Hibru 10:5 - A Nitana Vure

⁵ I mavonga, na tahuna e Kristo i puru valai na malala, i ta maea, “I uka ma o ngaru a nihabi, a nitabari. Pali o kisi purua a kakaigu.

Hibru 10:5 Iomraidhean Croise

A Vuhuna 3:15

Bara ioe a pile na ngatavine, e huriki a hamomu ranga bara ria a pile na hamona ngatavine. A hamona ngatavine bara i paha momo a gimu, pali ioe bara o kara tatea a vahana.”

Mateo 11:3

ri gi nanea, “Ra ioe, ioe kunana a viri a Vure i taki ge rudu vilia, o mi gi davea a viri tara?”

Lukas 1:35

A agelo i koli mule, i ta maea, “A Hanu Kiripiripi bara i valai vomu, a nitora na Vure Meli Liu bara i kavitagu ioe. Lakea a koma bara o podea ni gi gale a bakovi kiripiripi, bara ni gale a Tuna Vure.

Lukas 7:19

Lakea e Ioanes i rudu a vinuru vona ala rua ru gu masia e Bakovi Dagi, ru gu nanea, “Ioe kunana a viri a Vure i taki ge rudu vilia, o mi gi davea a viri tara?”

Ioanes 1:14

A Nita i bele manga a bakovi, i made turane hita. Mi masia a bagetuanga vona, a bagetuanga ne Tuna a Madiva, ra viri i valai ne Tamana. Ia a mari ni dodo, a mari ni ta muholi.

Galesia 4:4

Pali na parava a Vure i vulaki purua i bele, i rudua e Tuna. A ngatavine i podea. I bele manga a bakovi, i muri mai a vinara lobo na Vure,

1 Timoti 3:16

I muholi hateka, a ngava na naro na Vure i kamumu hateka. Ra ngava iea hosi i kapiloho, pali ngane ni taki tala pali ne hita. A ngava iea i maea: E Kristo ni poda, i bele manga a bakovi. A Hanu Kiripiripi i vakasiri a narona i kamumu. E huriki a agelo ri masia. A velengana ni vakalongo na tanga lobo na malala. E huriki ranga koea na malala ri luhoi torea. Ni bole sike na hunu, i bole a bagetuanga.

Hibru 1:6

Na tahuna a Vure i rudu vilia na malala e Tuna a tabua, i ta maea, “E huriki a agelo lobo ri gi kavurike ia.”

Hibru 10:10

Na ningaru na Vure, e Isu Kristo i mate, i habi mulea na Vure a kakaina, i manga a nihabi. Na naro iea, i ru here here hita, hita ne vona Vure kunana.

Hibru 10:7

Muri a ta maea, ‘O Vure, o longo! A valai ngane, ga ratea a ningaru vomu, i manga a ngava ni here puru virihi mai iau na Hinere.’”

Hibru 10:8

I muga i ta maea, “O uka ma o vivi vona a nihabi gutu-vuro, a nihabi na naro hale.” Pali a maka nihabi nga, a vinara i taki ni gi rata.

Hibru 2:14

E Isu i bele manga kunana a bakovi, a vuhuna hita e huriki a Vure i gale hita e tuna a bakovi. I bele manga a bakovi, ge mate, ge ratapilea a viri i nugua a nitora na matenga, re Satan.

Hibru 5:7

Na tahuna e Isu i made manga a bakovi na malala, i vasileki na Vure, i nanea ge tuhori ia. I gale tala dagi turana luha, na Viri i tahoka a nitora ni korimule ia na matenga. A Vure i longoa a nivasileki, a ningaru vona, a vuhuna i vakakiroko mule ia, i longototoa a Vure.

Hibru 8:3

E huriki a prister dagi lobo ri tahoka a leho ni habi a nihabi na Vure. E Kristo tara, i habi a nihabi na Vure, a vuhuna ia a prister dagi.

1 Petrus 2:24

Na tahuna i tavore na kai tavalavala, i bole na kakaina a naro hale ne hita. I rata mavonga, si gi mate na naro hale, si gi mahuri mule na naro malamala. A harena lebo na kakaina i vakatavaga mua.

2 Ioanes 1:7

A bakovi ala kupo ri laho lae, ri takia e Isu Kristo, na tahuna i valai koea na malala, ta i uka ma i bele manga a bakovi. E rei a viri i tovo maea, ia a bakovi na taminga, a pile ne Kristo.