Hibru 4:6 - A Nitana Vure

⁶ Mona a bakovi a ngatavine takutaku ri dili na nimalo iea. Hosi e huriki i uka ma ri dili na nimalo iea, a vuhuna ri longoa a Velenga Kamumu, pali i uka ma ri longototo.

Hibru 4:6 Iomraidhean Croise

Ni Gi 14:12

Ngane ga rudua a gilanga dagi ge ratapile ria. Pali iau ga rata ioe, ge ioe a kabu dagi i gao hateka ne ria.”

Ni Gi 14:31

Mu taki e huriki na robo iea, ta ri gi vaubi turane mua, ri gi rangi mua, ri gi bole e huriki e tune mua. Pali i uka. Iau bara taparaki e huriki a koma nga ri gi lakea na robo ra i uka ma mu ngarua, bara ri bolea ri made vakaroro vona.

Mateo 21:43

I mavonga a taki mua, a harikianga na Vure bara ni bole hamule ne mua, bara ni habi ne huriki ri rata a maki a Vure i ngaru na harikianga vona.

Apostolo 28:28

“I mavonga a ngaru mua mu gu lohoka vona, a velenga na nimahuri vakaroro na Vure ni vakaru lakea ne huriki i uka ma ria a Iuda. Ria bara ri longo mai!”

1 Korin 7:29

Mua e huriki a turagu, a pelegona ngava nau i maea: a parava i uka ma i kupo ngane. I vakatubu ngane, e huriki ri parangi, nahea ri gi luhoi hateka a naro na parangia.

Galesia 3:8

Hosi a Hinere i vakalongo muga a naro a Vure ta ge gale malamala e huriki i uka ma ria a Iuda, na tahuna ri luhoi torea. A Hinere i vakalongo muga a ngava nga hosi na tahuna a Vure i takia ne Abraham a Velenga Kamumu, na tahuna i ta maea, “Ne vomu kunana, ga gamai e huriki a bakovi lobo na malala.”

Hibru 4:11

Si gi toni a bulune hita ni dili na nimalo iea, lakea i uka tara viri ge longotaroa a nita na Vure, ge velu.

Hibru 4:2

Mona si longoa a Velenga Kamumu. Nahea si gi rata manga e huriki a Israel hosi. Ri longoa a Velenga Kamumu na Vure, pali i uka ma i kori ria, a vuhuna i uka ma ri luhoi torea. E huriki ala popote kunana ri luhoi torea.

Hibru 4:9

I mavonga, i tahoka a nimalo ne huriki a tara na Vure. A nimalo iea i manga a Parava Nimalo,