Hibru 12:1 - A Nitana Vure

¹ Re huriki a bakovi a ngatavine na Vure hosi nga, ri pesi halui hita. A tara dagi. Ri vakasiri pali hita na dala na ni luhoi torea a Vure. Ri matanono hita, ri ngaru si gi mulangi na nivarangi si nunu vona. I mavonga, si gi kinigao ni nunu kamumu. Si gi puga vuroki na nimadene hita a maka maki i vakamarego hita, a naro hale i nugu tata mule hita.

Hibru 12:1 Iomraidhean Croise

Mateo 10:22

E huriki a bakovi a ngatavine bara ri marikoi ne mua, a vuhuna mu ramai iau. Pali e rei a viri i pesi tora mavonga ni ramai iau, a Vure bara i korimulea.

Mateo 24:13

Pali e rei i pesi tora ge harena na parava i mate vona, a Vure bara i korimulea.

Markus 10:50

I puri purua a kala i kavitagu a bitona vona, i pesi rike, i lakea ne Isu.

Lukas 12:15

Muri i taki e huriki, i ta maea, “Mu matadoko! Naha ni ngaru ioe go tahoka a mahala ge kupo. A bakovi bara i tahoka a mahala i kupo, ra mahala vona i uka ma ge habi a nimahuri vona.”

Lukas 16:28

ge matai e turagu ala lima vonga. Ge taki tora tou nahea to go muri mai iau vona ra tanga na nimadihi.’

Lukas 21:34

“Mu matadoko, nahea mu gu luhoi lege­lege na nimade koea na malala. Nahea mu gu ninu mu gu manga manga, mu gu rata a maka naro hale, ma ge vaka­pae mua a maka rabu nga. Bara mu turutu na tahuna a parava iea i bele vakaturutu, i lakavu mua i manga a hoa i lakavua a kadirovo.

Ioanes 3:32

I vakalongo a maka maki i matai, a maki i longo, pali i uka tara viri ge longo mai a ngavana.

Ioanes 4:39

E huriki a Samaria ala kupo na tanga iea ri luhoi torea e Isu, a vuhuna a ngatavine i taki ria, i ta maea, “I vakalongo iau vona a vilo lobo a rata hosi.”

Ioanes 4:44

a vuhuna e Isu i vakalongo e huriki pali na propet, i uka ma ni togo na tanga vona.

A Raukea e Paulus i Here Lakea ne Huriki a Rom 12:12

Mu vivi, a vuhuna mu pasimata ne Kristo. Mu hatenono na tahuna mu bole a maregoa. Mu vasileki vakaroro.

A Raukea e Paulus i Here Lakea ne Huriki a Rom 2:7

E huriki ri ramai a naro kamumu, ri toni a bulune ria ni ratea a Vure ge vivi hateka ne ria, ri toni a bulune ria ni bole a nimahuri vakaroro, a Vure ge habi a nimahuri vakaroro ne ria.

2 Korin 7:1

Mua o huriki a hategu, a ngava nga a Vure i ta muholi ne hita. I mavonga, si gi lohopile a maka rabu hale ri vakakatoki a kakaine hita, a hanune hita. Si gi mangenge na Vure, si gi bele malamala.

Galesia 2:2

A sike lakea, a vuhuna a Vure i vakasiri iau ga sike. Na tahuna a bele, a made kikeri turana e huriki ri mata dagi. A vakalongo ria vona a Velenga Kamumu a taki tala ne huriki i uka ma ria a Iuda. A rata mavonga, a vuhuna a leho a rata ngane turana leho a rata muga pali, ma ge velu tavula.

Galesia 5:7

I muga mu luhoi tora kamumu a narone Kristo. Pali e rei a viri i putu tagu a dala ne mua, i uka ma mu ramai tabu a ngava muholi?

Epesus 4:25

Mu ha taro pali a taminga. I mavonga, mua takutaku mu ta muholi ne huriki a turane mua, a vuhuna si manga a kakaina viri ala taku kunana.

Pilipai 1:30

i manga a nimadihi mu matai iau a bolea, pali ngane mu longo i tabana ma i lobo.

Pilipai 2:16

Mu nugu tata tora a ngava na nimahuri, lakea na parava e Kristo i valai vona, bara vivi ne mua, i uka ma a nunu tavula, i uka ma a leho tavula.

2 Timoti 2:4

A nugumaheto i uka ma ge leho viliha lae. Bara i nugu kunana a leho ge vakavivi a ubu vona.

2 Timoti 4:7

A toni a bulugu ni nunu hateka. A vakalobo ngane a nivarangi. A leho lobo i habi nau ga rata, a rata kamumu pali. A ramai kamumua a Vure. I uka ma a ha taroa.

Hibru 6:15

Lakea e Abraham i dava, i hatenono. Muri i bele a maki a Vure i ta muholi vona ge bele.

Iakop 1:3

a vuhuna mu lohoka vona a nitoni i bele ne vona ni toni a niluhoi ne mua, mu gu pesi tora.

1 Petrus 2:1

I mavonga, mu lobo liu ni rata a naro hale. Mu lobo ni tatami, mu lobo ni ngava naru, mu lobo ni tahate ne huriki ri tahoka a maki, mu lobo ni vakahale a rana turane mua.

1 Petrus 4:2

I uka ma ge ramai tabu a ningaru hale na kakaina. Bara i nunu muri mai kunana a ningaru na Vure.

1 Petrus 5:1

Mua o huriki a gare na lotu, iau tara a gare. Iau a matai a maregoa i bolea e Kristo. Bara te vaveru vona a bagetuanga vona, ra ge bele kavakava muri ma. I mavonga, a taki tora mua,

1 Petrus 5:12

E Sailas i manga e turagu muholi, i rata kamumu a leho lobo a habi vona. I kori iau, i here poloa a raukea kiroko iea, ra a vara mua, a taki tala ne mua a naro kamumu muholi na Vure. Mu pesi tora vona.

2 Petrus 1:6

A lohokanga, mu vakatorea na naro ni pahadanu a ningaru hale na kakaine mua. A naro iea, mu vakatorea na naro na ni hatenono na maregoa. A naro iea, mu vakatorea ni rata a naro na Vure.

Kapiloho 1:9

Iau e Ioanes, a turane mua. Si vaveru na ni bole a nimadihi na rane Isu. A dili turane mua na harikianga na Vure, si pesi tora ni ramaia e Isu. Iau a vara e huriki na nitana Vure, a ngava ne Isu, lakea ni lakavu iau, ni ru dili iau na bavi, koea na bodu e Patmos.

Kapiloho 13:10

E huriki ni gi lakavu, bara ni lakavu ria. E huriki ni gi rabalaki na bainat, bara ri mate na bainat. I mavonga, e huriki a tara na Vure ri gi hatenono, ri gi luhoi torea a Vure.

Kapiloho 22:16

“Iau e Isu, a rudua a agelo nau ge vakalongo vomu a ngava nga, go taki e huriki a tara nau na tabeke lobo. Iau a vuhune Davit, iau a hamone Davit. Iau a hada e Lagavago.”

Kapiloho 3:10

Mu longototo iau na tahuna a taki mua mu gu hatenono, mu gu pesi tora na maregoa. I mavonga ga matakari mua, i uka ma mu gu dili na tahuna na nitoni, ra popote ge valai na tanga lobo na malala, ge toha e huriki lobo ri made na malala.