Hibru 1:9 - A Nitana Vure

⁹ O ngaru a naro kamumu. O marikoi a naro hale. I mavonga a Vure, a Vure vomu, i rata ioe o vivi, a nivivi vomu i rangi a nivivi ne huriki e turamu.”

Hibru 1:9 Iomraidhean Croise

Ni Gi 7:43

a pelete silva a nimavana i 130 sekel, a tavila silva a nimavana i 70 sekel. Ra nimavana pelete a tavila nga, i ramai a nimavana sekel na kape na tahuna iea, ru vonu na plaoa kamumu ni vuli turana a namona oliv, ne vona a nihabi na vit;

Lukas 4:18

“A Hanune Bakovi Dagi i made turagu, a vuhuna i vulaki iau ga vakalongo a Velenga Kamumu ne huriki a matasia. I rudu iau ga vakalongo e huriki ni ru dili na bavi, ne ria ri gi matukapaga. I rudu iau ga vakamatapara e huriki a kepa. I rudu iau ga rata e huriki ni rata hale, ri gi matukapaga.

Ioanes 1:41

E Andreas i malaviriri kunana i vano, i matavisia e tukana, i vakalongoa, i ta maea, “Miri matavisia e Mesaia” (re Kristo).

Ioanes 10:17

E Tata i ngaru iau, a vuhuna ga mate na murine huriki a sipsip. Muri ga mahuri mule tabu.

Ioanes 20:17

Lakea e Isu i takia, i ta maea, “Naha ni nugu iau, a vuhuna i uka ma a hamule lakea ma ne Tata. Pali ngane o hamule lakea ne huriki a turagu, o taki ria, ‘Iau ga hamule lakea ne Tata ne Tamane mua, na Vure nau a Vure ne mua.’”

Ioanes 3:34

A viri a Vure i rudua i valai i vakalongo e huriki na nitana Vure, a vuhuna a Vure i habi vona a Hanuna, i uka harena.

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Apostolo 4:26

E huriki a hariki na malala ri pesi rike na ni vaubi, e huriki a matakari ri vapopo ri gi vaubi turane Bakovi Dagi, ri gi vaubi turana Viri a Vure i Vulakia.’

Apostolo 4:27

A ngava nga ri bele muholi na tahuna e Ponsius Pilato e Herod ru vapopo koea na tanga iea turane huriki a Israel, e huriki i uka ma ria a Iuda. Ri vapopo, ri matakana a dala ri gi ratapilea a vora vomu, re Isu, a viri o vulakia.

A Raukea e Paulus i Here Lakea ne Huriki a Rom 12:9

Mu ngaru e huriki, naha ni tamilalu ni ngaru ria. Mu marikoi a naro hale. Mu rata vakaroro a naro kamumu.

A Raukea e Paulus i Here Lakea ne Huriki a Rom 15:13

A Vure a viri i rata mua mu pasimata vona ge rata a maki lobo i taki ge rata. Ge habi ne mua a nivivi, a nivalemu na tahuna mu luhoi tora ia. I mavonga, a Hanu Kiripiripi ge rata mua mu gu pasimata hateka.

1 Korin 1:9

A Vure i rata a maki lobo i taki ge rata. I gale mua mu gu rihi e Tuna, re Bakovi Dagi ne hita, e Isu Kristo.

2 Korin 11:31

A Vure, e Tamane Bakovi Dagi ne hita, e Isu, ra ni gi kavurike ia vakaroro, i lohoka nau, i uka ma a tami mua.

Galesia 5:22

Pali a kanena Hanu Kiripiripi, a naro kamumu nga: a naro na nivangaru, a nivivi, a nivalemu, a naro ni hatenono, a naro ni rata kamumu e huriki, a naro ni hate balala, a naro ni ta muholi,

Epesus 1:3

Si kavurikea a Vure, e Tamane Isu Kristo, a Bakovi Dagi ne hita. I vakabagetu hita a vuhuna si rihi e Kristo. I vakabagetu hita na maki kamumu lobo ri valai na hunu, ri kori a hanune hita.

Pilipai 2:9

I mavonga a Vure i vakadagi hateka ia. I vunua a rana, ra i rangi a rana e huriki lobo.

Hibru 2:11

E Isu, ra i valai na Vure, ia a viri i rata e huriki ri malamala. Pali e huriki i rata ria ri malamala, ria ranga ri valai na Vure. I mavonga, e Isu i vivi ni gale ria e huriki e turana.

Hibru 2:9

Pali si masia e Isu, ra muga a Vure i ratea i polotano popote ne huriki a agelo, ge mate na murine hita. Na naro iea, a Vure i rata kamumu hita. Ngane si masia e Isu, a Vure i vakabagetua, i kavurikea a rana, a vuhuna i bole a nimadihi na matenga.

Hibru 7:26

E Isu a prister dagi kamumu hateka. I malamala, i uka ma i ratea tara naro hale. I made herehere ne hita e huriki a bakovi na malala. A Vure i vakamadea polomeli liu na hunu.

1 Petrus 1:3

Si gi kavurikea a Vure, e Tamane Isu Kristo, a Bakovi Dagi ne hita! I dodo hateka hita, lakea i habi ne hita a nimahuri karaba. Ngane si pasimata muholi, a vuhuna e Isu Kristo i mahuri mule na matenga.

1 Ioanes 1:3

A maki lobo mi matai, a maki lobo mi longo, ngane mi taki tala ne mua, lakea mua ranga mu gu rihi mia. I muholi, si rihi e Tamana turana e Tuna, re Isu Kristo.

Kapiloho 2:15

I mavonga, mua ranga, e huriki ranga ri muri mai a nitovo ne huriki a murimuri ne Nikolas.