Iakop 1:12 - A Nitana Vure

¹² A viri i pesi tora na tahuna a nitoni i bele ge vivi, a vuhuna a Vure bara i habi a mapana, ge bole a nimahuri vaka­roro, i manga a viri i mulangi na rihiva i bole a tama. A Vure i taki muga pali ge habi a mapa ne huriki ri ngarua a Vure.

Iakop 1:12 Iomraidhean Croise

A Vuhuna 22:1

Muri na parava ranga i polo, a Vure i ngaru ni tonia e Abraham. Lakea i galea, “Abraham!” E Abraham i longo, i ta maea, “Iau ieni.”

A Nimariu 20:6

E huriki ri ngaru iau, ri gi ramai a maka vinara nau, bara ngaru vakaroro ria, a ngaru a hamone ria i ravulu rangale (1,000).

Mateo 10:22

E huriki a bakovi a ngatavine bara ri marikoi ne mua, a vuhuna mu ramai iau. Pali e rei a viri i pesi tora mavonga ni ramai iau, a Vure bara i korimulea.

Mateo 25:34

Muri a Hariki bara i taki e huriki ri pesi na limana a kanena, ‘Mu valai, mua e huriki e Tata i vakabagetu mua. Mu bolea a harikianga, ra ni rata puru ne mua na tahuna i ratarike a hunu a malala.

Lukas 6:22

E huriki bara ri tepu mua, ri lohopile mua, ri harogi mua, ri taki mua ta mu hale a vuhuna mu muri mai a Tuna Bakovi. Pali mu vivi!

A Raukea e Paulus i Here Lakea ne Huriki a Rom 5:4

Na tahuna si hatenono, a Vure i vivi ne hita. Na tahuna a Vure i vivi ne hita, bara si pasimata ni masia.

A Raukea e Paulus i Here Lakea ne Huriki a Rom 8:28

Si lohoka vona, a Vure i rata a maki lobo ri leho palupu, ge rata kamumu e huriki ri ngaru hateka ia, re huriki a Vure i gale ria, ri gi ratea a leho vona.

1 Korin 2:9

Ni here hosi maea, “I uka tara viri ge matai, i uka tara viri ge longo, i uka tara viri ge longo visi na hatena a maka bagetua kamumu a Vure i kado puru, ge habi ne huriki ri ngaru hatekea.”

1 Korin 8:3

Pali e rei a viri i ngarua a Vure, a Vure i matakilalea a bakovi iea.

1 Korin 9:25

E huriki a bakovi na rihiva ri tovo mule a kakaine ria. Ri rata mavonga, ri gi mulangi, ri gi bole a mapane ria. A mapa ri bolea bara i ropo muri ma. Pali a mapane hita bara i tabuli vakaroro.

Vinara 13:3

naha ni longo maia. E BAKOVI DAGI a Vure ne mua i toni ioe kunana, ge matai ioe o ngaru hatekea na hatemu lobo, na niluhoi vomu lobo, o i uka.

Vinara 7:9

Mu luhoi kamumua a maki iea. E BAKOVI DAGI a Vure ne hita, ia kunana a Vure muholi. I muri mai a nitana vakaroro, bara i ramai a nita muholi vona. A ngava dagi na ningaru na Vure i rata virihi e huriki ri ala rangale (1,000) ri ngarua ri ramai a vinara vona.

Vinara 8:2

Mu luhoi kamumua e BAKOVI DAGI a Vure ne hita, i muga mua, i tuhori mua vona a nilaho dagi mu ratea. Mu laho viliha na malala golea na pida i ravulu va. Lakea i rudu valai ranga maregoa ge toni mua, ge lohoka vona, mu gu ramai lobo a vinara vona o ge uka.

2 Timoti 2:15

O toni a bulumu ni leho kamumu, lakea na tahuna o vakasiri ioe na Vure, bara i ta maea, “O leho kamumu hateka.” Lakea o uka ma go maruhu, a vuhuna ioe a vora kamumu. O vakalongo kavakava a ngava muholi.

2 Timoti 4:8

I mavonga, e Bakovi Dagi, ra viri i pelekado malamala e huriki, i kisi puru a mapa kamumu nau, i manga a viri i mulangi na rihiva i bole a tama. Bara i habia nau na parava i pelekado e huriki. Bara i habia nau a mapa kamumu, a vuhuna i matai iau a malamala na matana. I uka ma ge habi nau kunana. Bara i habi ne huriki lobo ri pasimata vona ge hamule valai.

