Hibru 7:2 - A Nitana Vure

² Lakea e Abraham i ru na naguna i ravulu a maka maki i bole na vabinga, i habia ne Melkisadek a naguna i taku. A rane Melkisadek, na nita Hibru, i manga i maea, “a Hariki Na Naro Malamala”. E Melkisadek a hariki na tanga dagi e Salem. A ngava e Salem na nita Hibru i manga i maea, “Nivalemu”. I mavonga e Melkisadek a hariki na Nivalemu.

Hibru 7:2 Iomraidhean Croise

A Vuhuna 28:22

Ra kedo iea a vakapesia i manga a kilakila ge vakasiri a hini nga ga hae a roho vomu vona. A maki i ravulu o habi nau bara habi mulea vomu a tabekena i taku.”

E Levi 27:32

Bara o tahoka a sipsip o a bulmakau i ravulu, o ru herea ge taku, ge malamala lakea ne BAKOVI DAGI.

Ni Gi 18:21

“Na tahuna e huriki a Israel ri bole valai nau a naguna maki ni kani i ravulu, bara habia ne huriki a Levi a naguna i taku. Ra naguna iea i manga a mapane ria ri rata a leho ni matakari a Kape na Vaponga.

Mateo 1:23

“A sirula bara i singou tavula, i podea a koma bakovi, bara ni gale e Emanuel.” A pelegona a ngava e Emanuel i maea, “A Vure i made turane hita.”

Lukas 2:14

“Si gi kavurikea a Vure Meli Liu. Ge habi a nivalemu ne huriki a bakovi a ngatavine i vivi ne ria koea na malala.”

A Raukea e Paulus i Here Lakea ne Huriki a Rom 3:26

I rata mavonga, na tahuna mona si gi matakilaka vona, ia i malamala. A Vure i rata e huriki lobo ri luhoi torea e Isu ri gi malamala.

Hibru 7:1

Hosi, e Melkisadek a hariki na tanga dagi e Salem. Ia a prister dagi na Vure Meli Liu. E Abraham i vaubi turane huriki a hariki ranga, i rabalaki ria. Muri i laho hamule lakea na tanga vona. E Melkisadek i taguia na dala, i vakabagetua.

Hibru 7:3

I uka tara viri ge lohoka vona e tamane e kinane Melkisadek. A hamona tara i uka ma ni lohoka vona. A parava ni poda ia vona, a parava i mate vona, ngi ranga i uka ma ni lohoka vona. I mavonga, i manga a prister vakaroro, manga kunana a Tuna Vure.