Hibru 12:2 - A Nitana Vure

² A niluhoi ne hita ge doko kunana ne Isu. Ia a vuhuna a niluhoi ne hita, ia a viri kunana i malamala liu na naro vona ni luhoi tora. Na tahuna i bole a nimadihi dagi ni mate na kai tavalavala, i hatenono kunana. I uka ma i mangenge vona a nimaruhu dagi ge mate na naro iea, a vuhuna i luhoi kunana a nivivi dagi hateka ge bole muri ma. Ngane i made na limana kanena Vure.

Hibru 12:2 Iomraidhean Croise

Ni Gi 21:9

Lakea e Moses i ratea na bras tara hanuna mata i vakatavorea na kai i ola. Na tahuna a mata hale i kani ria, bara ri mata rike maia, bara ri mahuri.

Mateo 16:21

Na parava iea e Isu i vakatubu ni vaka­longo e huriki a murimuri vona, ne ia ge sike o Ierusalem, ge bole a nimadihi i kupo na limane huriki a gare na lotu, a prister dagi, a mari na vinara na lotu. Muri bara ri rabalakia. Pali muri na parava i tolu, bara i mahuri mule.

Mateo 20:28

ge manga a Tuna Bakovi. Ra Tuna Bakovi, i valai i uka ma ge vakavora e huriki. I valai ge ia a vora ne huriki, ge mate, ge kona­mule e huriki ala kupo.”

Markus 14:36

I vasileki maea, “Aba, Tata! A maki lobo a maki tavula vomu. O bole vurokia nau a nimadihi iea. Pali a ningaru vomu, i uka ma ga ningaru nau.”

Markus 16:19

E Isu a Bakovi Dagi i vara lobo e huriki a murimuri vona. Muri ni bole sike na hunu i made turana a Vure, na limana a kanena.

Markus 9:12

E Isu i koli i ta maea, “I muholi, i takia e Elaisa ge valai muga, ge rata karaba a maki lobo. Pali ge navai ra nita ni here puru muga i taki a Tuna Bakovi bara i bole a nimadihi hateka, e huriki lobo ri gi marikoi vona?

Markus 9:24

E tamana i malaviriri kunana i koli, i ta maea, “A luhoi tora ioe, pali o tuhori iau na tahuna i uka ma a luhoi tora ioe!”

Lukas 17:5

Muri e huriki a apostolo ri takia e Bakovi Dagi, ri ta maea, “O vakatora a niluhoi ne mia!”

Lukas 23:11

E Herod turana e huriki a nugumaheto ri padikede loboa e Isu, muri ri vakarodoa na varakia na hariki, ri rudu mulea ne Pilato.

Lukas 24:26

E huriki a propet ri takia e Kristo ge bole a nimadihi taro, muri ge bole a bagetuanga vona.”

Ioanes 1:29

Na parava muri e Ioanes i masia e Isu i laho valai vona. Lakea i taki e huriki, i ta maea, “Mu mata lakea, mu masia a Tuna Sipsip na Vure, ra viri i puga vuroki a naro hale ne huriki na malala!

Ioanes 12:24

A taki muholi mua, na tahuna a bakovi i varo a vutuna vit, i mate a vutuna vit, i gaga, i koru rike, i vakabele a kanena i kupo. Pali a vutuna vit i uka ma ni gi varo, i uka ma ge vakabele tabu a kanena.

Ioanes 12:32

Pali iau, na tahuna ni gi bole rike iau, ga tuli valai nau e huriki lobo.”

Ioanes 13:3

E Isu i lohoka vona e Tamana i ru a maki lobo na limana. I lohoka vona ia i valai na Vure, pali ngane ta ge hamule lakea tabu na Vure.

Ioanes 6:40

a vuhuna e Tata i ngaru e huriki lobo ri matai iau, e Tuna, lakea ri luhoi tora iau, ri gi bole a nimahuri vakaroro. Muri na nilobona parava, bara vakamahuri mule ria na matenga.”

