Hibru 2:11 - A Nitana Vure

¹¹ E Isu, ra i valai na Vure, ia a viri i rata e huriki ri malamala. Pali e huriki i rata ria ri malamala, ria ranga ri valai na Vure. I mavonga, e Isu i vivi ni gale ria e huriki e turana.

Hibru 2:11 Iomraidhean Croise

Hibru 10:14

Ra ni habi i taku iea, i rata e huriki a bakovi a ngatavine, ra Vure i ru here here ria ne vona, ri malamala liu.

Hibru 10:10

Na ningaru na Vure, e Isu Kristo i mate, i habi mulea na Vure a kakaina, i manga a nihabi. Na naro iea, i ru here here hita, hita ne vona Vure kunana.

Ioanes 20:17

Lakea e Isu i takia, i ta maea, “Naha ni nugu iau, a vuhuna i uka ma a hamule lakea ma ne Tata. Pali ngane o hamule lakea ne huriki a turagu, o taki ria, ‘Iau ga hamule lakea ne Tata ne Tamane mua, na Vure nau a Vure ne mua.’”

Hibru 13:12

Na naro iea kunana, e Isu i bole a nimadihi polovavo na tanga, ge tua a darana, ni rata e huriki a viri vona ri gi malamala.

A Raukea e Paulus i Here Lakea ne Huriki a Rom 8:29

I paru hosi, a Vure i lohoka pali ne huriki ta ri gi luhoi tora ia. I lohoka muga ne ria, i taki muga ri gi bole a narone Tuna, ge ia a tabua ne huriki e tarina, re hita e huriki a tuna Vure.

Ioanes 17:19

Iau a luhoi ria, lakea a habi a hategu ne vomu, lakea ria ranga ri gi habi a hatene ria ne vomu.

Ioanes 17:21

Lakea a ngaru ria lobo ri gi pesi taku. O Tata, a ngaru ri gi rihi tarua i manga tu varihi. Na tahuna ri made turane tarua, e huriki na malala ri gi matakilala ioe kunana o rudu iau a valai.

Mateo 25:40

“A Hariki bara i koli, i ta maea, ‘A taki muholi mua, a ra maki mu rata virihi e huriki a turagu matasia vona, mu rata virihi iau.’

Hibru 2:14

E Isu i bele manga kunana a bakovi, a vuhuna hita e huriki a Vure i gale hita e tuna a bakovi. I bele manga a bakovi, ge mate, ge ratapilea a viri i nugua a nitora na matenga, re Satan.

Galesia 4:4

Pali na parava a Vure i vulaki purua i bele, i rudua e Tuna. A ngatavine i podea. I bele manga a bakovi, i muri mai a vinara lobo na Vure,

Apostolo 17:26

A Vure i ratarike mugea a bakovi ala taku, muri a bakovi iea i vakabele e huriki a kabu lobo. A Vure i vakamade ria na tabeke lobo na malala. I ru a maka parava ri gi made koea na malala, i ru a tabekena malala ri gi made vona.

Hibru 11:16

Pali i uka ma ri dodoa a tanga muga ne ria. Ri ngaru ni bele na tanga tara, ra i rangi a tanga lobo na malala. Ri ngaru ni bele na tanga na hunu. I mavonga, a Vure i uka ma i maruhu ne ria. I vivi vona a hini ri gale ia a Vure ne ria. I kisi puru pali a tanga dagi ne ria.

Markus 8:38

Koea na malala ri rata hateka a molenga, a naro hale. Pali e rei a viri i maruhu nau, i maruhu na ngava nau ngane, a Tuna Bakovi bara i maruhu vona muri ma, na tahuna i valai na nipara ne Tamana, turana e huriki a agelo vona.”

Mateo 28:10

Muri e Isu i taki rua, i ta maea, “Naha ni mangenge. Muru vano muru vakalongo e huriki a turagu ri gi lakea o Galili, ri gi matai iau vonga.”

Apostolo 17:28

a vuhuna a bakovi tara i ta maea, ‘Si made koea, si mahuri a vuhuna i ratarike hita.’ E huriki a bakovi ranga ne mua ri ta maea, ‘I muholi hateka, hita e huriki e tuna.’

Lukas 9:26

E rei a viri i maruhu nau, i maruhu na ngava nau, iau, a Tuna Bakovi, bara maruhu vona na tahuna a valai na bagetuanga nau, a bagetuanga ne Tata, a bagetua ne huriki a agelo kamumu.

Markus 3:34

I mata lakea ne huriki ri made halui ia, i taki ria, “E huriki ri made koea, ri manga e nana e turagu.

Hibru 3:1

Mua o huriki a turagu, a Vure i gale hita. Mu luhoia e Isu. A Vure i rudu vilia, ge ia a Prister Dagi na lotu ne hita.