Hibru 3:1 - A Nitana Vure

¹ Mua o huriki a turagu, a Vure i gale hita. Mu luhoia e Isu. A Vure i rudu vilia, ge ia a Prister Dagi na lotu ne hita.

Hibru 3:1 Iomraidhean Croise

Ioanes 17:3

A nimahuri vakaroro i maea: ri gi lohoka vomu, ioe kikeri a Vure muholi. Ri gi lohoka tabu nau, iau e Isu Kristo, o rudu iau a valai.

Ioanes 20:21

Lakea e Isu i taki tabu ria, i ta maea, “Mu made na nivalemu. Iau a rudu mua i manga e Tata i rudu iau.”

Ioanes 20:27

Muri i takia e Tomas, i ta maea, “O matai a limagu, o rua koea a kuku limamu. O toto vilia a limamu, o ru dilia na harena maheto na kamagagu. Naha ni loho rua, o luhoi tora.”

Apostolo 1:15

Na tahuna iea e huriki ri luhoi torea e Isu ri ala 120. Ngane e Petrus i pesi rike na matane ria, i ta maea,

A Raukea e Paulus i Here Lakea ne Huriki a Rom 11:17

E huriki a Israel ri manga a kai a oliv ni varo. Mua e huriki a kabu ranga, mu manga a kai a oliv i rike tavula na robo. A Vure i puri vuroki na kai ne huriki a Israel a rahana ranga. I bole mua, i vakamadoko mua na vuhuna. Ngane i tua polo ne mua a totona kai ni varo, re huriki a Iuda.

A Raukea e Paulus i Here Lakea ne Huriki a Rom 15:27

Ri vivi ni kori ria. I manga a makoli ne ria, a vuhuna e huriki i uka ma ria a Iuda ri longo a Velenga Kamumu, ra i valai ne huriki a Iuda. I mavonga i kamumu ri gi koli, ri gi kori na moni e huriki a Iuda matasia.

A Raukea e Paulus i Here Lakea ne Huriki a Rom 15:8

E Kristo i valai ni kori mia e huriki a Iuda, ge vakasiri a Vure i ta muholi na tahuna i rata a ngava dagi turana e huriki a gare ne mia hosi.

A Raukea e Paulus i Here Lakea ne Huriki a Rom 9:24

re hita e huriki a Vure i gale hita, si gi ramaia. I gale tala hita ne huriki a Iuda, ne huriki i uka ma ria a Iuda. Si valai na kabu lobo.

1 Korin 1:2

Miri here lakene mua e huriki a tara ne Kristo o Korin. E Isu Kristo i ru here here mua, ge mua ne vona a Vure kunana. I gale mua, ge mua e huriki a tara vona, turana e huriki na tanga lobo ri kavurikea a Bakovi Dagi, e Isu Kristo. Ia a Bakovi Dagi ne ria, a Bakovi Dagi ne hita.

1 Korin 10:17

A bret i taku kunana. I mavonga, hita lobo si vakalipopo, hita a tara i taku kunana, a vuhuna si vaveru vona a bret i taku kunana.

1 Korin 9:23

A maki lobo nga a rata ne vona ni vakalongo a Velenga Kamumu, lakea iau tara ga bole a bagetua na Velenga Kamumu turane ria.

2 Korin 1:7

Miri lohoka muholi vona, a Vure ge luke mua i manga a hini i luke maria, a vuhuna mu bole a nimadihi i manga maria miri bole a nimadihi.

2 Korin 9:13

Na tahuna mu kori e huriki maea, bara ri vakabagetua a Vure. A naro hate balala ne mua, mu kori e huriki nga, mu kori e huriki a tara na Vure lobo, bara i vakasiri manga mu longototo a Velenga Kamumu ne Kristo.

Epesus 3:6

A niluhoi kapiloho iea i maea: e huriki i uka ma mua a Iuda, mua ranga mu gu bole a maka maki na Vure. Mua ranga mu dili na tara na Vure. Mua ranga mu gu bole a maki a Vure i ta muholi vona na tahuna mu longo a Velenga Kamumu, mu rihi e Isu Kristo.

Epesus 4:1

I mavonga, iau a nana mua, ra iau ni ru dili na bavi a vuhuna a rata a leho ne Bakovi Dagi. A nana tora mua mu gu laho na naro i karea a naro a Vure i gale mua mu gu laho vona.