Hibru 10:32

Mu luhoi mule tabu na tahuna hosi mu bole a ngava muholi na Vure. Na tahuna iea e huriki ri habi a maregoa dagi ne mua, mu bole a nimadihi i kupo. Pali mu pesi tora, mu rura kunana.

Hibru 11:17

Hosi e Abraham i luhoi torea a Vure. A Vure i tonia, i takia ge habia e tuna, e Isak, ge manga a nihabi na Vure. I muholi, a Vure i ta muholi muga ne Abraham, i ta maea, “E huriki e tune Isak kunana bara ni gale e huriki a hamomu.” Pali e Abraham i longototo kunana, i vakatubu ni habi na Vure e Isak, ge manga a nihabi ni gutu vuro.

Hibru 12:5

I navai? Mu longo kaburungia pali a hini a Vure i vara mua i manga mua e huriki e tuna? I ta maea, “O tugu, na tahuna e Bakovi Dagi i habi a nimadihi vomu, naha ni biua. Naha ni kini malulu na tahuna i tahate ioe.

Hibru 6:15

Lakea e Abraham i dava, i hatenono. Muri i bele a maki a Vure i ta muholi vona ge bele.

Iakop 2:5

Mua e huriki a turagu, a ngaru hateka mua, mu longo kamumu. A Vure i vulaki e huriki a matasia na malala ri gi luhoi torea, ri gi tahoka a mahala meli na hunu, ri gi dili na harikianga vona, i manga a hini hosi i ta muholi vona, e huriki ri ngaru hatekea ri gi bole.

Iakop 5:11

Si lohoka vona, e huriki ri hatenono bara ri vivi. Mu longoa pali a nuverei ne Iob, i hatenono na tahuna i bole a maregoa dagi. Muri e Bakovi Dagi i korimulea. Muholi hateka, e Bakovi Dagi a Mari ni dodo, a Mari ni rata kamumu hateka hita.

1 Petrus 3:14

Pali bara mu laho malamala, lakea ni vakamadihi mua vona, a Vure bara i gamai mua. I mavonga, naha ni mangenge ne ria. Naha ni loho pae.

1 Petrus 4:13

Na tahuna ri bele, mu vivi, a vuhuna mu bole a maregoa i manga e Kristo i bole a maregoa. Muri bara mu vivi hateka na tahuna a bagetuanga vona i bele kavakava.

1 Petrus 4:14

Na tahuna e huriki ri harogi mua a vuhuna mu luhoi torea a rane Kristo, mu vivi, a vuhuna a Hanuna Vure i bagetu hateka i made turane mua.

1 Petrus 5:10

I mavonga, na tahuna mu bole pali a nimadihi popote, a Vure na nidodo bara i kisi mua, i vakatora mua, i rata mua mu pesi tora. Ra Vure i rata kamumu mua, i gale mua mu gu made turana vakaroro na bagetuanga vona, a vuhuna mu luhoi torea e Isu Kristo.

1 Petrus 5:4

Muri, na tahuna a Matakari dagi i bele, bara i habi ne mua a mapa kamumu ge tabuli vakaroro.

1 Ioanes 4:19

Si vangaru a vuhuna a Vure i ngaru muga hita.

Kapiloho 2:10

I popote mu gu bole a maregoa, pali naha ni mangenge. Mu longo, e Satan i popote ge ru dili ranga ne mua na bavi, ge toha mua, bara mu tahoka a maregoa na parava i ravulu. Mu pesi tora ni luhoi tora iau, ge vano ge harena na tahuna mu mate, lakea iau bara habi ne mua a mapane mua, ra a nimahuri vakaroro, i manga a viri i mulangi na rihiva i bole a tama.

Kapiloho 3:19

Iau a tahate e huriki a bakovi a ngatavine a ngaru hateka ria, a habi a nimadihi ne ria. I mavonga, mu habi a hatene mua ni pulo a vilone mua.

Kapiloho 3:21

E rei a viri i mulangi, bara ratea ge made turagu na gula hariki nau, i manga a hini iau tara a mulangi hosi, a made turane Tata na gula hariki vona.