Ioanes 8:56

E tamane mua e Abraham i pasimata ni matai a parava nau. Pali ngane i masia pali a parava iea, i vivi hateka.”

Apostolo 2:36

“Ngane a ngaru mu gu lohoka vona, mua e huriki a Israel. A Vure i ratea e Isu, ge ia a Bakovi Dagi, ge ia e Kristo, re Isu mu paditatea na kai tavalavala.”

Apostolo 3:15

E Isu ia a vuhuna nimahuri, pali mua mu rabalakia. Pali a Vure i vakamahuri mulea na matenga. Mia lobo mi masia.

Apostolo 5:31

A Vure i bibi rikea a rana e Isu, i vakamadea na limana kanena, ge muga ne hita, ge korimule hita, ge rata e huriki a Israel ri gi pulo a vilone ria, ge puga a naro hale ne ria.

Apostolo 5:41

E huriki a apostolo ri pe a vaponga, ri vano. Ri vivi vona a hini a Vure i matai ria, i kara ria ni bole a maregoa na rane Kristo.

1 Korin 1:18

Ne huriki ri laho na dala na matenga, a nitovo na kai tavalavala i manga a ngava tavula. Pali ne hita, e huriki a Vure i korimule hita, a nitovo na kai tavalavala, ia a nitora na Vure.

1 Korin 1:23

Pali a ngava mi vara e huriki vona, mi taki ria ne Kristo ni paditata na kai tavalavala. A ngava iea i rata e huriki a Iuda ri boru, pali e huriki a Grik ri luhoi ta a ngava manga manga.

Epesus 2:16

si manga a kabu i taku, ne vona ni rata hita si gi made na nivalemu turana Vure na nimatena na kai tavalavala. I mavonga i vakalobo a nivatepu.

Epesus 5:2

Mu laho na naro na nivangaru, i manga e Kristo i ngaru hateka hita, i habi ia na Vure, i manga a nihabi manginoro.

Pilipai 1:6

A lohoka vona, a Hanu Kiripiripi, ra i tubu ni rata a leho kamumu pololilo ne mua, bara i leho i vano i harena na tahuna i vakalobo a leho iea, na parava e Isu Kristo ge hamule valai vona.

Pilipai 3:20

Pali a tanga muholi ne hita, meli na hunu. Si davea e Bakovi Dagi, e Isu Kristo, ge valai vona, ge korimule hita.

2 Timoti 4:8

I mavonga, e Bakovi Dagi, ra viri i pelekado malamala e huriki, i kisi puru a mapa kamumu nau, i manga a viri i mulangi na rihiva i bole a tama. Bara i habia nau na parava i pelekado e huriki. Bara i habia nau a mapa kamumu, a vuhuna i matai iau a malamala na matana. I uka ma ge habi nau kunana. Bara i habi ne huriki lobo ri pasimata vona ge hamule valai.

Hibru 1:13

A Vure i uka ma i takia tara agelo ge ta maea, “O valai o made na limagu a kanegu, ge harena na tahuna ga ru na tarumu e huriki a pile vomu.”

Hibru 1:3

E Tuna i vakasiri a bagetuanga na Vure. I manga muholi a Vure. A nitana i tahoka a nitora. Na nitana kunana i rata a maki lobo ri tabuli tora. I vakaloboa a leho vona ni bole a nimadhi na naro hale ne huriki, ge rata ria ri gi malamala na matana Vure. Muri i made na limana kanena Vure, ra Viri Dagi na hunu, a rana i dagi hateka, i tahoka a nitora dagi.

Hibru 10:14

Ra ni habi i taku iea, i rata e huriki a bakovi a ngatavine, ra Vure i ru here here ria ne vona, ri malamala liu.

Hibru 10:33

Na parava ranga ni vakapesi mua na matane huriki, lakea ri biu mua, ri vakamadihi mua. Na parava ranga mu pesi turana e huriki ranga ri bole a maka maregoa, mu tuhori ria.

