Hibru 8:8 - A Nitana Vure

⁸ Pali a Vure i pukatala a naro hale ne huriki nga, i ta maea, “E Bakovi Dagi i ta maea, ‘Mu longo, iau a vulakia pali tara parava, ga rata a ngava dagi karaba turane huriki a Israel, e huriki a Iuda.

Hibru 8:8 Iomraidhean Croise

Mateo 26:28

a vuhuna a vain iea a daragu, ge pori nau ne vona ni vakatorea a ngava muholi a Vure i rata karaba turane huriki. Ge pori ne vona ni puga vuroki a naro hale ne huriki ala kupo.

Markus 14:24

Muri i taki ria i ta maea, “Ra vain iea a daragu, ge pori nau ne vona ni vakatorea a ngava muholi a Vure i rata karaba turane huriki. Ge pori ne vona ni korimule e huriki ala kupo.

Lukas 17:22

Muri i taki e huriki a murimuri vona i ta maea, “Muri a parava bara i valai, bara mu ngaru hateka ni masia a Tuna Bakovi ge hamule valai. Bara mu ngaru ni matai popotea, pali i uka ma mu gu masia.

Lukas 22:20

Na tahuna ri kani lobo, e Isu i bole rikea a kikei na vain, i ta maea, “A vain iea a kilakila na ngava dagi karaba a Vure ge rata turana e huriki. A ngava dagi karaba iea ga vakatorea na daragu, ra daragu ge pori, ge korimule mua.

Lukas 5:38

I mavonga kunana a vain karaba bara ni guru dili na buroi karaba.

1 Korin 11:25

Ri kani lobo, i bole rikea a kikei na vain, i kavurikea a Vure vona, i ta maea, “A kikei iea i vakasiri a ngava dagi karaba, a vakatorea na daragu. Na tahuna mu ninua, mu luhoi mule iau.”

2 Korin 3:6

A Vure kunana i habi a nitora nau, ga vakalongo e huriki na ngava dagi karaba. A ngava dagi karaba iea i uka ma i ramai a vinara. I ramai a Hanuna Vure, a vuhuna a vinara i vakabele a matenga, pali a Hanuna Vure i habi a nimahuri vakaroro.

Vinara 29:14

Ra hita si pesi mona koea, a Vure i uka ma i rata virihi kunana hita vona ra ngava dagi iea. I uka, e huriki a hamone hita muri ma ranga i rata virihi ria vona. Hita lobo si gi ta muholi ni ramaia a ngava dagi iea.

Hibru 12:24

Mu bele ne Isu. I vakatora a ngava dagi karaba. Mu bele na darane Isu. A ngava na darane Isu i rangi a ngava na darane Abel.

Hibru 7:22

Ra ngava iea i ratea e Isu ge ia a viri ni vakatora a ngava dagi karaba. A ngava dagi karaba i kamumu hateka vona a ngava dagi hosi.

Hibru 8:13

Na tahuna a Vure i taki talea a ngava dagi karaba vona, i ratea ngane a vinara hosi i uka lehona. A ra maki hosi, i uka lehona, bara i velu.

Hibru 8:6

Pali ngane a leho i bolea e Isu na ngava dagi karaba i rangi a leho na ngava dagi hosi, a vuhuna a nita muholi a Vure i habi turana ngava dagi karaba i rangi a nita muholi na ngava dagi hosi.

Hibru 9:15

Ngane e Isu i pesi na kurukuruna Vure, e huriki a bakovi a ngatavine, i vakatora a ngava dagi karaba. E huriki a viri a Vure i gale ria, bara ri bole a maki a Vure i ta muholi ge habi ne huriki e tuna. Ri gi bole, ri gi tahoka vakaroro, a vuhuna e Isu i mate na murine hita, ge puga vuroki a naro hale si rata na tahuna si ramai a ngava dagi muga.