Iakop 1:5 - A Nitana Vure

⁵ E rei a viri i uka ma i tahoka a loho­kanga kamumu ni laho kamumu, ge nanea a Vure ge habia vona a lohokanga. Muri a Vure bara i habia a lohokanga vona, a vuhuna a Vure ia a mari ni hate­balala. Na tahuna a Vure i habi a maki, i habi kunana. I uka ma ge vakamaruhu a viri.

Iakop 1:5 Iomraidhean Croise

A Nimariu 31:3

A habia vona a Hanuna Vure, turana a nitora, a lohokanga, a niluhoi ni ratana a maki legelege.

A Nimariu 31:6

A vulaki tabua e Oholiap, e tune Ahisimak na kabu ne Dan, ge leho turana e Besalel. A habi tabu a lohokanga ne huriki ranga, ri gi rata a maki a ngaru ri gi rata.

Mateo 11:20

Muri e Isu i tahate e huriki na tanga ranga. I tahate ria, a vuhuna ri matai a nivakasiri i kupo ne Isu, pali i uka ma ri pulo a vilone ria.

Markus 16:14

Muri e Isu i bele taho e huriki a murimuri vona ala ravulu a polona i taku na tahuna ri kani. I tahate ria, a vuhuna i uka ma ri luhoi tora, ri gigi tora hateka, i uka ma ri luhoi e huriki ri masia na tahuna i mahuri mule pali.

Ioanes 14:13

A ra maki mu nana iau vona na ragu, bara rata. Na naro iea kunana, iau a Tuna Vure, ga ratea a rane Tata ge bele dagi.

Ioanes 15:7

Na tahuna mu rihi iau, mu muri mai a ngavagu, bara mu nanea e Tata na ningaru ne mua, bara i longo.

Ioanes 4:10

Lakea e Isu i koli a ngavana, i ta maea, “Ioe bara o lohoka na maki a Vure i habi tavula, bara o lohoka vona a viri i nongi a naru vomu, bara o takia ge habia vomu a naru na nimahuri.”

2 Korin 2:16

Na tahuna e huriki a Vure i korimule ria ri burongi, i manginoro, a vuhuna i vakasiri ria ri gi mahuri vakaroro. Pali na tahuna e huriki ri velu ri burongi, i mavuru, a vuhuna i vakasiri ria bara ri vurua. E rei i kara ni ratea a leho iea?

Iakop 1:17

A maki kamumu lobo si bole, a maki kamumu lobo ni habi tavula ne hita, ri valai ne Tamane hita na hunu, ra viri i ratarike a haro, a keva, a maka hada ri para polomeli na hunu. A maka nipara nga, ri para dagi na parava ranga, ri para kiroko na parava ranga. Pali e Tamane hita i uka ma i mavonga. I uka ma i pulo lae a vilona.

Iakop 3:17

Pali e huriki ri tahoka a lohokanga i valai na Vure, ri maea: ri uka a naro hale, ri ngaru a nivalemu, ri luhoi muga a ningaru ne huriki ranga, i uka ma ri kulirua, ri dodo e huriki a turane ria, a leho ne ria i tahoka a kanena, ri rata virihi e huriki lobo a naro i taku kunana. I uka ma ri tamirabu ni ramai a naro kamumu, ri ramai muholi.

Iakop 5:16

Ra i mavonga, a ngaru mua mu gu vatakitala a naro hale ne mua. Mu vasileki ne huriki e turane mua, a Vure ge vakamahuri ria. Na tahuna a bakovi malamala i vasileki, a nivasileki vona i tahoka a nitora dagi, i tahoka a kanena.

1 Ioanes 3:22

A ra maki si takia vona, bara i habi, a vuhuna si longototo a vinara vona, si rata a naro i vivi vona.