Hibru 9:1 - A Nitana Vure

¹ A ngava dagi muga i tahoka a vinara na naro na nikavurikea a Vure. I tahoka tabu a naro ni hae a mailo na Vure koea na malala.

Hibru 9:1 Iomraidhean Croise

A Nimariu 25:8

“O taki e huriki ri gi haea tara kape nau ga made turane ria.

E Levi 18:30

Mu ramai a maka ngava a habi ne mua. Naha ni ramai a maka naro mavuru ne huriki ri made muga vona a malala iea. Mua bara mu ramai a maka naro mavuru nga, bara mu muto na matagu. Mu longo, iau e BAKOVI DAGI a Vure ne mua a taki a ngava nga.”

E Levi 22:9

“E huriki a prister ri gi ramai lobo a maka vinara a habi ne ria. Ria i uka ma ri ramai a vinara, bara ri tahoka a ngava, a rabalaki ria. Iau e BAKOVI DAGI, a gamai ria ge ria a prister nau, a takia a ngava iea.

Lukas 1:6

Rua varago ru malamala na matana Vure, ru muri mai lobo a vinara ne Bakovi Dagi.

A Raukea e Paulus i Here Lakea ne Huriki a Rom 9:4

Re huriki a Israel, e huriki a tuna Vure. A Vure i vakasiri ne ria a bagetuanga vona. I rata turane ria a ngava dagi. I habi ne ria a vinara vona. I vakasiri ne ria ri gi lotu navai vona. I ta muholi ne ria na ngava i kupo.

Kolosi 2:8

Mu matadoko ne huriki, ma ri gi tami mua, ri gi kolotata mua na ngava tavula na niluhoi na malala. A niluhoi iea i uka ma i valai ne Kristo, i valai ne huriki a gare hosi, ne huriki a hanitu.

Hibru 8:13

Na tahuna a Vure i taki talea a ngava dagi karaba vona, i ratea ngane a vinara hosi i uka lehona. A ra maki hosi, i uka lehona, bara i velu.

Hibru 8:2

Ngane i leho manga prister pololilo na kape muholi na Vure. A kape iea, i uka tara bakovi ge haea. A Vure kunana a viri i haea.

Hibru 8:7

A ngava dagi hosi bara i kamumu kunana, a Vure i uka ma ge vakabele tabu a ngava dagi karaba.

Hibru 9:24

a vuhuna e Kristo i uka ma ia a prister na malala, ge dili na tabeke ni taba, ra i tabuli pololilo na kape ni hae na limana bakovi. I uka. A mailo iea a hanuna maki muholi na hunu. I sike liu na hunu, na matana Vure, i leho ni kori hita.