Hibru 6:2 - A Nitana Vure

² Nahea mu gu hamule tabu mai a nitovo na nivahilolo, a naro ni ru langa a limana viri, a nitovo na nipesi rike mule na matenga, a nitovo ne huriki ri gi pesi na matana Vure ge pelekado ria, ri gi vurua vakaroro.

Hibru 6:2 Iomraidhean Croise

Mateo 28:19

I mavonga mu vano, mu lakea na tanga lobo na malala. Mu vahilolo e huriki na rane Tata, ne Tuna, na Hanu Kiripiripi. Mu tovo ria ri gi ramai a ngava lobo a habi ne mua. I mavonga bara mu rata ria ge ria e huriki a murimuri nau. Mu longo. Iau ga made vakaroro turane mua, ge vano ge harena na nilobona malala.”

Mateo 3:14

Pali e Ioanes i hehe, i ta maea, “I navai ga vahilolo ioe? Ioe a viri bara o vahilolo iau.”

Markus 16:16

E rei a viri i luhoi tora iau, ni gi vahilolo, a Vure bara i korimulea. Pali e rei a viri i koi ni luhoi tora iau, bara i velu.

Markus 7:4

Na tahuna ri hamule na maket, bara ri loi taro a limane ria, muri ri kani. A vilo ranga ne tubune ria ri muri mai, ra ni vahilolo a kikei, a tavila, a ulo).

Markus 7:8

Muri e Isu i ta maea tabu, “Mu longotaroa a vinara na Vure, mu ramai a maka vilone huriki e tubune mua.

Lukas 11:38

A Pariseo i turutu vona e Isu i uka ma i vahilolo a limana muga na nikani.

Lukas 12:50

Iau ga bole a nimadihi dagi. A luhoi legelege hateka, a ngarua a parava iea ge valai malaviriri, ge lobo.

Lukas 14:14

Re huriki a bakovi maea bara ri keri ni koli a limamu. Ra i mavonga bara o vivi, a vuhuna a limamu bara ni koli na tahuna e huriki a bakovi kamumu bara ri pesi rike mule na nimate.”

Lukas 3:16

Lakea e Ioanes i koli, i ta maea, “Iau a vahilolo mua na naru. Pali a viri tara i tabukoi ge valai, i tuhaka hateka nau. Iau i uka ma a bakovi kamumu ga puga vuroki a mota na vahapolo vona. Na tahuna i valai, bara i vahilolo mua na Hanu Kiripiripi, a kanono.

Ioanes 1:33

I muga, iau i uka ma a lohoka ge ia a bakovi iea. Pali a viri i rudu iau a valai ga vahilolo e huriki na naru, i taki iau, i ta maea, ‘Ra bakovi o masia a Hanugu ge puru valai na hunu i manga a balu ge toka langa vona, ra bakovi iea kunana bara i vahilolo e huriki na Hanu Kiripiripi.’

Ioanes 5:29

ri gi pesi rike mule na matenga. E huriki ri rata a naro kamumu bara ri mahuri mule, ri bole a nimahuri. Pali e huriki ri rata a naro hale bara ri mahuri mule, ri bole a mapana naro hale ne ria.

Apostolo 10:47

“E huriki nga ri bole a Hanu Kiripiripi i manga hita muga. Pali e rei ngane ge ta kari hita, nahea si gi vahilolo ria?”

Apostolo 13:3

Muri ri vasileki, ri peremu, ri ru langa a limane ria ne rua, ri rudu rua ru vano.

Apostolo 16:15

Lakea ni vahilolo, turane huriki a kabu vona. Muri i taki mateu i ta maea, “Moto luhoi ge iau a murimuri muholi ne Bakovi Dagi, moto valai moto made na ruma nau.” Lakea mete longo, mete made turana.

Apostolo 16:33

Na tahuna iea kunana na rodo, a tagari i vahilolo a harena lebo ne rua. Muri a tagari ni vahilolo turane huriki a kabukabu vona.

Apostolo 17:18

E huriki a mari ni tovo na lohokanga ni gale e huriki a Epikuria, e huriki a Stoik, ria ranga ri longoa e Paulus. E huriki ranga ri ta maea, “A bakovi iea i ta tavulavula. I uka ma mi longokilalea a ngavana.” E huriki ranga ri ta maea, “I vakalongo kunana na maka vure ne huriki basi.” Ri ta mavonga, a vuhuna e Paulus i vara na Velenga Kamumu ne Isu, na naro na nimahuri mule na matenga.

Apostolo 2:38

E Petrus i koli, i ta maea, “Mua lobo, mu pulo a vilone mua, ni gi vahilolo na rane Kristo, lakea a Vure bara i puga vuroki a naro hale ne mua. Muri bara i habi ne mua a Hanu Kiripiripi.

Apostolo 2:41

E huriki ala kupo ri ngarua a nitane Petrus, lakea ni vahilolo. Na parava iea kunana e huriki ala 3,000 ri dili turane ria.

