Hibru 4:2 - A Nitana Vure

² Mona si longoa a Velenga Kamumu. Nahea si gi rata manga e huriki a Israel hosi. Ri longoa a Velenga Kamumu na Vure, pali i uka ma i kori ria, a vuhuna i uka ma ri luhoi torea. E huriki ala popote kunana ri luhoi torea.

Hibru 4:2 Iomraidhean Croise

Apostolo 13:46

Lakea e Paulus e Barnabas ru koli paga paga kunana, i uka ma ru mangenge, ru ta maea, “A Vure i ngaru maria miri gi vakalongo muga ne mua a nitana. Pali mu marikoi vona a nita iea. Mu vakasiri mua, i uka ma mua a viri kamumu ni bole a nimahuri vakaroro. Ngane miri gi matataro mua, miri gi lakea ne huriki i uka ma ria a Iuda.

Apostolo 3:26

“A Vure i vulakia a vora vona, i rudua ge valai taro ne mua, ge rata kamumu mua na tahuna i rata mua lobo mu pulo a vilone mua, mu ha taro a vilo hale.”

A Raukea e Paulus i Here Lakea ne Huriki a Rom 2:25

A bakovi ni pala a kulina, lakea i ramai lobo a Vinara na Vure, a hini ni pala a kulina vona bara i koria. Pali a bakovi ni pala a kulina, pali i longotaro a Vinara na Vure, i manga tabu a bakovi i uka ma ni pala a kulina.

A Raukea e Paulus i Here Lakea ne Huriki a Rom 3:3

I muholi, e huriki a gare ne hita hosi, e huriki ranga i uka ma ri longo mai a nitana Vure. I mavonga, ge navai? A Vure tara, i uka ma ge ramai a nitana?

1 Korin 13:3

Iau bara habi lobo a mahala nau, o ri gi gutu iau na kanono, pali iau i uka ma a ngaru e huriki, a naro nga i uka ma ru gu kori iau.

Galesia 3:2

A ngaru ni nana mua vona a ninana i taku kunana. Ra Hanu Kiripiripi, mu bole navia? Mu bolea na tahuna mu ramai a vinara, o mu bolea na tahuna mu longo a Velenga Kamumu, mu luhoi torea?

Galesia 3:8

Hosi a Hinere i vakalongo muga a naro a Vure ta ge gale malamala e huriki i uka ma ria a Iuda, na tahuna ri luhoi torea. A Hinere i vakalongo muga a ngava nga hosi na tahuna a Vure i takia ne Abraham a Velenga Kamumu, na tahuna i ta maea, “Ne vomu kunana, ga gamai e huriki a bakovi lobo na malala.”

Galesia 4:13

Mu lohoka vona, hosi a made turane mua, a vara mua na Velenga Kamumu a vuhuna a giloa.

Vinara 1:32

A taki mavonga mua, pali i uka ma mu longokilala a ngava, i uka ma mu luhoi torea e BAKOVI DAGI a Vure ne mua.

1 Tesalonika 1:5

Mete lohoka vona, a vuhuna a Velenga Kamumu mete vakalongo ne mua, i uka ma a ngava kunana. I bele turana nitora na Hanu Kiripiripi. Mu matai kavakava a hini mete luhoi hatekea a ngava iea, a vuhuna mu matai a rabune mateu na tahuna mete made turane mua. A rabu mete rata ne vona ni tuhori mua kunana.

1 Tesalonika 2:13

Na tahuna mu longoa ne mateu a nitana Vure, mu longo maia. Mu lohoka vona i uka ma a nitana bakovi. A nitana Vure. I leho pololilo na hatene mua e huriki mu luhoi torea e Kristo. Lakea mete kavurikea a Vure na parava vakaroro.

1 Timoti 4:8

O lohoka vona, a bakovi i rehi na rihiva i ngarua a kakaina ge gao. Bara i tovo mule a kakaina ge gao. Ra nitovo iea bara i tuhori popote a viri. Pali a viri i tovo mulea ge ramai a narona Vure, bara i tuhori mule hatekea. Bara i habi a maki kamumu vona ngane koea na malala, muri ma meli na hunu.

Hibru 11:6

E rei a viri i uka ma i luhoi torea a Vure, a Vure i uka ma i vivi vona. E rei a viri i ngaru ni lakea tabukoi na Vure, ge lohoka vona a Vure i made, ge luhoia a Vure ra viri i rata kamumu e huriki ri matakanea.

Hibru 3:12

Mua o huriki a turagu, mu matadoko, ma ge rata mua a niluhoi hale, mu gu lobo ni luhoi torea a Vure, mu gu ngalahere na Vure Mahuri.

Hibru 4:6

Mona a bakovi a ngatavine takutaku ri dili na nimalo iea. Hosi e huriki i uka ma ri dili na nimalo iea, a vuhuna ri longoa a Velenga Kamumu, pali i uka ma ri longototo.

Iakop 1:21

Lakea, a ngaru mu gu pe a naro i katoki, a maka naro hale legelege ne mua. Mu vakakiroko mua, mu longototo a nitana Vure, ra ni ru na hatene mua. Ra ngava iea i kara ge korimule mua.

1 Petrus 1:12

Ni vakalongo ria vona a nita propet ri rata i uka ma ne vona ni korimule ria. A nita propet ri ratea ne vona ni kori mua. A nita propet ne ria i bele muholi na ngava ni vakalongo ne mua pali, na tahuna e huriki ri vara ne mua a Velenga Kamumu na nitora na Hanu Kiripiripi, ra i valai na hunu. E huriki a agelo ranga, ri ngaru ni lohoka vona a ngava nga.