Epesus 4:4

Hita e huriki a tara na Vure, si manga a kakaina viri i taku kunana. A Hanuna Vure i taku kunana, i manga kunana a Vure i gale mua mu gu pasimata vona a maki ge bele muri ma.

Pilipai 3:14

A toni a bulugu, ga bole a mapagu meli na hunu, ra Vure i gale hita vona na tahuna si luhoi torea e Isu Kristo.

Kolosi 1:12

mu gu vivi ni kavurikea e Tamane hita, ra i rata mua mu kara ni bole a tabeke na maka maki i kisi puru pali meli na hunu, ne huriki a bakovi a ngatavine vona.

Kolosi 1:22

Na nimatena, e Kristo i rata mua ngane mu made turana Vure na nivalemu. I rata mavonga a vuhuna i ngaru mu gu valai tabukoi na Vure, mu gu made malamala na matana, i uka ma ge pelekado mua.

Kolosi 3:12

A Vure i vulaki mua pali, ge mua e huriki a tara vona, i ngaru hateka mua. Lakea ngane mu dodo e huriki ri tahoka a maregoa, mu tuhori ria. Naha ni kavurike mule mua, mu vakakiroko mua, mu made madoru turane huriki a turane mua. Mu hatenono, naha ni hinihate.

1 Tesalonika 2:12

Mete vara mua, mete luke mua, mete vakuku mua mu gu laho kamumu, ge vivi ne mua a Vure, ra Vure i gale mua mu gu dili na harikia vona, mu gu vaveru vona a bagetuanga vona.

1 Tesalonika 5:27

A taki tora mua na matane Bakovi Dagi, mu gia ra raukea iea, ge longoa e huriki a tara na Vure.

2 Tesalonika 1:11

I mavonga, mete vasileki vakaroro na Vure, ge tuhori mua mu gu laho manga a hini i ngaru mu gu laho vona. Mete vasileki vona ge habi a nitora ne mua, mu gu rata a maka naro kamumu mu luhoi ni ratana.

2 Tesalonika 2:14

A Vure i ngaru mu gu made na bagetua na nitora ne Isu Kristo a Bakovi Dagi ne hita, lakea i gale palupu mua pali na Velenga Kamumu, ra mi tovo mua vona.

1 Timoti 6:12

O toni a bulumu ni nunu hateka turane Kristo. Muri ma bara o mulangi, o bole a nimahuri vakaroro. Ra nimahuri vakaroro iea, a Vure i gale ioe go bolea hosi na tahuna o taki tala na matane huriki a bakovi a ngatavine, ne ioe o luhoi torea e Kristo.

1 Timoti 6:2

E huriki a vora ri tahoka a matakari ri luhoi torea e Kristo, nahea ri gi taki a viri dagi ne ria ga turane ria, lakea ri gi makoko ni togo ria. I uka. Ri gi leho kamumu hateka, a vuhuna ri kori a viri i luhoi torea a Vure, ri kori a viri ri ngaru hateka. O vara e huriki iene na ngava nga, o taki tora ria ri gi ramai.

2 Timoti 1:9

A Vure i korimule hita, i gale hita si gi laho malamala. I uka ma si ratea tara maki kamumu ge gale hita. I gale hita na ningaru vona kunana. I gale hita ge rata a naro kamumu ne hita, i rudu vilia e Isu Kristo ge korimule hita. Hosi na tahuna a hunu a malala i uka ma ni ratarike ma, a Vure i luhoi pali a naro iea ge ratea.

2 Timoti 2:7

O luhoi kado a maki a taki, a vuhuna e Bakovi Dagi bara i habi a lohokanga vomu go lohoka vona a pelegona ngava.

Hibru 10:19

Mua o huriki a turagu. Ngane i uka ma si mangenge. Na darane Isu, si dili kunana, si bele na matana Vure, i manga e huriki a prister ri dili na tabeke ni taba.

Hibru 10:21

Si tahoka a prister dagi i matakari e huriki a tara na Vure.

Hibru 10:23

Nahea si gi loho ruarua. Si gi pesi tata na ni luhoi tora a maki si pasimata vona si gi bole, a vuhuna a Vure i keri ni tatami. I rata lobo a maki i taki ge rata.

Hibru 13:22

Mua o huriki a turagu, a raukea nau i uka ma i ola hateka. Mu hatenono vona a ngava tora a habi ne mua, a vara mua vona.

Hibru 2:11

E Isu, ra i valai na Vure, ia a viri i rata e huriki ri malamala. Pali e huriki i rata ria ri malamala, ria ranga ri valai na Vure. I mavonga, e Isu i vivi ni gale ria e huriki e turana.

