Hibru 2:10 - A Nitana Vure

¹⁰ A Vure i ratarike a maki lobo, i matakari a maki lobo. Lakea i kamumu a Vure i ratea e Isu i bole a nimadihi, ge malamala liu, ge korimule e huriki ala kupo, ge gale ria e huriki e tuna, ri gi made turana na bagetua vona. E Isu kunana a viri i korimule e huriki.

Hibru 2:10 Iomraidhean Croise

A Vuhuna 18:25

I uka ma a naro kamumu ra naro ta go ratea, go ratapile e huriki a bakovi kamumu turana e huriki a bakovi hale. Bara o rata e huriki ri naro hale, e huriki ri naro kamumu ri palupulupu. I uka ma a naro kamumu na Matakari na malala ra naro go ratea.”

Ni Gi 7:15

a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

Lukas 13:32

E Isu i koli i ta maea, “Mu vano mu takia a huluvonga iea, ‘Ga lili tala taro a maka hanitu, ga korimule e huriki ri giloa na parava i rua. Na toluna parava bara vakaloboa a leho nau.’

Lukas 2:14

“Si gi kavurikea a Vure Meli Liu. Ge habi a nivalemu ne huriki a bakovi a ngatavine i vivi ne ria koea na malala.”

Lukas 24:26

E huriki a propet ri takia e Kristo ge bole a nimadihi taro, muri ge bole a bagetuanga vona.”

Lukas 24:46

Lakea e Isu i taki ria i ta maea, “A ngava ni here puru i taki e Kristo ge bole a nimadihi taro, muri na parava i tolu ge pesi rike mule na matenga.

Ioanes 19:30

E Isu i dame loboa a vain, lakea i ta maea, “I lobo.” I taki loboa a ngava iea, i marave puru a lohona, i mate.

Apostolo 3:15

E Isu ia a vuhuna nimahuri, pali mua mu rabalakia. Pali a Vure i vakamahuri mulea na matenga. Mia lobo mi masia.

Apostolo 5:31

A Vure i bibi rikea a rana e Isu, i vakamadea na limana kanena, ge muga ne hita, ge korimule hita, ge rata e huriki a Israel ri gi pulo a vilone ria, ge puga a naro hale ne ria.

A Raukea e Paulus i Here Lakea ne Huriki a Rom 11:36

A Vure kunana a viri i ratarike a maki lobo. Ia kunana i nugu a maki lobo na limana, ri tabuli kamumu. A maki lobo ne vona kunana. Si gi kavurikea a rana na parava vakaroro. I muholi.

A Raukea e Paulus i Here Lakea ne Huriki a Rom 9:23

I rata mavonga, ge vakasiri a nidodo dagi vona ne huriki i vulaki puru ria hosi, ri gi made turana na bagetua dagi na hunu,

1 Korin 2:7

A lohokanga a vara ria vona, a lohokanga kapiloho na Vure. A lohokanga iea, a Vure i luhoi purua muga na maki lobo ni ratarike, ge vakabagetu hita vona.

1 Korin 8:6

Pali ne hita, a Vure i taku kunana, re Tamane hita, ra i ratarike a maki lobo. Hita a ngate vona. A Bakovi Dagi i taku kunana, re Isu Kristo. Na limana kunana, a Vure i ratarike a maki lobo. I habi ne hita a nimahuri karaba.

2 Korin 3:18

Lakea hita lobo si matanonoa a bagetuanga ne Bakovi Dagi, a matane hita i uka ma ni kavitagu. I leho ni rata hita si gi manga ia, i rata maea, muri ma bara si manga muholi ia. A naro iea i valai na Hanune Bakovi Dagi.

2 Korin 4:17

A maka maregoa a bole na parava i popote ngane, i uka ma a maki dagi hateka, a vuhuna i rata puru nau a bagetuanga i dagi hateka, ge tabuli vakaroro. A bagetua nga ri rangi hateka a maka maregoa a bole ngane.

2 Korin 5:18

A Vure kunana a viri i rata a maki nga. A Vure, na leho ne Kristo, i rata hita i uka ma hita a pile tabu na Vure. Hita a taho vona. I habi a leho ne hita, si gi rata e huriki ranga, ge ria a taho na Vure.

