Hibru 3:9 - A Nitana Vure

^9-10 A rata a maka nivakasiri dagi na matane ria na pida i ravulu va, pali ri tabana ni toni iau. I mavonga, a rihate ne huriki nga, a ta maea, ‘I uka ma ri lohoka vona a narogu. Ri lohopile vakaroro iau.’

Hibru 3:9 Iomraidhean Croise

A Nimariu 19:4

Mu matai a maki a rata pali ne huriki a Egipto. A boko mua manga a loha i boko e tuna na karapana, a taparaki valai mua koea.

A Nimariu 20:22

Muri e Bakovi Dagi i takia e Moses, “O taki e huriki a Israel e BAKOVI DAGI i ta maea, ‘Mu matai pali iau a made na hunu a ta turane mua.

Ni Gi 14:33

E huriki e tune mua bara ri laho viliha na tabeke i ngeki na pida i ravulu va, ge harena na tahuna mua lobo bara mu mate. Mu ha taro iau, mu manga a ngatavine i ha taro e girihina i ngoi viliha lae. Lakea e huriki a koma bara ri bole a maregoa na naro hale ne mua.

Lukas 7:22

Lakea e Isu i koli, i ta maea, “Muru hamule, muru vakalongo e Ioanes vona a maki muru matai muru longo: E huriki a kepa ri matapara, e huriki a beu ri laho tabu, e huriki ri tahoka a patala ri matapado, e huriki ri vou ri longo mule tabu, e huriki ri mate ri mahuri mule tabu, a Velenga Kamumu ni vakalongo ne huriki a matasia.

Apostolo 13:8

Pali ra bakovi na malulu, a rana na nita Grik e Elimas, i koi ne rua. I koi vona a matakari ge luhoi torea a Vure.

Apostolo 7:36

E Moses i tuli tala ria o Egipto, i rata a maka maki ni turutu vona, a nivakasiri i kupo na robo e Egipto, na Dari Vururu, na malala golea na pida i ravulu va.

Vinara 11:7

Muholi hateka, mua kunana mu matai a maka maki dagi a Vure i rata.

Vinara 29:2

E Moses i gale palupu e huriki a Israel i taki maea ria, “Mu matai pali a maka maki e BAKOVI DAGI i rata virihi ne Parao, a hariki o Egipto, turana e huriki a bolekori vona, a robo vona.

Vinara 4:3

Mua lobo mu masia pali a maki e BAKOVI DAGI i rata o Bal-Peor. I kupo e huriki ri kavurike a vure e Bal na tanga iea, lakea e BAKOVI DAGI a Vure ne hita i ratapile ria.

Vinara 4:9

“Mu matadoko kamumu. Na tahuna mu made na malala iea, naha ni longokaburungi a maka maki mu matai pali. Mu vakalongo e huriki e tune mua, e tubune mua

Vinara 8:2

Mu luhoi kamumua e BAKOVI DAGI a Vure ne hita, i muga mua, i tuhori mua vona a nilaho dagi mu ratea. Mu laho viliha na malala golea na pida i ravulu va. Lakea i rudu valai ranga maregoa ge toni mua, ge lohoka vona, mu gu ramai lobo a vinara vona o ge uka.

Vinara 8:4

Na pida nga, a varakia ne mua i uka ma i marape. A vahane mua ranga i uka ma i vaki, i kamumu kunana.

Iosua 23:3

Mu matai pali a maki e BAKOVI DAGI, a Vure ne mua i rata virihi na maka tanga ranga, i tuhori mua na vabinga i vaubi polo ne mua.

Iosua 24:7

Re huriki a gare ne mua ri mangenge, ri gale dagi hateka valai nau e BAKOVI DAGI, ga tuhori ria. Lakea a ratea a uvo i bele na kurukurune huriki a Egipto, a gare ne mua. A ratea a dari i rere tagu e huriki a Egipto. Mu lohoka vona a maka maki a rata virihi e huriki a Egipto vona. Muri mu made tabaka na tabeke i ngeki.

Iosua 5:6

E huriki a Israel ri laho viliha na tabeke i ngeki na pida i ravulu va. Na tahuna iea e huriki a bakovi ri kara ni vaubi na tahuna ri pea e Egipto ri mate lobo, a vuhuna ri longotaro a nitane BAKOVI DAGI. I muholi ngi, e BAKOVI DAGI i ta muholi ne huriki a gare, ge habia ne huriki a Israel a malala i vona a maki ni kani. Pali i taki ria tabu ne huriki ri longotaro a ngava, i uka ma ri gi masia a malala iea.