Hibru 2:17

Na naro iea kunana e Isu i bele manga muholi e huriki e turana, ge ia a prister dagi na Vure, ge rata lobo a leho a Vure i habi vona, ge dodo hita e huriki a bakovi, a ngatavine, ge puga vuroki a naro hale ne hita.

Hibru 3:12

Mua o huriki a turagu, mu matadoko, ma ge rata mua a niluhoi hale, mu gu lobo ni luhoi torea a Vure, mu gu ngalahere na Vure Mahuri.

Hibru 3:14

Na tahuna si luhoi tora karabea e Kristo, i gale hita e huriki e turana. I mavonga, si gi pesi tata ni luhoi torea, ge vano, ge harena na parava si mate vona. Bara i uka, i uka ma ge gale tabu hita e huriki e turana.

Hibru 6:20

E Isu i bele manga a prister dagi i manga e Melkisadek hosi. Ngane i muga ne hita pali, i bele na matana Vure.

Hibru 7:26

E Isu a prister dagi kamumu hateka. I malamala, i uka ma i ratea tara naro hale. I made herehere ne hita e huriki a bakovi na malala. A Vure i vakamadea polomeli liu na hunu.

Hibru 7:28

Hosi a vinara i ru e huriki a bakovi na malala ge ria a prister dagi. Pali muri, na tahuna a Vure i kaba, i ru a Tuna Vure ge ia a prister, re Isu, i rata lobo a maka maki a Vure i takia ge rata.

Hibru 9:11

Pali e Kristo i valai manga a prister dagi. A leho i ratea i korimule hita. I dili na mailo tara na Vure. I uka ma a Mailo vona na malala, i uka ma ni hae na limana bakovi. A Mailo iea i kamumu hateka, i rangi a viri muga.

Hibru 9:15

Ngane e Isu i pesi na kurukuruna Vure, e huriki a bakovi a ngatavine, i vakatora a ngava dagi karaba. E huriki a viri a Vure i gale ria, bara ri bole a maki a Vure i ta muholi ge habi ne huriki e tuna. Ri gi bole, ri gi tahoka vakaroro, a vuhuna e Isu i mate na murine hita, ge puga vuroki a naro hale si rata na tahuna si ramai a ngava dagi muga.

1 Petrus 2:9

Pali mua, a Vure i vulaki mua. Mua e huriki a prister na hariki, a tara malamala, ne vona a Vure kunana. A Vure i rata mavonga, mu gu vakasiri e huriki vona a Vure i kamumu hateka, a vuhuna muga mu made na uvo. Pali i gale tala mua, mu gu made na nipara kamumu vona.

1 Petrus 3:5

E huriki a ngatavine malamala ri luhoi tora a Vure hosi, ri rata maea. A bagetua ne ria, ri longototo e girihine ria.

1 Petrus 5:1

Mua o huriki a gare na lotu, iau tara a gare. Iau a matai a maregoa i bolea e Kristo. Bara te vaveru vona a bagetuanga vona, ra ge bele kavakava muri ma. I mavonga, a taki tora mua,

1 Petrus 5:10

I mavonga, na tahuna mu bole pali a nimadihi popote, a Vure na nidodo bara i kisi mua, i vakatora mua, i rata mua mu pesi tora. Ra Vure i rata kamumu mua, i gale mua mu gu made turana vakaroro na bagetuanga vona, a vuhuna mu luhoi torea e Isu Kristo.

1 Ioanes 1:3

A maki lobo mi matai, a maki lobo mi longo, ngane mi taki tala ne mua, lakea mua ranga mu gu rihi mia. I muholi, si rihi e Tamana turana e Tuna, re Isu Kristo.

Iuda 1:1

Iau e Iuda, a vora ne Isu Kristo. Iau e tarine Iakop. A herea a raukea iea i lakene mua e huriki a Vure i gale mua. A Vure e Tamane hita i ngaru mua, ge matakari mua i vano i harena na tahuna e Isu Kristo ge hamule valai.

Kapiloho 17:14

Bara ri vaubi na Tuna Sipsip, lakea a Tuna Sipsip bara i ratapile ria, a vuhuna ia a Bakovi Dagi ne huriki a bakovi dagi. Ia a Hariki ne huriki a hariki. I gale e huriki ri laho turana, i vulaki ria, ri rata a maki lobo i taki ria ri gi rata.”

Kapiloho 18:20

Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”