Apostolo 23:6

E Paulus i matakilaka vona e huriki a Sadusi, e huriki a Pariseo ri bele na vaponga, lakea i ta dagi, i ta maea, “Mua o huriki a turagu, iau a Pariseo, e tata tara, ia a Pariseo. Iau a pesi koea na murina ni vapelekado a vuhuna a pasimata vona e huriki ri mate bara ri pesi rike mule na matenga.”

Apostolo 24:15

Iau, i manga e huriki ri padi virihi iau, a pasimata na Vure ge vakamahuri mule na matenga e huriki ri mate pali, re huriki ri kamumu e huriki ri hale.

Apostolo 24:21

Iau a luhoi maea, a ngava i taku kunana a ratea na tahuna a made turane ria. A gale dagi, a ta maea, ‘Iau a pesi na matane mua ngane, a vuhuna a luhoi e huriki ri mate pali bara ri mahuri mule na matenga.’”

Apostolo 24:25

E Peliks i mangenge na tahuna i longoa e Paulus i vara na naro malamala, na viri ge matakari kamumu a vilona, na Vure ge pelekado hita muri ma. Lakea i ta maea, “Ge lobo ngane a ngava ngi! O vano ke! Muri ma ga malopi, bara talo rike a ngava vomu o valai tabu.”

Apostolo 26:8

I navai mu pahadaki ta a Vure i keri ni vakamahuri mule e huriki na matenga?

Apostolo 4:2

I madihi a hatene ria, a vuhuna ru vara e huriki, ru taki ria ne Isu i pesi rike mule na nimate, lakea i vakasiri manga e huriki lobo bara ri pesi rike mule na nimate.

Apostolo 6:6

Ri vakapesi ria na ngalane huriki a apostolo, lakea e huriki a apostolo ri vasileki, ri ru langa a limane ria ne ria.

A Raukea e Paulus i Here Lakea ne Huriki a Rom 2:16

Bara i bele mavonga na tahuna a Vure i habia ne Isu Kristo a leho ni pelekado a niluhoi kapiloho, a naro kapiloho ne huriki lobo. A ngava iea, a vakalongo ne huriki na tahuna a vakalongo ria na Velenga Kamumu.

1 Korin 10:2

A bubu i matakari ria, ri laho polo na Dari Vururu turane Moses. A naro nga ru rata e huriki nga, ria a tara ne Moses, i manga mona a viri ni vahilolo, i dili na tara ne Kristo.

1 Korin 12:13

E huriki ranga a Iuda, e huriki ranga a Grik, e huriki ranga a vorakato, e huriki ranga i uka ma ria a vora, hita lobo, a Hanu Kiripiripi i vahilolo hita, si bele manga a kakaine Kristo i taku kunana. Hita lobo si vaveru vona a Hanu Kiripiripi i taku kunana.

2 Korin 5:10

a vuhuna hita lobo bara si pesi na matane Kristo, ge pelekado hita. Muri bara si bole a mapane hita takutaku na narone hita koea na malala. E huriki ri rata a naro kamumu bara ri bole a mapane ria. E huriki ri rata a naro hale, ria ranga bara ri bole a mapane ria.

Pilipai 3:21

Bara i rata a kakaine hita tavula i mapulo, bara i bele manga a kakaine Kristo, ra i bagetu hateka. Bara i rata mavonga na nitora vona, ra i rata a maki lobo i tabuli na limana.

Kolosi 2:12

Na tahuna ni vahilolo mua, i manga a Vure i tanu mua turane Kristo. Lakea mu pesi rike turane Kristo, a vuhuna mu luhoi tora a nitora na Vure, ra nitora na Vure i vakamahuri mulea e Kristo na matenga.

2 Timoti 2:18

Ru varoru pali na dala na ngava muholi, ru taki e huriki ta i bele pali a parava e huriki ri gi mahuri mule na matenga. Ru vakahale a niluhoi ne huriki ranga.

Hibru 11:35

E huriki ri mate pali ni vakamahuri mule, lakea e kinane ria ri bole mule ria. E huriki ranga ni vakamadihi hateka. A viri i vakamadihi ria i taki ria, bara ri lohopilea a Vure, bara ri voro taparaki ria. Pali i uka ma ri lohopilea a Vure, a vuhuna ri ngaru ni bole a nimahuri kamumu na Vure na tahuna i vakapesi mule ria na matenga.

Hibru 9:10

A leho ne ria, ri habi kunana a vinara na rabu ni kani, ni ninu, ni hilolo, ni matakari mule a kakaina viri. A vinara nga, bara ni ramai, i harena kunana na tahuna a Vure i vakasiri a dala kamumu karaba.

2 Petrus 3:7

I mavonga muri ma, a nitana Vure bara i ratapile tabu a hunu a malala. Na parava a Vure ge pelekado e huriki lobo, bara i rungani a hunu, a malala, bara i ratapile e huriki ri ngalahere na Vure.