2 Korin 6:18

ge iau e tamane mua, ge mua e huriki e tugu a bakovi a ngatavine. Iau e Bakovi Dagi Tuhaka Hateka a ta maea.’”

Galesia 3:26

a vuhuna ngane mu bele manga e huriki a tuna Vure, a vuhuna mu luhoi torea e Isu Kristo.

Epesus 2:7

I rata mavonga ne vona ni vakasiri e huriki ri gi bele muri ma, na naro i rata kamumu hateka hita na tahuna i rata hita si rihi e Isu Kristo.

Epesus 3:10

I rata mavonga, a tara ne Kristo ge vakasiri ne huriki a matakari na hunu, e huriki a viri dagi na hunu, a lohokanga dagi legelege vona.

Kolosi 3:4

E Kristo i rata hita si mahuri. Na tahuna ge valai tabu, bara mu pesi turana na bagetuanga vona.

2 Timoti 2:10

I mavonga a hatenono, a pesi tora, a bole lobo a nimadihi nga. A rata mavonga ga tuhori e huriki a bakovi a ngatavine a Vure i vulaki ria, ri gi bolea ra nimahuri i tabuli ne Isu Kristo, ri gi made palupu turana vakaroro na bagetuanga vona.

Hibru 12:2

A niluhoi ne hita ge doko kunana ne Isu. Ia a vuhuna a niluhoi ne hita, ia a viri kunana i malamala liu na naro vona ni luhoi tora. Na tahuna i bole a nimadihi dagi ni mate na kai tavalavala, i hatenono kunana. I uka ma i mangenge vona a nimaruhu dagi ge mate na naro iea, a vuhuna i luhoi kunana a nivivi dagi hateka ge bole muri ma. Ngane i made na limana kanena Vure.

Hibru 6:20

E Isu i bele manga a prister dagi i manga e Melkisadek hosi. Ngane i muga ne hita pali, i bele na matana Vure.

Hibru 7:26

E Isu a prister dagi kamumu hateka. I malamala, i uka ma i ratea tara naro hale. I made herehere ne hita e huriki a bakovi na malala. A Vure i vakamadea polomeli liu na hunu.

Hibru 7:28

Hosi a vinara i ru e huriki a bakovi na malala ge ria a prister dagi. Pali muri, na tahuna a Vure i kaba, i ru a Tuna Vure ge ia a prister, re Isu, i rata lobo a maka maki a Vure i takia ge rata.

1 Petrus 1:12

Ni vakalongo ria vona a nita propet ri rata i uka ma ne vona ni korimule ria. A nita propet ri ratea ne vona ni kori mua. A nita propet ne ria i bele muholi na ngava ni vakalongo ne mua pali, na tahuna e huriki ri vara ne mua a Velenga Kamumu na nitora na Hanu Kiripiripi, ra i valai na hunu. E huriki a agelo ranga, ri ngaru ni lohoka vona a ngava nga.

1 Petrus 5:1

Mua o huriki a gare na lotu, iau tara a gare. Iau a matai a maregoa i bolea e Kristo. Bara te vaveru vona a bagetuanga vona, ra ge bele kavakava muri ma. I mavonga, a taki tora mua,

1 Petrus 5:10

I mavonga, na tahuna mu bole pali a nimadihi popote, a Vure na nidodo bara i kisi mua, i vakatora mua, i rata mua mu pesi tora. Ra Vure i rata kamumu mua, i gale mua mu gu made turana vakaroro na bagetuanga vona, a vuhuna mu luhoi torea e Isu Kristo.

Kapiloho 4:11

“O Bakovi Dagi ne mia, a Vure ne mia. Ioe kunana i kara ioe e huriki ri gi vakabagetu ioe, ri gi togo ioe, ri gi kavurike a nitora vomu, a vuhuna ioe o ratarike a maki lobo na ningaru vomu kunana o ratarike ria, ri bele.”

Kapiloho 7:9

Muri a matai a tara dagi hateka, ni keri ni gi! Ri valai na robo lobo na malala, na kabu lobo na malala, na kuli lobo na malala, na tabele lobo na malala. Ri pesi na ngalana gula hariki, na ngalana Tuna Sipsip. Ri rodo a varakia ola keakea, ri nugu a pagana niu.