Hibru 4:12 - A Nitana Vure

¹² Si gi toni a bulune hita, a vuhuna a nitana Vure i mahuri, i tahoka a nitora. I vere hateka, i rangi a bainat i vere a tabekena i rua. I dili liu na hatene hita, a hanune hita, i manga a bainat i dili na bobona viri, i pala pida a tuhana viri. I pelekado a niluhoi, a ningaru kapiloho ne hita.

Hibru 4:12 Iomraidhean Croise

Lukas 8:11

“A pelegona a nivakakika i maea: A vutuna vit i manga a nitana Vure.

Ioanes 12:48

I tahoka a mari ni pelekado ge pelekado e huriki ri marikoi iau, i uka ma ri ngaru a nitagu. Ra nitagu kunana bara i pelekado ria na nilobona malala,

Ioanes 6:51

Iau a bret na nimahuri a valai na hunu. E huriki ri kania a bret iea bara ri mahuri vakaroro. Ra bret iea a bobogu, ga habia ne huriki na malala ri gi bole a nimahuri.”

Apostolo 2:37

Na tahuna e huriki ri longoa a ngavane Petrus, i padi a hatene ria, lakea ri nana e Petrus turana e huriki a apostolo ranga, ri ta maea, “Mua o huriki a turane mia, a ra mi gi ratea ngane?”

Apostolo 4:31

Na tahuna ri vasileki lobo, a ruma ri vapopo vona i vuruke. A Hanu Kiripiripi i vakatora ria, ri ta pagapaga na nitana Vure, i uka ma ri mangenge.

Apostolo 5:33

Na tahuna ri longoa a ngava iea, i madihi a hatene ria, ri ngaru ni rabalaki e huriki a apostolo.

Apostolo 7:38

Ia kunana a viri i made turana e huriki a kabu ne Israel na malala i ngeki. Ia kunana a agelo i ta turana, i habi vona a ngava na nimahuri meli na lolo e Sinai, lakea i habi poloa ne hita.

A Raukea e Paulus i Here Lakea ne Huriki a Rom 1:16

I mavonga, i uka ma a maruhu ni vakalongo ne huriki a Velenga Kamumu, a vuhuna ia a nitora na Vure ni korimule e huriki lobo ri luhoi tora ia, e huriki a Iuda taro, muri e huriki i uka ma ria a Iuda.

1 Korin 1:24

Pali e huriki a Iuda, e huriki a Grik a Vure i gale ria, ri masia e Kristo ia a nitora, a lohokanga na Vure.

2 Korin 2:17

E huriki ranga ri vara e huriki na nitana Vure, ri ngaru ri gi bole a moni vona. Pali i uka ma a rata mavonga. A Vure i rudu iau, lakea a vara e huriki na naro muholi na matana Vure, manga a vora ne Kristo.

2 Korin 4:2

Pali a marikoi hateka a naro hale kapiloho a naro ni maruhu. A marikoi ni tami e huriki. A marikoi ni palele a nita na Vure. A ta kavakava kunana na ngava muholi, e huriki ri gi matakilala na hatene ria, iau a bakovi navai na matana Vure.

Epesus 5:13

Pali na tahuna a nipara i parai a maki tara, a maki iea i bele kavakava,

Epesus 5:26

ge ratea ge ne vona kunana. I vahiloloa na naru, na nitana Vure, i ratea i malamala.

Epesus 6:17

Mu kube a hineva ni rata na aen, ra hini a Vure i korimule mua pali. Mu nugua a bainat na Hanuna Vure, ra nitana Vure.

1 Tesalonika 2:13

Na tahuna mu longoa ne mateu a nitana Vure, mu longo maia. Mu lohoka vona i uka ma a nitana bakovi. A nitana Vure. I leho pololilo na hatene mua e huriki mu luhoi torea e Kristo. Lakea mete kavurikea a Vure na parava vakaroro.

1 Tesalonika 5:23

A Vure a vuhuna a nivalemu. Ia a viri ge rata mua mu gu malamala liu na matana. Ge matakari a hanune mua, a niluhoi ne mua, a kakaine mua, lakea na tahuna e Isu Kristo a Bakovi Dagi ne hita ge hamule valai, bara i matai mua mu laho malamala.

Hibru 13:7

Mu luhoi e huriki a matakari ne mua, ri vakalongo mua vona a nitana Vure hosi. Ri laho navai? Ri mate navai? Mu ramai a narone ria ni luhoi torea a Vure.

Iakop 1:18

Na ningaru vona i vakasiri a nita muholi vona, ge rata hita ge hita e huriki e tuna. I rata mavonga, ge bole tala hita na maki lobo i ratarike, si gi muga ne ria.

1 Petrus 1:23

Mu vangaru a vuhuna mu bole pali a nimahuri karaba. A nimahuri karaba iea i uka ma ge lobo. Bara i tabuli vakaroro. I valai na nita mahuri na Vure. A nita iea bara i tabuli vakaroro.

Kapiloho 1:16

I nugu na limana a kanena a hada i polorua. A bainat i tahoka a ngina i rua i vere hateka i toro toro tala na ngavana. A matana i para hateka i manga a haro i para na kuru haro.

Kapiloho 19:15

A bainat i vere hateka i pagitala na ngavana. Ge ratapile e huriki i uka ma ria a Iuda, “ge matakari hateka ria, i manga a viri i matakari e huriki na lebo ni rata na aen.” Ge pahabebe e huriki na murina ni pahabebe na rongova na Vure i Tuhaka Hateka.

Kapiloho 19:21

Pali e huriki ranga, a bainat i pagitala na viri i rike na hos keakea i tolo mate ria, lakea a maka kadirovo ri valai, ri kani a bobone ria, ri maru.

Kapiloho 2:16

I mavonga, mu pulo a vilone mua. Ge uka, bara valai malaviriri, ga vaubi turane ria na bainat, ra i toro toro tala na ngavagu.

Kapiloho 2:23

Ga rabalaki e huriki e tuna. Na naro iea, e huriki a tara na Vure lobo ri gi lohoka vona, iau a viri a lohoka na niluhoi, na ningaru ne huriki lobo. Ga habi a mapane mua, i muri mai a narone mua.

Kapiloho 20:4

Muri a matai a maka gula hariki. E huriki ri made ne ria, a Vure i habi a leho ne ria, ri gi pelekado a narone huriki. A matai tabu a hanune huriki a bakovi. E huriki nga ri taki tala a ngava ne Isu, a nitana Vure, i uka ma ri kavurikea e Livoa, o a hanuna, i uka ma ri bole a kilakila vona na dumene ria, na limane ria, lakea ni palakudu a lohone ria. Ngane ri mahuri mule, ri matakari turane Kristo na pida i ravulu rangale.