Hibru 11:36

E huriki ranga ri luhoi torea a Vure, ni harogi pile, ni lagu, ni kolotata na sen, ni ru dili na bavi.

Hibru 12:3

Mu luhoi kamumua a narone Isu. I hatenono na tahuna e huriki a bakovi hale ri vakamadihi ia. Mu luhoi a narona, nahea ge malulu a tuhane mua, nahea mu gu kini malulu.

Hibru 13:13

Ngane si gi pagitala, si gi lakea ne Isu polovavo na tanga, lakea e huriki ri gi biu hita i manga ri biua e Isu.

Hibru 5:9

Muri i vakalobo a leho vona, ngane i korimule e huriki ri longototo a ngavana, i habi a nimahuri vakaroro ne ria.

Hibru 7:19

A vinara i uka ma i rata hita si gi malamala na matana Vure. Muri a Vure i vakasiri ne hita a dala kamumu si gi bele tabukoi na Vure vona.

Hibru 8:1

A vuhuna ngava nga i maea: Si tahoka pali a prister dagi. I made na limana kanena Hariki na hunu, i matakari.

Hibru 9:28

E Kristo i mate balaka taku, i manga a nihabi na Vure, i bole a mapana naro hale ne huriki ala kupo. I mavonga, muri ma na tahuna i hamule valai, i uka ma ge mate tabu ni bole tabu a mapana naro hale ne huriki. Na tahuna i hamule valai, bara i korimule e huriki ri pasimata vona ge valai.

Iakop 2:1

Mua e huriki a turagu, mu rata a naro ge palupu ne huriki lobo, a vuhuna mu luhoi torea e Isu Kristo a Bakovi Dagi ne hita, i muga ne huriki lobo.

1 Petrus 1:11

A Hanune Kristo i leho pololilo ne ria, ri ta muga na nimadihi ta ge bolea e Kristo, a bagetuanga ta ge bolea muri, lakea ri ngaru ni lohoka vona ia e rei, pali garika ge valai?

1 Petrus 3:18

E Kristo tara i bole a nimadihi. Ia a bakovi malamala, i mate balaka taku na naro hale ne hita, ge korimule e huriki a bakovi hale. I rata mavonga, ge tuli valai hita na Vure. A kakaina ni rabalaki, pali a Vure i vakamahuri mulea.

1 Petrus 3:22

I sike pali na hunu, i made na limana kanena Vure. I matakari e huriki a agelo, e huriki a matakari, a maka nitora ni habi na limana.

Iuda 1:21

Mu luhoi vakaroro a hini a Vure i ngaru hateka mua. Mu davea a nidodo ne Isu Kristo, a Bakovi Dagi ne hita. A nidodo vona i habi ne hita a nimahuri vakaroro.

Kapiloho 1:11

A loho iea i ta maea, “A maki lobo o matai, o here puru na raukea, o vakaru lakea ne huriki a tara na Vure o Epesus, o Smerna, o Pergamum, o Tiatira, o Sardis, o Piladelpia, o Laodisia.”

Kapiloho 1:17

Na tahuna a masia, a boru puru tabukoi na vahana, a tabuli manga a viri i mate. Pali i padoi iau na limana a kanena, i ta maea, “Naha ni mangenge. Iau kunana a nitubuna maki lobo. Iau kunana a nilobona maki lobo.

Kapiloho 1:8

A Vure e Bakovi Dagi i ta maea, “Iau kunana a nitubuna maki lobo. Iau kunana a nilobona maki lobo. Iau a made ngane, a made hosi, ga made vakaroro. Iau a tahoka a nitora lobo.”

Kapiloho 2:8

Muri a bakovi iea i ta tabu, i ta maea, “O here lakea na agelo ne huriki a tara na Vure o Smerna, o here maea: A ngava iea i valai na viri ia a nitubuna maki lobo, a nilobona maki lobo, ra viri i mate, i mahuri mule.