a bakovi dagi o a matasia. Naha ni mangenge vona tara viri, a vuhuna a Vure kunana bara i vakapalalea a niluhoi ne mua na tahuna mu vapelekado. A maka maregoa dagi hateka, i uka ma mu kara ni vakamahoto, mu bole valai nau ga pelekado.’

Vinara 16:19

Nahea ri gi tami e huriki, nahea ri gi tuhori ranga e huriki, nahea ri gi pahadanu ranga e huriki. Nahea tara viri ge habi tavula a moni ne ria, a vuhuna a maki ni habi tavula ne vona ni vakaviliha a niluhoi ne huriki a bakovi malamala, ne huriki ri tahoka a niluhoi kamumu, i uka ma ri gi pelekado kamumu a ngava.

Kolosi 1:4

a vuhuna miri longo mua mu luhoi hatekea e Isu Kristo, mu ngaru e huriki a tara na Vure.

1 Timoti 5:21

Iau a vakuku ioe na matana Vure, e Isu Kristo, e huriki a agelo a Vure i vulaki ria, a taki ioe go ramai kamumu a maka ngava nga. A maka naro o rata ge palupulupu kunana ne huriki lobo.

Titus 1:1

Iau, e Paulus, a herea a raukea iea i lakene vomu, o Titus. Iau a vora na Vure, a apostolo ne Isu Kristo. I rudu iau ga vakatora a niluhoi ne huriki a bakovi a ngatavine a Vure i vulaki ria. A tuveve ne ria a nita muholi, ri gi laho na narona Vure. Lakea bara ri pasimata ni bole a nimahuri vakaroro. Ra nimahuri vakaroro iea, a Vure i ta muholi vona hosi si gi bolea. A Vure i uka ma ia a viri ni tatami. A Vure, ra viri i korimule hita, i puka talea a nita muholi iea na parava i vulakia. Muri i ru na limagu, i vakuku iau ga vakalongo ne huriki. Titus, o manga e tugu muholi, a vuhuna o luhoi torea e Isu i manga iau a luhoi torea. A Vure, e Tamane hita, turane Isu Kristo, a bakovi i korimule hita, ru gu rata kamumu ioe, ru gu habi a nivalemu vomu.

Titus 2:13

Si gi pasimata vona a parava ge valai, na tahuna e Isu Kristo a Vure Tuhaka ne hita, ra viri i korimule hita, ge vakasiri a nipara dagi vona.

Hibru 1:3

E Tuna i vakasiri a bagetuanga na Vure. I manga muholi a Vure. A nitana i tahoka a nitora. Na nitana kunana i rata a maki lobo ri tabuli tora. I vakaloboa a leho vona ni bole a nimadhi na naro hale ne huriki, ge rata ria ri gi malamala na matana Vure. Muri i made na limana kanena Vure, ra Viri Dagi na hunu, a rana i dagi hateka, i tahoka a nitora dagi.

Hibru 12:2

A niluhoi ne hita ge doko kunana ne Isu. Ia a vuhuna a niluhoi ne hita, ia a viri kunana i malamala liu na naro vona ni luhoi tora. Na tahuna i bole a nimadihi dagi ni mate na kai tavalavala, i hatenono kunana. I uka ma i mangenge vona a nimaruhu dagi ge mate na naro iea, a vuhuna i luhoi kunana a nivivi dagi hateka ge bole muri ma. Ngane i made na limana kanena Vure.

Iakop 1:16

Mua e huriki a turagu, a ngaru hateka mua. Naha ni tami mule mua.

Iakop 1:19

Mua e huriki a turagu, a ngaru hateka mua. Mu longo kamumu. Na tahuna a viri i ta, naha ni koli malaviriri a ngava. Mu longo kamumu taro a ngava, mu luhoi kado, muri mu koli. Naha ni hini­hate,

Iakop 2:3

Bara mu rata kamumua a bakovi na mahala, mu takia ge made na gula, pali mu vakahalea a matasia mu tono ragea ge made polotano, o mu takia ge pesi basi,

Iakop 2:9

Pali na tahuna i uka ma mu rata a naro i taku ne huriki lobo, mu rata a naro hale. Lakea ra vinara iea i vakasiri mua, mua a viri ni longotaro a vinara.

Iakop 3:17

Pali e huriki ri tahoka a lohokanga i valai na Vure, ri maea: ri uka a naro hale, ri ngaru a nivalemu, ri luhoi muga a ningaru ne huriki ranga, i uka ma ri kulirua, ri dodo e huriki a turane ria, a leho ne ria i tahoka a kanena, ri rata virihi e huriki lobo a naro i taku kunana. I uka ma ri tamirabu ni ramai a naro kamumu, ri ramai muholi.

2 Petrus 1:1

Iau e Simon Petrus, a vora, a apos­tolo ne Isu Kristo. A herea a raukea iea i lakene ne mua e huriki a bakovi a ngatavine a Vure i rata mua mu luhoi torea e Kristo, i manga mia. Si luhoi torea e Isu Kristo, ra viri i korimule hita, ia a Vure, i malamala liu.

Iuda 1:16

Re huriki a nitamina mari ni tovo, ra ri made turane mua, ri marikoi, ri hehe vona a naro kamumu na Vure. I uka ma ri vivi ranga, ri deke bala. Ri ramai kunana a ningaru hale na kakaine ria. Ri bibi rike mule ria. Ri tamilalu ni rata kamumu e huriki, ri gi bole a maka maki ne ria.

Kapiloho 14:12

I mavonga, e huriki a tara na Vure ri gi luhoi kado ri gi hatenono, re huriki ri longototo a vinara na Vure, ri luhoi torea e Isu.