Hibru 12:3 - A Nitana Vure

³ Mu luhoi kamumua a narone Isu. I hatenono na tahuna e huriki a bakovi hale ri vakamadihi ia. Mu luhoi a narona, nahea ge malulu a tuhane mua, nahea mu gu kini malulu.

Hibru 12:3 Iomraidhean Croise

Mateo 11:19

Pali na tahuna ri masia a Tuna Bakovi i kani, i ninu, ri ta maea, ‘Ia a bakovi ni kani hateka, ni ninu hateka. I turana e huriki a bakovi ni bole a takis, e huriki a mari ni rata a naro hale.’ Pali e huriki ri ramai a niluhoi kamumu na Vure, ri vakasiri manga a niluhoi kamumu vona i muholi.”

Mateo 12:24

Pali na tahuna e huriki a Pariseo ri longo a ngavane huriki, ri ta maea, “Ra bakovi iea, i lili tala a hanitu na nitora ne Belsabub, a hariki ne huriki a hanitu.”

Mateo 15:2

“E huriki a murimuri vomu, i navai ri longotaro a vilo ne huriki a gare hosi? I uka ma ri loi taro a limane ria muga ni kani!”

Mateo 21:23

Muri e Isu i dili na roho na Vure, i vara e huriki. E huriki a prister dagi, a bakovi dagi ri valai vona, ri nanea, “O bole vai a nitora o rata a maki nga? E rei i taki ioe go rata a maki nga?”

Mateo 21:46

Lakea ri matakana a dala ri gi lakavua. Pali ri mangenge a vuhuna e huriki ri takia e Isu a propet.

Mateo 22:15

Muri e huriki a Pariseo ri vano, ri matakana a dala ri gi tamia e Isu, ge taki ranga ngava ri gi padi virihia vona.

Lukas 14:1

Na Parava Nimalo tara, e Isu i vano i kani na ruma na bakovi dagi tara ne huriki a Pariseo. Ri mata­nonoa, ri mata kana a naro ranga ge rata ruru.

Lukas 15:2

Lakea e huriki a Pariseo, a mari na vinara ri ta barangungu, ri ta maea, “Ra bakovi iea i tagui e huriki a bakovi hale, i kani turane ria.”

Lukas 16:14

E huriki a Pariseo ri longo a ngavane Isu, ri padikedea e Isu, a vuhuna ri ngaru hateka a moni.

Lukas 2:34

Muri e Simion i taki tou a Vure ge rata kamumu tou, lakea i takia e Maria, i ta maea, “O longo valai. A Vure i vulakia a koma iea ge rata e huriki a Israel ala kupo ri gi boru, pali ge korimule e huriki ala kupo. Bara ia a kilakila na Vure, lakea i kupo e huriki bara ri biu ia.

Lukas 5:21

Lakea e huriki a Pariseo, a mari na vinara ri vanana, “E rei ra bakovi iea, ra i ngaru ni bole a murina Vure? I uka tara bakovi tavula ge puga a naro hale, a Vure kikeri kunana.”

Ioanes 10:20

E huriki ala kupo ri ta maea, “I manga. I dili vona a hanitu. I navai si gi longo maia?”

Ioanes 18:22

Na tahuna e Isu i taki a ngava nga, a bolekori tara na prister i muga ne huriki a prister lobo i tahatea, i ubia na dumematana, i ta maea, “Naha ni koli mavonga a ngavana prister dagi.”

Ioanes 5:16

Lakea e huriki a Iuda ri tahatea e Isu a vuhuna i rata a maki nga na Parava Nimalo.

Ioanes 7:12

E huriki ri vareme na ngava, i viliha lae a nitane ria. I ranga ne ria ri ta maea, “E Isu ia a bakovi kamumu.” I ranga e huriki ri koli ri ta maea, “I uka, e Isu i tami e huriki.”

Ioanes 8:13

E huriki a Pariseo ri hehe, ri ta maea, “Masia ngane, ioe kikeri o ta ne vomu, pali i uka tara viri ge kori ioe na ngavamu ge muholi.”

Ioanes 8:52

Na tahuna e huriki a Iuda ri longoa a ngavana ri kaha, ri ta maea, “Ngane mi lohoka vomu i dili vomu a hanitu! E Abraham i mate, e huriki a propet ri mate, pali ioe o taki ta a viri ge muri mai a ngavamu, i uka ma ge mate!

Ioanes 8:59

Na tahuna i ratea a ngava iea, lakea e huriki a Iuda i madihi a hatene ria, a vuhuna i taki ta ia a Vure. Lakea ri bole rike a kedo ta ri gi padi­matea. Pali e Isu i kapiloho ne ria, i laho tala na tabeke tara na roho na Vure i vano.

Ioanes 9:40

E huriki a Pariseo ranga ri laho turana ri longoa a nitana, ri nanea, “I navai? O luhoi mia ranga mi kepa?”

1 Korin 15:58

I mavonga, o huriki a turagu, ra a ngaru hateka, mu pesi tora, mu paha taga. Mu habi vakaroro a hatene mua na leho ne Bakovi Dagi, a vuhuna mu lohoka vona, a leho mu ratea ne Bakovi Dagi, i uka ma ge velu tavula.

2 Korin 4:1

Lakea i uka ma ge tohai a kuligu ni tovo e huriki na nitana Vure, a vuhuna a Vure i dodo iau, i habia nau a leho iea.

2 Korin 4:16

I mavonga, i uka ma ge tohai a kuligu. A maka maregoa ri rata a kakaigu i viru, i malulu. Pali a Vure i vakatora a hategu na parava vakaroro.

Galesia 6:9

Nahea ge malulu a tuhane hita ni rata a maka naro kamumu, a vuhuna bara si kinigao, bara si bole a mapane hita.

Vinara 20:3

‘O huriki a bakovi o Israel, mu longo kamumu. Ngane bara mu vaubi. Naha ni mangenge ne huriki a pile, nahea ge malulu a limane mua, nahea ge vakulu a tagane mua.

2 Tesalonika 3:13

Mua e huriki a turagu, naha ni tuha malulu ni rata a naro kamumu.

Hibru 12:2

A niluhoi ne hita ge doko kunana ne Isu. Ia a vuhuna a niluhoi ne hita, ia a viri kunana i malamala liu na naro vona ni luhoi tora. Na tahuna i bole a nimadihi dagi ni mate na kai tavalavala, i hatenono kunana. I uka ma i mangenge vona a nimaruhu dagi ge mate na naro iea, a vuhuna i luhoi kunana a nivivi dagi hateka ge bole muri ma. Ngane i made na limana kanena Vure.

Hibru 12:5

I navai? Mu longo kaburungia pali a hini a Vure i vara mua i manga mua e huriki e tuna? I ta maea, “O tugu, na tahuna e Bakovi Dagi i habi a nimadihi vomu, naha ni biua. Naha ni kini malulu na tahuna i tahate ioe.

Hibru 3:1

Mua o huriki a turagu, a Vure i gale hita. Mu luhoia e Isu. A Vure i rudu vilia, ge ia a Prister Dagi na lotu ne hita.

1 Petrus 2:23

Na tahuna e huriki ri harogia, i uka ma i koli. Na tahuna i bole a nimadihi, i uka ma i ta vakamengenge. I ru kunana ia na limana Viri i pelekado e huriki na naro malamala.

Kapiloho 2:3

Mu hatenono, mu pesi tora na tahuna mu bole a maregoa a vuhuna mu luhoi torea a ragu. I uka ma mu tuha malulu, mu tabana ni kinigao.